المساعد الشخصي الرقمي

مشاهدة النسخة كاملة : لاضاق بالي من كثير التفاكير


سليمان المطرودي
20/11/2005, 10:55 PM
اخواني اعضاء مكشات الاعزاء
هذه اول قصيدة اشارك فيها بهذا المنتدى المتميز

لاضاق بالي من كثير التفاكير
ركبت ما يدني بعيد الرهاريه
جيب ما خصص للعمل والمسايير
من نقوته جديد للبر شاريه
ابيه لا صارت ابصدري محاشير
اهموم قلبٍ دايم ما تخليه
مريت عشيرٍ لي عشير المناعير
عز الرفيق وعز من هو يماشية
اللي صبورن في بعيد المشاوير
يوم ان بعض الناس تكثر طواريه
وهو عشيري بالليال المعاسير
لا من ولد اللاش لقا علابيه
نقوة رفيقن من رجال مشاهير
بالطيب والمعروف تعرف اهاليه
ما رافقن مصلوح في نية غير
رفقة ارجال لـه تقوده مبادية
ونمشي بعون اللي عليه التدابير
لجو بعيد طايب كيف ناصيه
جو خلا عقب المطر ما بعد زير
ما غير فيه الطير تسمع غناويه
ونمسي خلا والبال ما فيه تكدير
تحت النجوم وزايد الهم ناسيه
واشب لي نار قبل غدوة الطير
في موقع نبته من الوسم زاهيه
هذا ادواي ومنوتي ياهل الخير
وقلبي كثير المال ما هو بمشقيه

تقبلوا تحيات الشاعر / سليمان عبدالله المطرودي
ذيب الفقرة
20/11/2005, 11:31 PM
الأخ أبو عبدالله
السلام عليكم ورحمة الله وبركاته
شوقتني للبر وشبة النار وقت الفجرية وصوت العصافير
أقول الله يعطيك العافية على هذه القصيدة وإنشاء الله نشوف الزود
سليمان المطرودي
21/11/2005, 10:24 PM
الأخ أبو عبدالله
السلام عليكم ورحمة الله وبركاته
شوقتني للبر وشبة النار وقت الفجرية وصوت العصافير
أقول الله يعطيك العافية على هذه القصيدة وإنشاء الله نشوف الزود

مشكور على المرور وعلى الاطرا ، ونعدك والجميع ان شاء الله بالزود
ابو بريك
22/11/2005, 07:55 AM
صح لسانك يا المطرودي .عز اللة انا قصيدة جميلةحيث انها تعبر عني.
أبو شعلان
22/11/2005, 03:44 PM
بسم الله الرحمن الرحيم

يامال العافيه يابو عبدالله وصح لسانك وعساك على القوه

ــــــــــــ تقبل تحياتي ــــــــــــ
:j
قاهررررهم
22/11/2005, 07:39 PM
صح لسانك

ودام نبضك وقلمك
سليمان المطرودي
22/11/2005, 08:55 PM
اخوي ابو بريك
اخوي ابو شعلان
اخوي قاهرهم
تحية طيبة للجميع

اشكركم جزيل الشكر على مروركم

تقبلوا اطيب تحياتي
ابو عبدالله / سليمان عبدالله المطرودي
هاوي النفود
22/11/2005, 11:06 PM
بسم الله الرحمن الرحيم

ابو عبد الله

صح السانك ولا تنلام لو تهيضت قصيدة معبرة ونريد المزيد

تقبل تحياتي

اخوك ابو متعب
ريف النشاما
23/11/2005, 06:05 AM
ريف مر من هنا وسوف يعود...........أشلح أشلح والغتره طايره من عند الأذاني:d
سليمان المطرودي
08/12/2005, 12:38 AM
اخوي هاوي النفود
اخوي ريف النشاما
اشكركم على مروركم وعلى الاطرأ ،
مع اطيب التحية
الحـيران
08/12/2005, 12:47 AM
ابو عبد الله

لك وافر الشكر والتقدير على القصيده الجميله

وشوقتنا للبراري وقدة النار مع القروم

تحياتي لك ابو عبدالله

الحيران
القناص666
08/12/2005, 02:16 AM
صح لسانك يابوعبدالله
ويعطيك الف الف عافية
سليمان المطرودي
09/12/2005, 10:29 PM
اخوي الحيــــران

اخوي القنـــاص

السلام عليكم ورحمة الله وبركاته

الحيران : لا شكر على واجب ، وانا اشكرك على مرورك واطرائك مع تمنياتي لك باروع الكشتات .

القناص : صح بدنك والله يعطيك الصحة والعافية والكشتة الرايقة .

لكم اطيب التحية والتقدير
ابو الدواحيس
10/12/2005, 09:07 AM
الله يعطيك العافيه على القصيده الرائعة
وشكر لك
محمد التمامي
10/12/2005, 10:45 AM
صح لسانك يا ابو عبد الله ولا تحرمنا من جدبدك
الشاص
10/12/2005, 11:56 AM
صح لسانك يابو عبد الله

ولاحرمنا هاالابداع يالغالي
نقا هشال
10/12/2005, 02:57 PM
هلابك ياغالي

وصح لسانك على القصيده الرائعه

كل الشكر لك

وننتظر جديدك
ابن شارخ
11/12/2005, 12:31 PM
الله يمسيك بالخير اخوي سليمان

بيض الله وجهك على هالابيات الرائعه

تمنياتي لك بدوام التوفيق والنجاح

تقبل التحية
اخوك
ابن شارخ
سليمان المطرودي
13/12/2005, 05:14 PM
اخواني

محمد التمامي

الشــــــــاص

نقا هشـال

ابـن شــارخ

كل واحد منكم نقول له صح بدنك ، ونشكركم على المرور وعلى الاطرأ ، وهذا واجبنا تجاه المنتدى ، كل ما طلعنا وجازت لنا الطلعة وقلنا به قصيدة يشرفنا انكم تطلعون عليها ،

اشكركم مرة اخرى ، وتقبلوا تحياتي

سليمان المطرودي
قرقاص مع شاهي
19/12/2005, 10:55 AM
صح لسانك وما قصرت على هالقصيدة
الحضري
19/12/2005, 02:00 PM
الله الله صح لسانك ولاهنت قصيدة غارقة في الابداع


تحيتي وننتظر القادم


في امان الله
سليمان المطرودي
28/12/2005, 06:41 PM
السلام عليكم ورحمة الله وبركاته

اخواني :

قرقاص مع شاهي

الحضــري

اشكركم جزيل الشكر على المرور وعلى الاطرأ ، والله لا يهينكم .

تحياتي وتقديري

الشاعر / سليمان عبدالله المطرودي
eamad
08/01/2006, 12:15 AM
صح السانك وتسلم واللله يعطيك العافيه
ابـــوجـرحيـن
09/01/2006, 12:08 AM
يعطيك العافيه وصح لسانك يابو عبدالله
.
.
مع تحيات ابـــوجـرحيـن
ولد الوشم
15/01/2006, 10:52 PM
صح لسانك يا بو عبدالله

صدق ان البر و الرفقه اللي ترتاح معهم تشرح النفس.

تقبل تحياتي.....
سنعوسي111
16/01/2006, 09:32 PM
جيب ما خصص للعمل والمسايير
..............................من نقوته جديد للبر شاريه
ابيه لا صارت ابصدري محاشير
............................اهموم قلبٍ دايم ما تخليه

صح لسانك يالمطرودي
سليمان المطرودي
28/01/2006, 07:11 PM
اخواني :

eamad

ابو جرحين

ولد الوشم

سنعوسي

السلام عليكم ورحمة الله وبركاته



اسعدني مروركم على قصيدتي ، فلكم مني جزيل الشكر والامتنان . وصحت ابدانكم وسلمت اعماركم والله لا يهينكم اخواني .

انا اسف جدا على تأخري بالرد عليكم لقلة دخولي للنت .

لكم مني وافر التحية والتقدير .



اخوكم / الشاعر سليمان عبدالله المطرودي