شاهد كيف البروق بعد ما راح السحاب صوب قطر مقطع فديو حلو

[خالد العوض]

هذا برق السحابه جنوب الدوحة 10 كيلو
وهذا المقطع هو هديه من اخوي راعي قطر (الصلف)
برق مع خشوم المزن شي حلو (http://www.4shared.com/file/498579/306c21ac/20051118.html)

[غيم]

مشكور يابو محمد .. انت واخونا الصلف ..

لقطه حلوة ماشاء الله .. البرق ما يفصل ..

[عمود الحماد]

يعطيك اخوي الصحه والعفيه في الدنيا والجنه في الآخره
تسلم والله

[أبو ريناد]

مشكور اخوى خالد والشكر موصول لخوينا راعي قطر (الصلف)
الله اكبر مقطع رائع ويثير السرور والبهجه عند مشاهدته

[سودانثيل]

مشكور أخوي خالد, والشكر موصول للعزيز الصّلف. سؤالي لخوي الصّلف: التصوير في أي يوم ؟

[الاداري]

تسلم على المقطع الرائعه

[جبال البَرَد]

سبحان الله مطر الدمام كان مثل هالسحاب

[أبو حجر]

ماشاء الله ماتفصل شكل فيها برد

[مريوس قدام]

ماشاء الله مشكور اخوي الاما يمدينا على هالسحابة

الله كريم اللهم اغثنا (الرس تستغيث )

[متفائل]

ررررررررائع اخي وجزاك الله خير شرحت صدورنا

[صوت المطر]

http://www.twa9ef.com/uploads/44fccb3f2f.jpg



يعطيك العافية أخوي خالد والشكر موصول للمصور الرائع الصلف ..




الحقيقة سحابة رائعة جدا وما تفصل سبحان الله ..

[جال القلايل]

الله يعطيك العافية أخوي خالد على هذا الجهد وماقصرت ،

هذي السحابة لم أرى مثلها إلا قبل عشر سنوات تقريباً ، وسبحان الله كانت في نفس المكان تقريباً والزمان أيضاً ، ولكن تلك ضربت مدينة الوكرة وهدمت بعض الجدران واقتلعت بعض الأشجار وأعمدة الإنارة.

السحابة هذي تكونت على سواحل مدينة الوكرة جنوب شرق قطر واتجهت شرقاً للبحر وإيران ، وقد بدأت من الساعة الرابعة فجراً تقريباً واستمرت حتى ظهرت الشمس وأخفيناها بعد ذلك ، ومافكرت في التصوير إلا متأخر بعد ماظهر النهار قبل طلوع الشمس بنصف ساعة ، ولوكنت صورتها مع صلاة الفجر كان انبتهرتم منها ومن برقها الذي لايفصل أبداً حتى أنه كان ينير ضواحي الدوحة.


أخوي سودانثيل ، التصوير كان فجر الجمعة الفائته ، نفس الليلة التي ضربت فيها البردية الشمال ، والتصوير كان بالجوال.

[برق الحيا]

كنت متأكد انها يوم الجمعة

من مدينة الكعبان شمال قطر الى الرويس
من الساعة 1صباح الجمعة الى 5 الفجر المطر ماوقف وهو ينهمر وبغزارة ورياح شديدة اقتلعت الاشجار وتضررت منها المنازل
والغدران الى الان جارية في الغشامية عند المكنكرة

وجنوب كذلك

يعطيك العافية اخوي الصلف وعندي مقطع كثيرة لكن ماعندي قطعة بلوتوث

[سودانثيل]

شفت فيديو لنفس الحقاب تصوير كيمرا كذلك ولكن في الليل, المنتظر كان رااااائع وكأنه كرنفال في السما .. الله يزرقنا شي مثلها مرة ثانية.

[جال القلايل]

أخوي برق الحيا ، هل المنطقة التي جنوب الغشامية والمحاذية لها فيها غدير ؟ وهل هو كبير ؟

لأنه في العادة إذا جاء مطر غزير يتكون هناك غدير كبيير جداً .!!

بالمناسبة توجد عندي صورة ثابتة وجميلة جداً لهذه السحابة أقصد سحابة الوكرة وبغيت احملها لكن طلع لي ملاحظة تقول ان الصورة أكبر من المسموح به.

لويفيدنا أحد الأخوة

[ابو شكاع]

ماشاء الله تبارك الله
الصراحة مقطع رائع
شكرا لكم اثنينكم

[برق الحيا]

اخوي الصلف اتمنى ادراج الصورة للسحابة باقرب وقت

الغدران بتلاقيها مب على خط الشمال لا ادخل الغشامية لين المكنكرة والغدران مب كبيرة كبيرة

لكن تختلف الاحجام

لأن ارض قطر اغلب ماتكون منبسطة ومافيها اي وديان تذكر كالمملكة
فتلاقي النقع تتم بالشهر مثل ماصار السنة اللي فاتت

اما عن الغدير الكبير والله ماعندي عنه خبر

[السبيعي]

اخوي خالد الله لايهينك ماطلع عندي شي طلع عندي الي على الرابط هذا

http://www.4shared.com/file/498579/306c21ac/20051118.html

ومدري المشكلة من عندي ولا فيه شي في الموقع

[زانت علومك]

ماشاء الله جزاكم الله خير منظر يوسع الصدر والسحابة هذي اعتقد من خلال متابعتي لصور الاقمار الصناعية انها توسعت واتجهت جنوب وامطرت على دولة الامارات صباح الجمعة الماضي

[السعيد]

مشكور أخوي وما قصرت

[القليعات]

السلام عليكم
ابي انشدكم يا هل قطر عن حقاب تزين وستوا يوم الخميس الي طاف جنوبي غشام العصر وهل ومحد جاب خبره ستوا في ساعه ومشيتله بس مالحقت علي داركني المغرب جنوبي غشام قريب اجرو اذا حد عرف عنه شي يبلغنا وشكرا لكم

[خالد العوض]

السبيعي السلام عليكم
انت غشيم مثلي
اذ فتح عندك الصفح اللي بالانجليزي ناظر تحت مره فيه زرار صغير مكتوب عليه الكلمه هذي download اضغطه ثم اصبر
بعده يقولك حفظ او تشغيل انت حر بس اذ تبي تحتفظ في الملف عندك في الجهاز سوله حفظ الله يحفظك ثم عاد يبدا التحميل انتظر شوي لين يخلص التحميل ثم عاد شغله او هو يشتغل من حاله اذ انك ماحفظته
والله يحفظك

[برق الحيا]

السلام عليكم
ابي انشدكم يا هل قطر عن حقاب تزين وستوا يوم الخميس الي طاف جنوبي غشام العصر وهل ومحد جاب خبره ستوا في ساعه ومشيتله بس مالحقت علي داركني المغرب جنوبي غشام قريب اجرو اذا حد عرف عنه شي يبلغنا وشكرا لكم


نعم نعم جانا عج الخميس اللي طاف بعدة جت بردية ومطر قوي ونفس اليوم ليلة الجمعة من الساعة 1 يوم الجمعة بالليل لين 5 الفجر مطر غزير على شمال وجنوب اما نص قطر ماجاها شي يذكر من بداية الموسم

[جال القلايل]

هذي الصورة الثابتة لسحابة الوكرة ، والمعذرة التصوير كان بالجوال وفي ظلام ،
البرق كان بالطريقة هذي على طول ولايوقف أبد ، لدرجة اني صورت من دون مانتظر وطلعت كذا


http://www.twa9ef.com/uploads/a40a4db71f.jpg (http://www.twa9ef.com)

[حكيم العامري]

الله يعيد سحايبه

[جال القلايل]

نعم نعم جانا عج الخميس اللي طاف بعدة جت بردية ومطر قوي ونفس اليوم ليلة الجمعة من الساعة 1 يوم الجمعة بالليل لين 5 الفجر مطر غزير على شمال وجنوب اما نص قطر ماجاها شي يذكر من بداية الموسم

اخوي برق الحيا ، هل البردية شملت البرثة واللي حولها ، وبالنسبة لأمطار الجنوب ياليت تبينها وتحدد من وين إلى وين إذا ماعليك كلافه :)

[سودانثيل]

اخوي برق الحيا ، هل البردية شملت البرثة واللي حولها ، وبالنسبة لأمطار الجنوب ياليت تبينها وتحدد من وين إلى وين إذا ماعليك كلافه :)
نعم, واحد من الجماعة كان ممسي في البرثة ليلة الجمعة, ويقول على الساعة ثلاث الفجر وهم رقود بدت البروق والرعود, ثم أمطرت مطر مع بردي ..

[جال القلايل]

جزاك الله خير يا سودانثيل وماقصرت

[ثعل البرد]

يا أخوان كيف أشوف المقطع ؟؟ إذا ضغطت عليه طلع لي موقع انجليزي ... أحد يشرح لي يا أخوان ... وإذا ضغطت على download رجع الموقع وفتح من جديد ولا يطلع لي أبد حفظ ولا غيره

[برق الحيا]

مرحبا اخوي الصلف المطر كان على اغلب المناطق الشمالية من رويس الى الخور وسميسمة وماحولها وكان فيها بردي


الجنوب ماارعرف وين بالضبط بس نزل وبغزارة