مطلوب دعامية نفس اللي على سيارات المرور

[تاهو بليزر]

السلام عليكم

مساكم الله بالخير يارجال
طبعاً الطلب واضح بالموضوع
عسى الله يسهل اموركم ..

[سحاب1]

يفيدك الاخوان ان شاء الله

[عبد الله 99]

نصيحه لوجه الله لا تركبها ركب دعامه عاديه الي معلاق ذبيحه و فاس ولا تركب حقت الدوريات
لان الدعوه فيها مخالفه 500 ريال و ازلت المخالفه عاد وشلون تفك الدعامه عند العسكري وهو موقفك الا ان كانه اجودي و يمشيك

[سحاااب تبوك]

وليه مخالفه الدعامه عاديه مثل اي دعامه

[سيد الجو]

مركبها سنه وبعت الموتر وامر من التفاتيش ولا احد وقفني

[(محمد العبري)]

ورشة -المميز -الرياض -صناعية الدائري
______________________
منقولمن رد أخونا الكنرول على أحد المواضيع
تمشي مع الدائري و بعد ما تتعدى مخرج 17 يوجد
فتحة خروج من الدائري لطريق الخدمة
و الجوال اللي كتبه اخونا القناص مشكورا ناقص رقم
و الرقم الصحيح للجوال 0504457189
أحسن وقت تكون هناك
( حسب ما عودنا راعي المحل ) :
بعد العصر بحوالي ساعة

[تاهو بليزر]

الله يبيض وجيهكم جميع

انا بصراحة من اهل تبوك والرياض بيني وبينه مسافات
وقلت يمكن فيه شي طارف للبيع ..
على العموم بالتوفيق للجميع ..

[عـــــزام]

فدوك الاخوان

[أميرالعشاق]

ياخوي ليش تشتري دعامة؟؟؟؟فصلها عند أي حداد وانتهى الموضوع !!!هذا اللي سويته ولا كلفتني الا 80 ريال مع التركيب ...ولا تعتبر مخالفة !!!انا مابقيت ديرة مارحتها والدعامات راكبة ولا قالوا شيء في التفتيش...

[الشلفا]

ممكن صورة لعلها تكون نفس اللي عندي بالمستودع

[kellahd]

نصيحه لوجه الله لا تركبها ركب دعامه عاديه الي معلاق ذبيحه و فاس ولا تركب حقت الدوريات
لان الدعوه فيها مخالفه 500 ريال و ازلت المخالفه عاد وشلون تفك الدعامه عند العسكري وهو موقفك الا ان كانه اجودي و يمشيك

اثباتك لما تقول؟؟؟؟؟ :eek:

ولو جاك العسكري نافش ريشه قل عطني التعميم بمنعها و المخالفة عليها

[kellahd]

ياخوي ليش تشتري دعامة؟؟؟؟فصلها عند أي حداد وانتهى الموضوع !!!هذا اللي سويته ولا كلفتني الا 80 ريال مع التركيب ...ولا تعتبر مخالفة !!!انا مابقيت ديرة مارحتها والدعامات راكبة ولا قالوا شيء في التفتيش...


وشلون 80 ريال

انا مركبها بـ 450 ريال

[ولد شيوخ]

الي مركبها ويقول مااحد قال له شي ... هذا اول .... تقريبا من شهر مانعينها المرور لانها تغطي اللوحه الأماميه وكاميرا ساهر ماتلقط اللوحه علشان كذا شددوا فيها .

بس انا عن نفسي عادي يوقفني ويعطيني مخالفه 500 ريال ويمكن يسامحني ولا كل شوي يصورني ساهر.

[أبوجهاد التبوكي]

إن شاء الله الاخوان يفيدونك
وأنت صادق معاناتنا بتبوك إنه مافيه ناس متخصصين بحدادة السيارات...

[عبد الله 99]

مخالفات الفئة الأولى والتدابير الإضافية التي يمكن إتخاذها حيالها


العقوبات المقررة لهذه المخالفات (غرامة مالية لا تقل عن خمسمائة ريال ولا تزيد على تسعمائة ريال ، أو بحجز المركبة مع الغرامة).
6- تركيب تجهيزات في المركبة كتلك الخاصة بالمركبات الرسمية ومركبات الطوارئ ( مع حجز المركبة حتى إزالة المخالفة ) .
رابط ادارة المرور http://www.rt.gov.sa/breachs.php

مدري تكذيب بي ولا ويش