يامضيع الطير

[راعي المقانيص]

أحبتي الكرام اهل مكشات

السلام عليكم ورحمة الله وبركاته

اليوم الأحد في تمام الساعه 4.13 عصرًا عقل الله طير على يدي والعذر والسموحه منكم جميعا خلفتي بالطيور ضعيفه حتى مسكي له بالصدفه وبطريقه غريبه بدون حبالات ولا وكور ولكن عرضته على شخص له خبره وبلغني بمواصفاته كامله وصحته ميه الميه وحطيته امانه عنده لخوفي تطول المده ومايلقاه راعيه وانا ماني عارف لتعليفه ولا وش المطلوب للمحافظه عليه لحد مايجي راعيه وياخذ امانته

أرجو من أحبتي الكرام الي مضيع له طير يبلغني عن حاجتين فقط واذا عنده صوره ياليت يرسلها لي او يدرجها هنا حتى اعرضها على الرجال ويطابقها


1- الطير برجله حجل وعليها رمز او علامة فقط بدون اي اسم ولا رقم جوال يبلغني عن الرمز او العلامة

2- الموقع الي فقد الطير فيه


علما اني بحثت حول المنطقة ودورت قلت يمكن الرجال كان يلوح للطير وضيع الطير

تنبيه بسيط لاخواني اهل الطيور من باب الحرص

ارجو من الي يضعون الحجول على الطيور ان يوضح اسمه او رقم جواله بدون رموز او حروف بحيث يرجع له طيره لو فقده والعذر والسموحه مره ثانية عارف ان هذا ماهو غايب عنكم ولكن من باب التذكير

[ابو سالم3000]

اخوي راعي المقانيص صبحك الله بالخير

وبيض الله وجهك وكثر الله من امثالك

الحجل اللي في الطير الله العالم انه حجل مزرعه الطير وغالبا راعي الطير يعرف الرقم اللي بحجل المزرعه

[راعي المقانيص]

اخوي راعي المقانيص صبحك الله بالخير

وبيض الله وجهك وكثر الله من امثالك

الحجل اللي في الطير الله العالم انه حجل مزرعه الطير وغالبا راعي الطير يعرف الرقم اللي بحجل المزرعه

صبحك الله بالنور اخوي ابو سالم ووجهك ابيض ياغالي

بالنسبه لما ذكرت بارك الله فيك ما اتوقع من مزرعه لان الرمز او العلامه الي بالحجل علامة شخصية ولكن مايمنع ان شاء الله اني امر المنطقة اليوم او بكره واشوف اذا حول المنطقة مزارع لعل وعسى اني القا راعيه وارتاح من همه

[القرناس المهاجر]

الظاهر انه عقاب .. طير مشرفنا ربع خالي
لانه ضاع ومافيه غير حجل الشركة الأزرق

جزاك الله كل خير وكثر من امثالك

[غير متواجد]

صباح الخير اخوي الرجاء الدخول على هذى الرابط

http://www.mekshat.com/vb/showthread.php?t=390785

ولك جزيل الشكر

[بندر99]

جزاك الله خير
بيض الله وجهك وكثر الله من امثالك

[راعي الجير]

راعي المقانيص الله يجزاك خير ويرحم والديك

انا ضايع لي طير فرخ جير 18 في 18 عليه حجل مزرعته اسمها ساره وتاريخ ميلاده والطير ضايع في ضرما غرب الرياض 50 كيلو وهذا رقم جوالي 0555559010

[مطنوووخ]

انا مضيع جير شاهين فرج عليها حجل لونه ازرق وحجل ثاني عليه رقم تلفون ...
كلمني على 0569534049

[ابوعزيز2007]

الله يكثر من أمثالك

[ابن الاصيل]

الله يكثر من امثالك

[قصاف123]

الله يكثر من أمثالك

[قنآص ينبع]

جزاك الله خير
بيض الله وجهك وكثر الله من امثالك



(http://www.mekshat.com/vb/newreply.php?do=newreply&p=6380044)

[عـــــزام]

الله يعقله لراعيه

[مجاكر]

الله يجزاك خير ...

في ميزان حسناتك بأذن الله

[قرناس شماالي]

مشكور اخوي وجزاك الله خير

والله يعقل الطير لصاحبه

وتقبل تحياتي

[صقار مبتدئ]

هذا الطير ضايع على مشرفنا الغالي ربع خالي ما عليه الا حجل المزرعة فقط
الله يعقله
http://www.mekshat.com/pix/upload05/images207/mk87956_mk87956_20101113839.jpg

[راعي المقانيص]

الظاهر انه عقاب .. طير مشرفنا ربع خالي
لانه ضاع ومافيه غير حجل الشركة الأزرق

جزاك الله كل خير وكثر من امثالك


مالك لواء يالغالي ماصار هو وتمنيت والله انه هو الطير واعطيه راعيه وارتاح


صباح الخير اخوي الرجاء الدخول على هذى الرابط

http://www.mekshat.com/vb/showthread.php?t=390785

ولك جزيل الشكر

صباح النور اخوي غير متواجد وبيض الله وجهك والعذر والسموحه ماصار هو الطير



جزاك الله خير
بيض الله وجهك وكثر الله من امثالك



الله يجزاك خير ويرحم والدينا ووالديك ووجهك ابيض والحق وانا اخوك لازم يرجع لاصحابه


راعي المقانيص الله يجزاك خير ويرحم والديك

انا ضايع لي طير فرخ جير 18 في 18 عليه حجل مزرعته اسمها ساره وتاريخ ميلاده والطير ضايع في ضرما غرب الرياض 50 كيلو وهذا رقم جوالي 0555559010

الطير ياغالي ماهو نفس المواصفات الي ذكرت ولا هو بالمنطقه لكن من بعد اذنك هل اسم المزرعه مكتوب عليها ( ساره ) والا رمز لعل وعسى اني استدل عليها عن طريق الحجل

انا مضيع جير شاهين فرج عليها حجل لونه ازرق وحجل ثاني عليه رقم تلفون ...
كلمني على 0569534049

اسئل الله تعالى بان يرد لك ضالتك ويعقل طيرك ياغالي ويعلم الله اني كنت اتمنى امنيه ان عليه رقم جوال علشان اكلم راعيه لكن للاسف مافيه اي رقم والطير مافيه الا حجل واحد


الله يكثر من أمثالك


الله يكثر من امثالك



الله يكثر من أمثالك




جزاك الله خير
بيض الله وجهك وكثر الله من امثالك



(http://www.mekshat.com/vb/newreply.php?do=newreply&p=6380044)


الله يعقله لراعيه


الله يجزاك خير ...

في ميزان حسناتك بأذن الله



مشكور اخوي وجزاك الله خير

والله يعقل الطير لصاحبه

وتقبل تحياتي


الله يجزاكم خير ويرحم والدينا ووالديكم والحق وانا اخوكم لازم يرجع لاصحابه


هذا الطير ضايع على مشرفنا الغالي ربع خالي ما عليه الا حجل المزرعة فقط
الله يعقله
http://www.mekshat.com/pix/upload05/images207/mk87956_mk87956_20101113839.jpg

ياهلابك اخوي صقار مبتدئ وبيض الله وجهك والعذر والسموحه ماصار هو الطير

[راعي منوه]

اخوي وده لمستشفى الطيور يكشفون اذا كان فيه شريحه يعرفون راعيه
واذا الحجل حجل مزرعه غالبا يكون فيه شريحة
الله يبيض وجهك

[راعي الجير]

اخوي راعي المقانيص الحجل مكتوب عليه فالكون ساره وتاريخ ميلاد الطير شهر واحد الفين وعشره

[المري]

الله يبيض وجهك يالذيب ويجزاااك خير

وماقصرت

اخوك - المري

[راعي المقانيص]

اخوي وده لمستشفى الطيور يكشفون اذا كان فيه شريحه يعرفون راعيه
واذا الحجل حجل مزرعه غالبا يكون فيه شريحة
الله يبيض وجهك

بيض الله وجهك على المعلومة وباذن الله ابي اوديه لكن ياليت لو تكرمت توصف لي وين المستشفى بالرياض وماحولها

[راعي المقانيص]

اخوي راعي المقانيص الحجل مكتوب عليه فالكون ساره وتاريخ ميلاد الطير شهر واحد الفين وعشره

مالك لواء ياغالي ماهو مكتوب عليه ولا حرف فقط رمز مدري علامة

[راعي المقانيص]

الله يبيض وجهك يالذيب ويجزاااك خير

وماقصرت

اخوك - المري

ووجهك ابيض ياغالي وربي يجزاك كل خير ويرحم والدينا ووالديك وهذا حق لازم يرجع لاهله وانا اخوك مالي فيه فضل ولا منة

[راعي طلع]

حر بكر
لون سبق اصفر ولون ثاني على ماضن حمر

[رحلت عني]

الله لا يهينك وما قصرت

والله يعطيك العافيه

[دعاس]

الله يكثر من امثالك’’ويجعله في موازين اعمالك

[أبو سلطان511]

بيض الله وجهك وجزاك الله خير
وتلقاها ان شاء الله في موازين اعمالك
وكثر الله من امثالك
ليت أكثر الناس مثلك

[راعي لادن]

السلام عليكم ارجو التواصل مع مستشفى الصقور في الامارات يوجد في سويحان اذا ماكن رقم الحجل واضح يوجد شريحه في صدر الطير من الدخل ادلك على معلومات صاحبه عن طريق رقم الشريحه او المستشفيات في اي منطقه قريبه عليك خذ رقم الشريحه وبحث عن طريق الهاتف جزاك الله خير

[هاوي بندق]

جزاك الله خير وكثر من امثالك

[السومر]

الله يجزاك خير

[جلاد الحباري]

حر قرناس مغتر طوله مع عرضه حوالي 17.50 ظهره ارقط

[falcon 1]

جزاك الله خير والله يكثر من امثالك

[قرناس بيتي]

اخوي انا ضايع لي طير حمردهامي منطحه كاتم بكر مناكبه كلها نجير فرخ فيه اربع من الذنيبا مكسرات طوله يقصر عن الـ16 مغلطاني سبوقه لونهم اسود ارجو الرد علي لاهنت ضيعته جنوب شرق رفحا بحوالي 10كم على كل حال سوآ هو طيري والا مو هو بيض الله وجهك والله يكثر من امثالك

[وراد.]

وبيض الله وجهك وكثر الله من امثالك

[راعي المقانيص]

احبتي في الله واخواني الاكارم اسئل الله تعالى بان يجزاكم كل خير وان يرحم والدينا ووالديكم وان يجعل دعائكم في ميزان حسناتكم وان يرد كل ظاله لصاحبها يارب العالمين

احبتي الافاضل

بحمدالله وتوفيقه تم العثور على صاحب الطير يوم امس الاربعاء 1432/04/11 هـ وقد وجدته بمقربه من مكان مضيع الطير وبفضل من الله ومنته تم تسليمه طيره هذا اليوم الخميس والمنطقة كانت بالصمان وكشتنا ان ومعي رجال قلنا حج وحاجه لنفس محلنا الي لقينا فيه الطير لعلنا نلقا راعيه ويوم وصلنا والا سبحان الله العظيم نشوف لنا جيب يدور ويكور كان وراه علم ولا خذنا شوي الا يوم نصانا وسلم وقال يالربع انتم اهل صيد ؟
قلنا امر وش بغيت يالغالي ؟
قال انا من كم يوم مضيع لي طير ماذكر لكم والا شفتوه والا شي ؟ ؟ ؟
قلت اوصف طيرك < < < وانا على بالي خبير طيور ولكن لعل وعسى يكر لي الرمز على الحجل والا يعطني شي من مواصفات الطير الي ذكرها لي رفيقي راعي الطيور
وقام الرجال يوصف وصف ماسمعت به من رفيقي وقال برجله حجل مذهب مضروب عليه نجمة
قلت وقف الظاهر ان طيرك عندي لكن ابي اطلع انا وياك للخط علشان الارسال ونكلم الي انا مومن الطير عنده واصف له طيرك
قال لاتروح ولا شي هذا الثريا والله واكلم الرجال رفيقي وقلت هذا رجال الظاهر انه راعي الطير خله يوصفه لك
وسلم عليه ومساه بالخير وعطاه الوصف وقال ابشر به هو طيرك وهذا هو بالحفظ والصون
قلت للرجال مشينا وتوكلنا على الله للرياض واستلم طيرك قال والله ماتمشي لا انت ولا خويك الا معشيكم ومغديكم بكره عندي عند الحلال
يابن الاجواد ويابن الحلال
قال علي الطلاق والحرام ............. الخ ( وانا اكره الشي هذا لان الزوجه وش علاقتها تدرمرها وتدمر عيالك وعيالها بسبب عشاء والا غداء )
والله ونطلع مع الرجال وبيض الله وجهه ووجه كل من يقرا الموضوع اكرمنا وماشاء الله تبارك الله الحلال عنده وعطانا من الحليب ........ الخ
المهم سئلته قلت وشلون ضيعت الطير من براب السوالف
قال هذا رجال سام الطير مني بمبلغ وقدره ولا علمني بالمبلغ ومن حقه يمكن فيه خوف اني اغدربه والا استنقصه والا ماشابه
المهم يقول طلعت انا والرجال شراي الطير وقال ابي اشوف مطلاعه او شي من هذا القبيل
والرجال الله يهديه جايب معه حمام زاجل واول مره اعرف ان الحمام الزاجل مايصيده اي طير يقول والا راح الطير والطريده ورا هاك الحزم ولا عاد ادري وين اختفى وسبحان الله كنت ابي اركب الريشه ولكن الرجال قال مايحتاج هذا هو قدام عيونا وحنا مستعجلين وقلت توكل على الله وهذي هي قصتي
طبعا نقلت لكم القصه مثل ماقالها لي انا وخويي بالضبط لازياده ولا نقصان ولا ادري هل فيها تغطيه او تعتيم بسبب خوفه على الطير مادري علشان يا اخوان مايلحقني منقود من الصقاقير لعدم خلفيتي بالطيور انا راعي بندق بالصيد

نجي الحين وشلون ياراعي المقانيص لقيت الطير

سبحان الله العظيم موقف غريب وطريف ولن انساه ماحييت وانا عارف ان الغاليه ماهو مصدق او ماراح يستوعب القصه

كنا ثلاث اشخاص طالعين ندور الجرجس وغطينا العصر قلنا لعل وعسى نلقا شي نزيده على عشانا ولا الله قسم لنا شي بالصيد وتوجهنا قلنا نبي نشوف لنا محل طيب وزين نمرح فيه
وحنا بوجهتنا الا يوم الرجال الي راكب جنبي صرخ وقال الكروان ! ! !
يحلم هو والا نعسان والا الشمس مرخت راسه ! ! !
قلت انا وينهي خل نهد الدجاجة عليها من باب المزح والضحك
وقال شفه شفه وهو باعلى صوته فك الله القزازه الي ماطارت
وانا اتشوف على اشارة اصبعه ولكن الشمس حاجبة الشوف علي شوي وانا ما اخذت السالفه من باب الجد
خوينا الي في الخلف كان يمزح بنفس اسلوبي وقال يابو ناصر طلع الدجاجة هي تبي تشوفها وتهد عليها وحنا نضحك
والا يوم خوينا صرخ صرخة اقوى من الاولى وقال الحر وراها الحر وراها

بصمنا بالعشر ان الرجال التمست فيوزاته وهاتك ياضحك

ماخذنا الا والله العفره والغبره يوم طلعت من الارض والا خوينا صادق ونروح ماني نقرب حيل لان عارفين ان فيه احد هاد عليها قلنا نبي نتفرج من بعيد

ولا والله يوم طولت ولا حولنا احد ولا جاء احد قال خوينا الظاهر ان الطير مضيعه راعيه والا انه من المهاجره والله والبس جسوسي وجاب الله انها متينه وثقيله مشتريها من برق الحيا بعشره ريال كانها حقات الاسكيمو والبس الثنتين فوق بعض واناظر والا والله الطير عليه سبوق وعليه حجل عرفنا ان راعيه مضيعه واسحب الطير وامسك سبوقه والمشكله الحين من وين نبي نجيبل له برقع وسبحان الله العظيم من محاسن الصدف خوينا راعي الموتر حاط برقع على عصا القير من باب الزينه واستفدنا منه ولا ندري هو مقاسه ماهو مقاسه المهم لبسناه ومشى الحال ونخترع رباط من روسنا ربطنا به الطير وهذي هي كل السالفه واسف على الاطاله احبتي الافاضل وعارف اني اوجعت روسكم

وفي نهاية وختام الموضوع ارجو من المشرف الفاضل اغلاق الموضوع او حذفه لوجود الطير وارجاعه لراعيه