كشتت يوم الجمعة والسبت 17-18/10

[المرنقط]

السلام عيكم ورحمة الله وبركاتة

بعد انقطاع عن الرحلات الكشتات احب اني اطرح لكم اول كشتة بعد نزول الامطار

في يوم الخميس الماضي 16/10 اتفقت انا واحد الشباب بالذهب الى الدهنا واللي حولها قكانت الرحلة من الساعة الواحدة ليلة يوم الجمعة والمبيت في الدهنا اللى تفاجأنا بجوها الخيالي واثار المطر

واتركم مع الصور

مكان المبيت في الدهنا
http://www.mekshat.com/pix/upload/images11/mk9571_1.jpg

http://www.mekshat.com/pix/upload/images11/mk9571_2.jpg

http://www.mekshat.com/pix/upload/images11/mk9571_4.jpg

http://www.mekshat.com/pix/upload/images11/mk9571_5.jpg

صورة لشروق الشمس وعلى شوي ضباب

http://www.mekshat.com/pix/upload/images11/mk9571_66.jpg

صورة للطل على طربال السيارة
http://www.mekshat.com/pix/upload/images11/mk9571_7.jpg

وهذي صورة الغيوم المارة على الصمان والدهنا ومتجهه الى الرياض

http://www.mekshat.com/pix/upload/images11/mk9571_8.jpg

وبعد هذا اتجهنا الى شعيب العتش بعد ما وصلوا بقية الشباب اللي مشو من الرياض الفجر وكانت منه هذي الصور

http://www.mekshat.com/pix/upload/images11/mk9571_9.jpg

وكانت جلستنا على الشعيب

http://www.mekshat.com/pix/upload/images11/mk9571_10.jpg

يتبع............

[الجيب الربع]

السلام عليكم ورحمة الله وبركاته

أخوي المرنقط

صور رائعه وجميله والدهنا تفتح النفس

أعتذر عن الرد قبل أكمالك الموضوع لكن الدهنا ماخلتني أصبر ما أرد

تحياتي

[نيتروجين xp]

رووووووووووووووووووووووووووووووووعة

فعلا جو رائع جدا ومكان أروع

أشكرك على الصور الحلوة الي تفتح النفس وما قصرت

ولا تحرمنا من جديدكـ ومن صوركـ المميزة ،،،

وتقبل تحياتي ,,,,,..

[دله وفنجال]

السلام عليكم...
الحقيقة اني مثل اخوي ابو عبدالله تقاطرت السعابيل والعيون فنجلت على الشاشة منزين ماأشوف ...
ماشاء الله عليكم واحلالاة لو ادخل مع الشاشة وجلس معكم لي اشوي...
مشكور على الصور وماقصرت...

[فهد العتيبي]

مشاء الله تبارك الله .على الكشته ياخوي المرنقط
ومشكورررررررررعلى التغطية

[المرنقط]

وهذي شبة الضوية على جال الشعيب وقهوة ترد الروح

http://www.mekshat.com/pix/upload/images11/mk9571_11.jpg

صورة لمغيب شمس يوم الجمعة والغيوم مازالت ملبدة

http://www.mekshat.com/pix/upload/images11/mk9571_12.jpg

وبالليل رجعنا الى الرياض ولولا الله ثم الدوامات كان جلسنا الى اطول بس وما ادراك ما بس

من بكرة رحت انا والاهل نتغدى في البر هذا يوم السبت 18/10 بس صار انة كانت السماء تمطر من جهت الطوقي واللي حولها ويوم رحت الى الشعبان اللي حولها شوف وش شفت

هذا في طريق المطار والمطر منهمر ( حلوة منهمر)

http://www.mekshat.com/pix/upload/images11/mk9571_1233.jpg

شعيب الطوقي قبل الرقية
http://www.mekshat.com/pix/upload/images11/mk9571_jhhh.jpg

http://www.mekshat.com/pix/upload/images11/mk9571_31.jpg

الشعيب وهو قاطع الشارع

http://www.mekshat.com/pix/upload/images11/mk9571_41.jpg

http://www.mekshat.com/pix/upload/images11/mk9571_51.jpg

[عجمي]

وعليكم السلام ورحمة الله وبركاته


الحمد لله على السلامة ...


تسلم يالذيب على الصور والموضوع والله يعطيك العافية ...


والمرة الثانية اطلع من بدري ..


واحلى تحية من اخوك عجمي ,,

[النجم الهاوي]

سلمت يميينك على الصور الرائعه وعلى هذا التقرير الجميل

ياليت تعطينا مكان الطلعه

لان الدهناء كبيره وطعوووسها تغري بالطلعه

[المرنقط]

هذي الشعبان قاطعة الزفلت ما بين وقت وثاني في منطقة الحفنة

http://www.mekshat.com/pix/upload/images11/mk9571_61.jpg

نسيت اقول لكم عن شلال الطوقي

http://www.mekshat.com/pix/upload/images11/mk9571_81.jpg

وهذا مصب الشعيب من الاعلى
http://www.mekshat.com/pix/upload/images11/mk9571_91.jpg

وهذي صورة لشاحنة حذفت من الخط بسبب قوة قطع الشعيب
http://www.mekshat.com/pix/upload/images11/mk9571_111.jpg


عند وصولي الى الحفنة وجت العالم متجمهرين قلت الله يستر يوم قربت اتضح لي انة اهل الحفنة ما هم قادرين يقطعون الشعيب علشان يطلعون ولا حنا نقدر نقطع علشان ندخل للحفنة والصورة ابلغ بالتعبير
http://www.mekshat.com/pix/upload/images11/mk9571_131.jpg

وبعدها كملت الى رماح والرمحية وكانت بعد حمد الله الشعبان كلها ماشية ومليانة حتى وصلت الى شعيب غيلانة
اللي وصلت لة على المغرب وبعد انقطاع المطر بفترة وتفاجات انة تحت الجسر فاظي وانة من داخل مليان فا نزلت ابي اشوف الشعيب واذا بالشعيب جاي من مصبة بقوة ومتجة الى خريب والحق ولا ما تلحق صور ولا انحش
وهذي صورة اول بدى يصب الشعيب من عندي ويالله الحق اصور
http://www.mekshat.com/pix/upload/images11/mk9571_141.jpg

بدية صبتة من الجهه الثانية
http://www.mekshat.com/pix/upload/images11/mk9571_151.jpg

وفي النهاية اشكر كل من مر على الموضوع واعتذر عن الاطالة

[أبــوريـــان]

مشاء الله .......الله يعطيك العافية ...اما الصور الاخيرة شي .........تقبل تحياتي

اخوك ابوريان

[رحال الزبير]

ماشاء الله

تبارك الله

عليك يالمرنقط

صراحة تغطية رائعة جدا ومن دون مجاملات

ونتظر المزيد،،،

[شايب الصمان]

مشكور ياأبوعبدالكريم وماقصرت وجعل مديرك ينتدبك للاماكن هذه مدة 4أشهر :D .

ويش أخبار الصحن سؤال فقط؟؟؟؟؟؟

صوره مع التحيه للمترو :good:

[ابوحازم]

مشكور يالمرنقط على هالصور الجميلة

[الرمح]

صور جميلة جدا وتسلم اخوي المرنقط
الله يعطيك العافية

[رسلان]

ماشاء الله تبارك الله ...
الله يطرح به البركة ...
عافاك الله أخي : المرنقط ...
تقرير رررائع ... صور جميلة ...
بورك فيكم ...
وجزيتم خيراً ..
لكم تحيات أخوك ...
.... رســــلان ....

[ابو سمر]

صور رائعة وجميلة ، وأشكرك على مجهود في إعدادك للموضوع وتذكيرك لنا بأمطار وشلالات العام الفائت ..

[المهاجرxp]

يا بعدي والله أنت

الصراحة أطربتنا وونستنا الله يونسك بالعويفية

شكرا لك ويعطيك العافية

لا وتعتذر عن الإطالة هذي الإطالة وإلا بلاش

ننتظر القادم منك

[ريف النشاما]

مشاء الله عليك تبارك الرحمن

مشكور وماقصرت على هذه الصور الرائعه والتقرير الرائع

اللحق ولا ماتلحق :d

أنا كنت قريب منك وياليت واصلت الرحله :( لأني رجعت قبل الوصول وكنت أعتقد بانه واصل قبل كذا

لكن الحمدلله ماقصرت

تحيتي

[ريع الدياب]

بسم الله الرحمن الرحيم
السلام عليكم ورحمة الله وبركاته

الغالى أبوعبدالكريم المرنقط

الله يسعدك على هالموضوع والصور اللى هى فعلا تباشير الخير
الحمد لله الأمطار هالسنة تشرح الصدر وتسر الخاطر
وان شاء الله ربيع وفقع هذه السنة يتفوق على العام الماضى
وتنشط فيه الكشتات الممتعة واللقاءات الخيرة

أفضل تحية وتقدير

[المرنقط]

هلا والله بالحبايب الغالين والله

واشكر الاخوة المارين فرداَ فردا
واشكركم على هذا الاطراء الطيب واللي يحمس الواحد للطلعات والتصوير والمشاركة اول باول حتى لو كانت النت عندة دايل اب
والشكر موصول الى كل من الاخوة

- اخوي عجمي وشلون تبيني اطلع بدري والمطر ما جاء مادام مافي مطر مافي طلعة واشكرك على التعلق

- بالنسبة لسؤالك اخوي النجم الهاوي للمكان في الدهنا حنا مثل ما قلت اننا دخلنا من جهت العتش وفرقنا على عروق ود وتمشينا في اغلب العروق وهي نفس الشي

- حبيبي واخوي شايب الصمان مالك ومال الصحن لا تذكر المشرف العزيز مترو وتوهقنا ومعه على العموم الصحن في ايدي امينة س :d ;)

-اخوي ريف النشاما انشاء الله الجايات اكثر والله يجب الخير انشاء الله

[كشات]

http://www.geocities.com/hraaar_1/1100218787_starting_word.gif

ماشاء الله عليك يابو عبدالكريم

اتحفتنا ووسعت صدورنا (بهالرحلتين) الرائعه بارك الله فيك اخوي الغالي

جزاك الله خير

[nahham]

تسلم يالمرنقط

تسلم يمينك وتسلم كمرتك

تقرير بالصور جميل جدا

ما قصرت

[قرناس الخبر]

يعطيك العافيه يالمرنقط (ابوبلال) على هالرحله الطيبه......................

وييين اللي عنده اختبارات............................
شكله المطر عفس ابو الجدول (من ورانا) .............. ;)

المهم الارانب متى ناكلها قصدي نطبخها..............


نبي كشته مثل هذي نطبخ الارانب اذا بقى شي منها .......

ويعطيك الف عافيه يا الحبيب الغالي :good:

[الكونترولCONTROL]

اما عاد الشاحنة حذفت من قوة الشعيب و هي مليانه ؟؟؟؟؟؟؟؟؟؟؟!!!!!!!!!
------------------------------------------------
ودددددددددددددددددددددددي اصدقك بس مستحي ..................

[أبو فراس]

السلام عليكم ورحمة الله وبركاته

ابو عبدالكريم حياك الله جات ايام الربيع وبان المرنقط

زين اللي جبت هالموضوع وخلتنا نطمئن على احبابنا انهم حيين ويرزقون

اخي الكنترول

الله يسلمك ترا مهب الشاحنة اللي انحرفت الطريق هو اللي انحرف مع السيل

ابو عبدالكريم وين الباترول عسا ما شر ما اشوفه مع السيارات

[ريف النشاما]

مشكور وماقصرت على هذا التقرير الطيب


وعلى المتابعه

تحيتي

[الصمان]

السلام عليكم ورحمة الله وبركاته
مشكور اخوي الله يعم الخير ويطرح البركة وصور رائعة

[(ابوسعد)]

يامااال العافيه والله




الف شكر على المجهووود



والصور الرووووعه

[المرقاب]

الحمد لله
والله يجزاك خير أخوي المرنقط ويوسع صدرك بالعافيه والله يجعله متبوع بخير.
اللهم أغث قلوبنا بالأيمان وبلادنا وبلاد المسلمين بالمطر النافع يالرحمن.

[* ولد الديمن *]

الله يجزاك خير صور فله تفتح النفس

أن شاء الله الخير جاي

تسلم يا المرنقط ما قصرت

[غالي]

ماشاء الله تبارك الله
الله يسعدك دنيا واخره اخوي والحمد لله على سلامتكم

[رحال الخبر]

الله عليك يالمرنقط
السلام عليكم ورحمة الله وبركاته
ايش هالطلعات المطرية ولا على ماتقول اول كشتة ‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍ ‍‍‍؟؟؟؟؟؟؟؟؟؟؟؟؟
ماشاء الله عليك قاضب البيت وملازمة ابد ماتروح مكان .
لكن صراحة يبيلك تروح عن نفسك شوي يالمرنقط وعلى الاقل تكشت كل شهر مرة مهو كشته من بداية السنة .
الله يمتعك بالصحة والعافية وعسى ايامك سعيدة وكشتاتك مفيدة وربعك نشامى ولايوريكم سوء اللهم امين.
وتحياتي لك ولقارورة الصحة اللي بحايل واشواقي للرملة والشلة والكبده وكندا والرياض والروضة .