محمدالزبيدي
12/03/2011, 02:44 PM
كان يا ماكان
في سالف العصر والأوان
سلطان يحكم ديرة من الديار
واشترى له فيل واطلقه يفلّي في ديرته
الفيل هذا كسر الزروع وهلك الحرث والنسل
آذى الناس اللي تحت حكم هذا السلطان الحبيب
اجتمعوا المواطنين مواطني هالديرة قالوا شرايكم نجتمع ونكلم السلطان
يفكنا من أذى هالفيل
قالوا هالشور الزين
المهم انتخبوا قائد لهم وهو اللي شار عليهم بالشور
قالوا له عليك تقدمنا
ومشوا تحركوا واتجهوا لقصر السلطان
والظاهر ان القائد حقهم كان مشغول البال
ويفكر في وسائل الاقناع
وما انتبه للي وراه
ويوم وصل وزهم على السطان
والسلطان يطل من الشرفة
واشب الرجال ما يلتفت وراه ولا ما من أحد
ما غير هو لحاله خوياه تخرطوا من بدري
وتركوه لحاله وجها لوجه مع السلطان
ويوم اقبل السلطان على الرجال ( المواطن )
قال له هاااا وشفيك يا مواطن
قال المواطن :
طال عمرك
الفيل حقك
السلطان
وش فيه
المواطن لا طال عمرك ما فيه الا العافية
الا ان حاله يكسر الخاطر
ليش ما تزوجه بفيله
قال السلطان بس هذا طلبك
ابشر
عن قريب نزوجه
وعاد المواطن لربعه والبشر يلوح على محياه
وسلامتكم
في سالف العصر والأوان
سلطان يحكم ديرة من الديار
واشترى له فيل واطلقه يفلّي في ديرته
الفيل هذا كسر الزروع وهلك الحرث والنسل
آذى الناس اللي تحت حكم هذا السلطان الحبيب
اجتمعوا المواطنين مواطني هالديرة قالوا شرايكم نجتمع ونكلم السلطان
يفكنا من أذى هالفيل
قالوا هالشور الزين
المهم انتخبوا قائد لهم وهو اللي شار عليهم بالشور
قالوا له عليك تقدمنا
ومشوا تحركوا واتجهوا لقصر السلطان
والظاهر ان القائد حقهم كان مشغول البال
ويفكر في وسائل الاقناع
وما انتبه للي وراه
ويوم وصل وزهم على السطان
والسلطان يطل من الشرفة
واشب الرجال ما يلتفت وراه ولا ما من أحد
ما غير هو لحاله خوياه تخرطوا من بدري
وتركوه لحاله وجها لوجه مع السلطان
ويوم اقبل السلطان على الرجال ( المواطن )
قال له هاااا وشفيك يا مواطن
قال المواطن :
طال عمرك
الفيل حقك
السلطان
وش فيه
المواطن لا طال عمرك ما فيه الا العافية
الا ان حاله يكسر الخاطر
ليش ما تزوجه بفيله
قال السلطان بس هذا طلبك
ابشر
عن قريب نزوجه
وعاد المواطن لربعه والبشر يلوح على محياه
وسلامتكم