هل استيراد الدرابيل من الخارج ممنوع

[الجمــــــــــــــل]

السلام عليكم ا
اخواني طلبت دربيل ماركة بوشنيل 8*21 + gps backtrack
وامس وصل gps عبر شركة ارامكس ولكن الدربيل لم يصل
وللمعلومية الدربيل والgps عرض واحد برابط واحد بسعر مخفض وهذا هو رابط السلعه

http://www.amazon.com/Bushnell-36005...003682&sr=8-15 (http://www.amazon.com/Bushnell-360051-BackTrack-Powerview-Binoculars/dp/B001PB53IM/ref=sr_1_15?ie=UTF8&qid=1300003682&sr=8-15)

والدربيل ليس من النوع القوي وتقريبه ضعيف جدا

هل المشكلة من امازون ام من ارامكس ام ان استيراد الدرابيل ممنوع نهائيا
ارجو الافادة وشكرا

[القنـاص2008]

شوف طال عمرك خلال تجربتي مع الامازون وارامكس اعتقد ليس ممنوع
وان شاءالله اني افدتك
تحياتي

[bedwizar]

حسب ما ينص عليه قانون الجمارك
فقره ب
ممنوع استيراد أو بيع السلاح وكل ما يتعلق به
-------
وثانيا حتى شرمات الشحن جميعها ممنوعه من قبل السعوديه أي أن هناك شروط ممليه عليها أو اتفاقيه أو عقد لكي يسمح لها مزاولة نشاطها هنا سمه ما شئت
لا ألاامكس ولا يو بي أس ولا دي أتش أل ولا فيدكس
يعني ماراح تنشال من بريدك في أي دوله كان
أمريكا (واوهايو بالنسبه للورلد شيب ) أو نيويورك بالنسبع لآرامكس أو أي بريد
وان أنشالت من بريدك بس توصل السعوديه تصادر
أسأل خبير ومجرب وخذ العلم
وأنتبه أن تستوردها لأنها قد تصادر وتعرض لمساءله وحبس وغرامه أو بهما
وقد تصادر ولا يحوشك شي
كذا او كذا راح تصادر

اتمنى أني أفدتك وأي أستفسار انا حاضر

[مطحن]

السلام عليكم ورحمة الله وبركاته،،،

المشكلة في ارامكس، قبل 4 ايام وصلهم دربيلين لي وارسلوا لي رسالة برفض الشحن للرياض
اي شي له علاقة بالبنادق ممنوع نقله

قبل 6 شهور طلبت حامل جداري (قطعة بلاستيك على شكل حرف U) ورفضوها برضه

هي المشكلة من المحل اللي يرسل لك الطلب اذا كتب بالوصف اي كلمة تدل انه البضاعة لها علاقة بالبنادق يوقفونها
الموظف يقول لي مره رفضوا يرسلون مسدس مويه!!!

اذا البضاعة قيمتها صغير قل لهم يتلفونها واذا غالية خلهم يرجعونا للمصدر، تكلفة الترجيع 100 ريال!

اخوك عبدالرحمن

[henter666]

اذا كان وصف السلعة في شي يوحي بانه يخص السلاح يعتبر ممنوع حتى لو كان قطعة ورق بالنسبة للدربيل العادية مااعتقد انها ممنوعه سبق وطلبت من امازون وغير امازون دربيال ووصلت من ارمكس لكن لا يكون دربيل ليلي لانة ممنوع وبعدين بعض شركات الشحن مافي ضابط معين للسلع مرة طلبت تشوكات ووصلت والمرة الثانية طلبتها ورفضت اذا تبي تشتري شي من النت لا تشتري الا شي مو موجود بالسعودية اما اذا كان موجود بالسعودية اشتر من السعودية لو زاد شي بسيط وبعدين فية اشياء بالنت رخيصة لكن تكلفة الشحن اكثر من قيمة البضاعة

[عاشق الزيتوني]

قبل اسبوعين شريت دربيلين من موقع ايبي( ebay )
والتوصيل عن طريق البريد الامريكي واخذ 6 ايام للسعوديه وصل الدمام ومن الدمام الى الرياض اخذ 4 ايام حسبي الله على البريد السعودي ابكيهم على الخدمه المتميزة<<< لا غريب انت في السعوديه

طبعا هنا مربط الفرس يا اخوي بتلقاه موجود عند البريد السعودي في قسم الجمارك ولازم يحظر صاحب الطلب ومعك البطاقه الوطنيه

[kASER-999]

موضوع مهم صراحه

السلام عليكم ورحمة الله
حاب استفسر عن الدربيل (العايدي) وسكين الصيد poinel
بجيبها معاي من الخارج
هل هي ممنوعه ادخلها للسعوديه !؟
يعني راح تسوي لي مشاكل
وعلي فكره هي موجود مثلها بالسعوديه لكن تختلف الماركه والسعر الخيالي
ياليت الي جرب او عنده خبره في الامور هذي يفيدنا
وهذي الصوره تبين حجم السكين اللي معاي مقاس ِA . C
http://up.arab-x.com/Mar11/7Cm46805.jpg (http://up.arab-x.com/)

[هبوب حائل]

كل شي من الخارج ممنوع

[ابو صقر 111]

انا سبق وأن طلبت دربيل على ارامكس ووصل لي دون اي تعقيدات اما السكاكينفبالأمكان تسأ ل المسؤول بالمطار بوضعها مع العفش لأنهم لن يسمحوا لك بوضعها معك وشكرا

[kASER-999]

انا سبق وأن طلبت دربيل على ارامكس ووصل لي دون اي تعقيدات اما السكاكينفبالأمكان تسأ ل المسؤول بالمطار بوضعها مع العفش لأنهم لن يسمحوا لك بوضعها معك وشكرا

أكيد انا بحطها مع العفش بس مدري كيف الوضع
وانت زي منتى عارف كل واحد يخترع نظام وحسب مزاجه

[بعيد الهقوة]

:f السلام عليكم

ماعليك خذ دربيلك ولفة بأقمشة كثيرة وطلع البطارية اذا هو دبل زوم اشعة او فية الوان ضوئية او اي شي له صلة بالبطارية وخلة بالشنطة اللي تروح بالشحن

ومالك الا العافية

اخوك جربها قبل كذا مع نواظير بوشنيل

اهم شي اذا فية حديد او بطاريه كبير واضح طلعة منه
والله يستر عليك ولاتتعودها :l

[kASER-999]

:f السلام عليكم

ماعليك خذ دربيلك ولفة بأقمشة كثيرة وطلع البطارية اذا هو دبل زوم اشعة او فية الوان ضوئية او اي شي له صلة بالبطارية وخلة بالشنطة اللي تروح بالشحن

ومالك الا العافية

اخوك جربها قبل كذا مع نواظير بوشنيل

اهم شي اذا فية حديد او بطاريه كبير واضح طلعة منه
والله يستر عليك ولاتتعودها :l

الله يجزك خير
لا ابشرك الدربيل عايدي الي معاي مقاسه 10*30 ومافيه اي بطاريه

[صاحب مبدا]

اضن الدريبل العادي موممنوعة الى الربيل اليلي ممنوع وما شابه

[أبوسليمان10]

قبل يومين واصل طلبية دربيل شريتة من امازون
ماظنيت أنه ممنوع

[ashgar]

السلام عليكم أخواني أنا حاب أستفسر لو أبغى سلعة من الخارج مثل الدربيل وغيره كيف طريقة الشراء وتوصيلها السعودية
وهل مثل أرامكس وغيرها تشتريها لي وتوصلها أم غير ذلك. أرجو من الأخوة أفادتي وشكرا

[kASER-999]

من موقع امازون او اي بي
www.amazon.com
www.ebay.com
هذي الموقعين افضل شي ومضمونه بس عليك تفتح صندوق في ارمكسن بـ150 ريال مدا الحياه
وتشتري البضاعه من الموقع خلال اسبوع ان شالله تصلك بجوده افضل وبسعر ارخص ومعامله جيده واهم شي الي كل شخص يبيه الامانه وراح تلقي الامانه الي بتتعجب منها من الغرب

[ashgar]

للأسف /لا حياة لمن تنادي

[altoop]

السلام عليكم

انا شريت دربيل بندق من امازون وقاعدة دربيل لكن للاسف صادروها الجمارك .

[alzahir]

يا اخي انا استغرب سلعه تنباع في كل مناطق المملكه بل حتى في البسطات والاماكن الصغيره وحتى امام المساجد بعد الصلاه ويعلن عنها في جميع وسائل الاعلام المقرؤه والمرئيه وتمنع من الجمارك لا ادري ما سمي هذا افيدوني

[الششو]

تكفون يا اهل الخبره افيدونا ودي
اطلب دربيل سلاح
ودربيل تحديد مسافه
واخاف انها تروح علي

[الضيق]

تكفون يا اهل الخبره افيدونا ودي

اطلب دربيل سلاح
ودربيل تحديد مسافه

واخاف انها تروح علي



تروح عليك يالحبيب

اطلب دربيل عايدي يجيك

[البعد الآخر]

المساله حظ فقط
ولكن من جاه دربيل ممنوع Unacceptable يعني غير مقبول
اطلب من شركة الشحن ترجعه لنفس المرسل مقابل 15 دولار وكذا المرسل يرجع لك قيمة الدربيل واكثر تشديد في بريطانيا
قبل فتره طلبت كم دربيل ومنعت من قبل ارامكس وكلمت ارامكس قالو لك 3 خيارات ترسل الى عنوان او ترجعه او نتلفه قلت ارده لنفس البائع
وفعلا رديته وخاطبت البائع وفهمته الوضع وكانو متعاونين معي ورجعو لي فلوس بعد عملية الترجيع
ولكن الدربيل حظ وعليها خوف