رأيك بغاز النيتروجين للإطارات

[شحرور الدهنا]

ودنا برأي اللي عبو كفراتهم بغاز النيتروجين وش حسو بفرق وايش فايدته لتعم الفايده للجميع. وحاولت اسوي استطلاع ماقدرت وشكرا للجميع

[عاشق هلي 2005]

ما جربت يالغالي بس ان شاء الله يفيدوننا

[Lover gmc]

جربته

اللي لاحظته مسكت خط تقريبا 5 كيلوا رايح جاي اول العصر وقت الصيف والحر

رجعت البيت الكفرات لسا بارده

[شحرور الدهنا]

غير برودة الكفرات يالغالي هل لاحظت خف بالموتر او ليونه بالكفرات ؟؟؟؟

[قناص تمره]

نبي التجارب في البر وعلى الخظ

[صبي هذيل]

هلابك يالغالي انا والله جربتها الفرق الي حسيته قساوه فالموتر ورحت بعدها باسبوع تقريباً نسمت الهواء وعبيتها من جديد هواء عايدي وحسيت الليونه في السياره. عاد على كلام راعي البنشر يقول انها فعلاً تقسي السياره بسبب البروده هذا والله اعلم ونشوف الاخوان

[Bader-M]

يكفي ان سيارات الراليات و الفورملا 1 تستخدم غاز النيتروجين في كفراتها

واكيد هذا الامر لم ياتي من فراغ

تحياتي اليك

[Lover gmc]

غير برودة الكفرات يالغالي هل لاحظت خف بالموتر او ليونه بالكفرات ؟؟؟؟

لا والله

يقول تقلل صرفيه البنزين

ولا صار الا شي خفيييييييف جدا

لاتحط نيتروجين الا لابغيت تمسك خط سفر طويل بالصيف

ولا خط ماهو لازم طويل لكن خايف من الكفرات من الحراره

غيره لاتحط مايحتاج


يكفي ان سيارات الراليات و الفورملا 1 تستخدم غاز النيتروجين في كفراتها

واكيد هذا الامر لم ياتي من فراغ

تحياتي اليك

ايه عشان مايحترن

تحسبهن يالله يمشن

[نجم000الشمال]

النيتروجين غاز غير قابل للتمدد بفعل احتكاك الكفرات بالطريق وبالتالي لاتوجد حرارة في الكفرات لان جزيئاته لاتتفاعل مع بعضها مثل الغازات الاخرى ، لذلك تعبء به كفرات الطائرات وسيارات السباقات واسطوانات المدافع والاسلحة الثقيلة عند الارتداد ، وتحفظ فيه الجثث لفترات طويلة بسبب برودته العالية ، وله استخدامات كثيرة في الطب والصناعة .

وتقبلوا مروري .

[شحرور الدهنا]

ماقصرتو ولاكن نطمح لمزيد من التجارب

[AMERALNET]

الفرق اللي ملاحظ
هو خفة بالسيارهـ فرق واضح
تحس ان السياره خفيفه بعد التعبئة
وزي ماذكرو الاخوان لا تعبيه الا اذا كنت بتسافر مثلاً من الرياض لمكه او.....
يعني مسافه بعيده يستاهل حتى لو كفراتكـ جديده من النوع على المحافظه عليها وامن بعد الله

[شحرور الدهنا]

الفرق اللي ملاحظ
هو خفة بالسيارهـ فرق واضح
تحس ان السياره خفيفه بعد التعبئة
وزي ماذكرو الاخوان لا تعبيه الا اذا كنت بتسافر مثلاً من الرياض لمكه او.....
يعني مسافه بعيده يستاهل حتى لو كفراتكـ جديده من النوع على المحافظه عليها وامن بعد الله


يعطيك العافيه اخي

لاكن هل هو الين من الهوا العادي ؟؟؟؟؟؟؟؟؟

[الـسـاطـع]

اخوي كلام اخواننا الزملاء صحيح انه افضل شيء للسفر لانه مايسخن الكفر لكن فيه عيب واحد ان الكفر يقسى يعني المطبات تحس فيها ولو حجره صغيره في الخط وهذا من واقع تجربه
تحياتي للجميع

[mmgarni]

اخوي ممتاااز جدا من ناحية البرودة مايحتر الكفر لكن فية مشكلة انه لو يدخل مسمار يتشقق الكفر

[سلكي نت]

غير الحرارة ماحسيت بفرق

[نمر977]

السلام عليكم ومساكم الله بالخير ،
سبق وجربت النتروجين على جكس ار لما سافرت للعمره ومنها لجده والعوده مره اخرى وما تحس الكفرات حاميه مره وذكرت تعبئة الكفرات لإبن عم لي رحمه الله تعالى وهو يعمل في الخطوط السعوديه فأثنى على ذلك وقال لي إنهم يعبو كفرات الطائرات منه .
لكن هل هو نفس النتروجين حق الطائرات ام لا
ودمتم سالمين

[abdull_ah]

يعني هوا حلوو في السفر والخطووط ...؟؟؟

[كشف الغريب]

يااخوان مالة داعي لانة معة نسبة هواء 70 كانك يابو زيد ماغزيت واصلا استحالة يضغط الكفر بالنتروجين لحالة

[كاتم الشكوى]

(( كم سعر تعبئة الكفرات بغاز النتروجين )) مقاس 16

[eng_mkhalaf]

أنا أفضلة لأنة لا يسمح بزيادة الضغط التويرات أكثر من 2 PSI فى أقصى الأحوال على عكس الهواء العادى ممكن يوصل 7 أو 9 PSI مما يؤدى لأنفجار التويرات
وتكلفتة للجيوب من 35 إلى 50 للتويرات الأربعة