غوصة عمان (جزيرة الحاسكيه) سنوركل

[احمدالفيلكاوي]

السلام عليكم
انا عضو جديد منظم اليكم و اسمي احمد الفيلكاوي
انشاء الله ما اثقل عليكم

موضوع عن غوصة عمان بجزيرة الحاسكيه

اول شي جزيرة الحاسكيه عباره عن جبل بنص البحر و احنا غصنا على اطرافه الجبل
العمق ال غصنا فيه من 5 الى 30 قدم و يعتبر مكان خطر
الرؤيه جدا واضحه مدى الرؤيه تقريبا من 7 الى 9 متر بالنزله الاوله لانه ماكان فيه تيار
اما النزله الثانيه كانت بزاية الجبل
و الرؤيه تقريبا من 3 الى 5 متر لانه حاشنه تيار جار اشوي

السمج وايد و انواع اول مره اشوفها و للاسف ماكان معاي كامره تحت الماي
الي عرفناه من السمج الشنينو و البرطام و انواع اتشابهمه و الفسكر
و الانكليس و شيطان البحر و حميره و جين
ولخمه اصغيره و راس سكن و راس حمام انواع و عنافيز 60 الف نوع
و هامور (احجام ما تدخل العقل) و نيسر و سمج وايد بس ما اعرف انواعها

و اخليكم مع الصور

http://www.mekshat.com/pix/upload/images11/mk20343_oman001.jpg

http://www.mekshat.com/pix/upload/images11/mk20343_oman002.jpg

http://www.mekshat.com/pix/upload/images11/mk20343_oman003.jpg

http://www.mekshat.com/pix/upload/images11/mk20343_oman005.jpg

http://www.mekshat.com/pix/upload/images11/mk20343_oman006.jpg

http://www.mekshat.com/pix/upload/images11/mk20343_oman007.jpg

http://www.mekshat.com/pix/upload/images11/mk20343_oman009.jpg

[احمدالفيلكاوي]

http://www.mekshat.com/pix/upload/images11/mk20343_oman010.jpg

http://www.mekshat.com/pix/upload/images11/mk20343_oman013.jpg

http://www.mekshat.com/pix/upload/images11/mk20343_oman016.jpg

http://www.mekshat.com/pix/upload/images11/mk20343_oman018.jpg

http://www.mekshat.com/pix/upload/images11/mk20343_oman012.jpg


وسامحوني اذا ثقلت عليكم

[gulfhunter]

السلام عليكم ورحمة الله وبركاته

حياك الله أخوي احمدالفيلكاوي في منتديات مكشات وبالأخص الخيمه البحريه اللي منوره بوجودك....... وان شاء الله تلاقي اللي يسرك ويرضيك................

مشاءالله خوش صيد ............ تستاهل..... عزالله صيد يطيب الخاطر........... بس ماقلتلي وش الخطوره في المكان...... هل الخطوره من التيار او الحبيب ... القرش؟؟؟؟؟ظ

عليكم بالعافيه وان شاء الله تكون من الأعضاء البارزين في الخيمه البحريه

الله يوفقك ويبارك فيك

[شخاميط]

السلام عليكم ورحمة الله وبركاته

مرحبا بك بين اخوانك اخوي احمدالفيلكاوي

ماشاء الله عليك من اول مشاركة حيوية ونشاط وصيد طيب

صور حلوووووووة تفتح النفس للشوي :D

[احمدالفيلكاوي]

شخاميط
مشكور اخوي على الترحيب الجميل و الله يعطيك العافيه


gulfhunter
الله يحييك اخوي و مشاء الله امنوره باهلها
و بالنسبه للخطوره انها جزيره تقع بالمحيط و ما تدري شنو راح تشوف
و اي نعم شفنا قرش بس مو كبير (اتوقع فيه احجام اتخرع)
و الله يسلمك و انشاء الله انكون عند حسن الظن

[نور العزيز]

ما شاء الله تبارك الله
والله الصور أكثر من رائعها وبالعافية عليكم السمك اخوي فليكاوي .

[النوخذة]

السلام عليكم ورحمة الله وبركاته
ماشاء الله عليك اخوي احمد دخلت بقوة وان شاء الله تستمر قوة هالمشاركات اللي توسع الصدر
باين عليكم تستخدمون مسدسات ضغط هواء وصيدكم طيب وتشكيلتكم روعة يعطيكم العافية
عندي استفسار اخوي عن رحلتكم متى كانت ؟؟لاهنت

[MARINE]

السلام عليكم ورحمة الله وبركاته

حياك الله اخوي احمد الفيلكاوي في منتدى مكشات وخصوصا خيمة الصيد البحري

وان شاء الله انك تفيد وتستفيد وما شاء الله عليك من اول مشاركه داخل بقوة

وان شاء الله انك على طول كذا وعندي سؤال لو سمحت هل جربت الغوص في صلالة

تحياتي لك

MRINE

[( برى بحرى)]

هلا وغلا بذباح السبيطيه

نورت المنتدى طال عمرك

عاش بوشهاب الفيلكاوى صراحه دائما مواضيعك صخر وامسكته

حياك الله معانا بالمنتدى وقواك الله

[احمدالفيلكاوي]

نور العزيز
الله يعافيك اخوي و ما قصرت

النوخذة
الله يسلمك اخوي و اي نعم كان معاي مسدسين واحد ظغط(mares) و واحد سير(omer)
و يا طويل العمر رحلتنا كانت
في 8-11-2005 قبل اسبوعين تقريبا

MARINE
الله يحيك و يسلمك و هذا من طيبك يا الغالي
لا والله مارحنا صلاله

( برى بحرى)
هلا فيك طال عمرك و النتدى امنور باهله و الله يحييك و هذا كله من طيب اصلك

و بصراحه احرجتوني على كلامكم العسل و ترحيبكم الجميل
و قواكم الله

[مشتاق البحر]

السلام عليكم ورحمة الله وبركاته

يامرحبا يامرحبا احمد الفليكاوي في مكشات عندنا ..
مشاء الله عليك وعلى الصيد الطيب بالف عافيه انشاء الله ..
انشاء الله تكون من الاعضاء المميزين في الخيمه البحريه وبالتوفيق ..

[ملك السيف]

ياحيالله بويعقوب هلا بالنوخذه الصعب وحياك الله معانا وان شاء الله تقضي احسن الاوقات

[احمدالفيلكاوي]

مشتاق البحر
الله يعافيك حبيبي و احرجتني بكلامك العسل و قواك الله

ملك السيف
هلا البدري و الله يعافيك و يحييك و تسلم يا الحبيب

[معذب الشعري]

السلام عليكم ورحمة الله وبركاته
ماشاء الله صيد ممتاز والله بالتوفيق ان شاء الله يا الفيلكاوي

[كاسر الامواج]

وعليكم السلام ورحمه الله وبركاته
حياك الله اخوي احمد في منتدى مكشات الصراحه غطية علينا وبالتوفق انشاء الله

[احمدالفيلكاوي]

معذب الشعري
الله يسلمك اخوي و ما قصرت على مشاركتك الجميله

كاسر الامواج
الله يحييك اخوي و ما قصرت على هل ترحييب الجميل و تسلملي

[ابو مشك]

هلا واله اخوي احمد نور المنتدى بوجودك

وما شاء الله عليك صيد ممتاز وانشاء الله دووم عليكم بالعافيه

[حاقد على لخمه]

حلو عمان وسمكها حلو وغريب

[حاقد على لخمه]

يعطيكم العافيه

[حاقد على لخمه]

يعطيكم الله الف عافيه