استفسارات لخبراء (( الهدد)) gx ?????

[جهاد الفيصل]

السلام عليكم ورحمة الله وبركاته


بالنسبة للهدد من موديل 2007 و 2006 و 2005 وش الفرق بين راد الفطيم ووارد اليحيى ؟؟؟؟

وهل هناك واردات اخرى كالبريمي وعبدالغني للهدد ؟

ماهو افضل وارد ؟؟؟


ولاحظت ان هناك بعض الهدد تأتي عروة الباب (( نيكل )) وبعضها نفس لون السيارة ؟؟؟

فمتى تجي بلون السيارة ومتى تجي نفس لون السيارة ؟؟؟؟؟


وياليت بعض المعلومات القيمه عن الهدد للي حاب يتعرف عنه اكثر او حاب انه يقتنيه لكن ما يعرف الفرق بينهن

اتمنى من خبراء الهدد يفيدوننا ونكون لهم الشاكرين

[الشلفا]

أخوي الله يرزقك اللي في خاطرك

أفضل هدد بالسوق بالسعودية هو وارد با زرعة اللي يجيبه اليحيى
وهو اللي تجي مواصفاته تمام ومنها:
الدبل عصا ماهو زر يعني مثله مثل جيب موديل 80 لا كهرب ولا غيره ( حديد يفتل له حديد )
المرايا والمسكات نيكل ويعتبر أجمل
يجي منه فل كامل ونش وفتحة ودفلك
يجي منه خلفية لكزس , واسبير علاق , واسبيرين
غالبا يكون مستخدم في شهابة نجد ,, يعني لا تشيل هم الصدأ

القطري يعتبر نمبر 2 بعد اليحيى
بس موديل 2006 و 2007 الغالب منه يجي دبل مشروك
مرايا ومسكات نفس اللون
مستحيل يجي ونش ,, ومن النادر تحصل دفلك فقط فتحة
ويجي منه خلفية , واسبير علاق لكن واحد فقط
الغالب تحصله متأثر بالصدأ ويمكن يكون غير ضار لكن تحصله

نمبر 3 البريمي وارد سعود بهوان في عمان
نفس القطري بالضبط ولكن يجي منه نوع مسكاته نيكل ويجي منه فل بونش ودفلك
كذلك يجي فيه زيادات مثل زينون وبلوتوث ويقولون يجي منه كميرا

نمبر 4 الفطيمي
لا أعرف عنه شئ ,, ولكن سمعت إنه يجي بدون عمود توازن ,, ومن بحث واستطلاع وجدت الفطيمي سعره نازل حتى لو كان نظيف وليس له رغبة في السوق

أما بالنسبة للـ 2005 فالقطري يجي منه دبل عصا نفس اليحيى

خلاصة الكلام دور على ركادة وسعة صدر,, هدد وارد اليحيى ولا تنشد عن غيره
وعسى الله يرزقك

[جهاد الفيصل]

الشلفا

معلومات قيمة ماتوقعت اني راح احصلها بهذه السهولة


الله يوفقك بالدنيا والاخره

وعاجز عن شكرك ياملا العافيه