استشاره عن مكينة فورد فكتوريا

[فهد456]

السلام عليكم ورحمة الله وبركاته

مساكم الله بالخير جميعاً

يااخواني انا بستشيركم معي فكتوريا مديل 2001 مكينته تنقص يعني خلال 3 ايام المكينه مافيها ولا قطرة زيت ورحت لكذا ورشه وقالولي التوضيب ب5000 فيه احد منكم يدلني عن اوفر طريقه او عن ورشه شغلهم تمام واسعارهم مناسبه او يفيدني عن حل غير التوضيب اتمنى من الجميع المشاركه والافاده وجزاكم الله خير

[فهد456]

المشاهدات 23 ولا واحد رد

[هايل العتيبي]

والله ماعندي علم ولا كان ماقصرت معك
يجي من يفيدك

[فهد456]

تسلم اخوي هايل ماتقصر

[فحل الجو]

لا يوجـــــد في المملكة العربية السعودية أحد يوضب صح !!!
نصيحتي لك وأنا ميكانيكي وأعرف ما أقول قم بشراء ماطور كامل من التشليح مع الضمان أفضل لك
وستجده بإذن الله أرخص من التوضيب حتى المكائن الأمريكية أفضل من بعض السعودي,
والله الهادي لسواء السبيل أخوك فحل بن جو

[-الساري-]

وعليكم السلام ورحمة الله وبركاتة
إخوي : فهد
أنا شفت العواجي (اللى له معرض سيارات أستخدم إمريكي ، يبع مكائن سيارة مستورده -إصليه وارد أمريكا)
وعن إذان الإدارة :
وهذا رقمه أتصل عليه ويعلمك 0515225550 او 0515223856

والله يعين إن شاءالله ،

[فهد456]

بيض الله وجيهك اخوي فحل والساري ماقصرتو

[الضامي 3333]

السلام عليكم أخوي انا قبل ثلاث سنوات ضربت رصيف وانكسرت المكينة وبغيت اصلحها وقالوا لي بتكلف فوق 6000ريال ونصحني الميكانيكي اني اغيره من التشليح وخذيت من التشليح مكينة ماشيه 50000كيلو بقيمة 4000ريال مع الرجيع والله الى يومك ذا وانا مأشتكيت منها ويعطيك عليها ضمان لمدة شهر وانا بالخدمه اذا بغيت شيء

[فهد456]

تسلم يالضامي الله يعطيك الف عافيه ماقصرت يالغالي

[عقيل2009]

الخ /فهد

مكينه الفورد قطع غيارها رخيص .ولو افترضنا انك تبي تؤضب المكينه توضييب كامل ماتكلف اكثر من 4000 الى 3500
واقل بعد
والمكانيكي الفهمان مايعطيك سعر التكلفه الى بعد فك المكينه وفحص اجزاها بدقه ويعرف ايش المطلوب لها
سواء من قطع الغيار او مخرطه


والله الموفق

[فهد456]

مشكور اخوي عقيل والله مالقيت اقل من 5000 ولا اول شي الاغلب يقولون ب6000 وسعرت بكذا ورشه اقل واحد قالي ب5000

[عقيل2009]

مشكور اخوي عقيل والله مالقيت اقل من 5000 ولا اول شي الاغلب يقولون ب6000 وسعرت بكذا ورشه اقل واحد قالي ب5000

لك رساله على الخاص

[K.S.A.A]

كلمة أقولها لك وللغير ( لاتوضب )
ياخي الصناعية القديمة مليانه مكائن جميع الموديلات .
دور لك وحده نظيفه وركبها وريح راسك طبعا خذها بالضمان .
وترى مكينة الرودماستر نفسها بالضبط , ممكن تحصلها أرخص وأنظف .
بس تحتاج تفك الأسلاك والبخاخات من مكينته الأصل وتحطها على مكينة الرود .


والله يوفقك .

[أبوياسر74]

حاول ان تشتري مكينة مامشت كثير يعني مكينة ماشية 50 ألف أفضل بكل تاكيد من مكينة ماشية 300 ألف

حاول تشتري من محل تكون المكينة في السيارة لتعرف موديلها وكم ماشية

لكن اللي في الأرض ماتعرف هل موديلها 2010 أو 2001
وإذا ركبتها افحصها عند مهندس والأفضل بجهاز الكمبيوتر يعطيك قدرة وحال المكينة

وفقك الله