موتري خربان وعجزت ان احل المشكله

[احب الحيا]

السلام عليكم
صبحكم/مساكم الله بالخير
نوع السياره /هيلوكس ديزل( تيربو)
الموديل /2006
المشكله /
اول شي الموتر عزمه بارد جدا يدبل الكبد مايوصل 100 الى عقب شق الانفس
واقل رمل يغرز واي هوا لو بسيط يرد الموتر والطلعات برضو ما يمشي ابد
وبعض الطلعات ما يقدر يرقا
والمشكله الي لاحضتها اكثر شي انك اذا دعست على الدعسه نص او ربع وحتى كل الدعسه الموتر ما يستجيب يجلس من 3الى 5 ثواني بعدين يدعس على شوي شوي تحس ان السياره نايمه نوم عمييييييق بعد
القطع الي غيرتهن /
1 حساس هواء
2 فصلت الدعسه وصرت ادعس يدوي ما نفع
فحصت طرمبة الديزل ممتازه
البخاخات ممتازه
غيرت فلاتر الديزل
وكلام واجد المهم اني ما لقيت حل الي يخبر وش المشكله منه يعلمنا لا هنتوا

يا ليت يا اخوان الي يعرف وش السبب وله الي يبغاه اول شي دعاء بضهر الغيب
وله فلوس ان بغى نعطيه مانقصر بالي يبيه
وشكرا جزيلا مقدما على التعاون

[عاشق الغميس]

وانا اخوك المشكله الأولى والأخيره في التريبو عندك التيربو يفلت مايدفع هواء واكبر دليل لأختبار افصل الخرطوش الي بين المكينه والتيربو وجب اي منفاخ هواء مثل المنفاخ اليدوي الي في اغلب المناجر وجه فتحة المنفاخ الى الخرطوش الي داخل على المكينه وقم دعس على الموتر اذا الموتر تغير عليك حسيت انه يستجيب لدعسه مظبوط فرح لأي ورشه تخصص بالتيربو وخلهم يفكونه ويفحصون مراوح التيربو..
وأسأل الله الكريم ان يوفقك لكل خير

[احب الحيا]

جزاك الله خير على الرد السريع
وان شاء الله نشوف باقي الشباب

[مركز حراره]

ماولعت لمبت المكينه ؟
مثل ماقال الاخ
تاكد من التيربو فك اللي الي طالع من التيربو وادعس وشف الهواء قوي ولا لا

[احب الحيا]

مالك لوا يالغالي ما ولعت لمبة المكينه الصراحه انا احترت من ذالعطل ما ادري وش اسويبه
ما اتوقع انه من التيربو لان السياره اذا تعطي العده عد لك من 3 الى خمس ثواني بعدي يستوعب الموتر انك داعس ابنص
ننتظر احد قد مرت عليه المشكله
مشكور يا مركز حراره على المرور

[احب الحيا]

السلام عليكم
جربت وفكيت التيربو زي ما قالوا الاخوان وحطيت منفاخ الهواء الاخظر ابو خرطوش كبير
وجربت السياره ما فيه فايده يا شباب الموتر بأنطله ما ابطيت

[احب الحيا]

السلام عليكم
بشروا يا اخوان عساكم لقيتوا شي

[ساحووق]

وووووالله مع الوالد نفس موترك هذي الديزل ماااااااااتنفع اااابد

كل يوم وهي مغرسه ..لو تحط حذاتك الله يكرمك قدامها دقرت فيهاا وصراحه هي سيارة شيباان ولاتصلح لشباب ابد

وموترك مافيه مشكله كل الديزل كذااااا

[احب الحيا]

مساك الله بالخير يالغالي
قبل الموتر صاحي ولا فيه شي
لاكن ما كان كذا اول احسن بكثير لاكن صابه هالخراب
ولا يمشي الى 70 واذا صار مع نزله باللعنه واختها يجيب 100 ما خليت شي بالموتر ما سويته
عجزت اعرف المشكله وين

[slj1416]

غير فلتر الهواء ولكي تتأكد منه فك فلتر الهواء وامش بالسياره
تأكد من مواصير الديزل تهريب او سدد او دخول هواء للمواسير

[مانسيتك]

وش تعبي بنزين
91 ولا 95


نفس مشكلة الوالد
بس حنا مالمسنا شي
على طول غيرنا البنزين الى 95
والحمدلله الموتر علية عزم الله لايضرة
فانت غير البنزين
وشف وش يصير


واذا جيت تعبيه
خل الموتر يطفى بجنب المحطة
ودفة للمحطة وعبة

نفس طريقة الوالد

[رقبة حاشي]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههه

[احب الحيا]

غير فلتر الهواء ولكي تتأكد منه فك فلتر الهواء وامش بالسياره
تأكد من مواصير الديزل تهريب او سدد او دخول هواء للمواسير
والله يالغالي غيرت كل شي بالموتر من فلترهوا
وصفاية ديزل
وحساس هوا
وفحص طرمبة الديزل مزبوطه
والتيربو مزبوط



وش تعبي بنزين
91 ولا 95


نفس مشكلة الوالد
بس حنا مالمسنا شي
على طول غيرنا البنزين الى 95
والحمدلله الموتر علية عزم الله لايضرة
فانت غير البنزين
وشف وش يصير


واذا جيت تعبيه
خل الموتر يطفى بجنب المحطة
ودفة للمحطة وعبة

نفس طريقة الوالد
ما نسيتك كيف حال شيبانك عساهم طيبين
((((اذا كنت لا تدري فتلك مصيبة واذا كنت تدري فالمصيبة اعظم )))))


هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههه
شكرا على مرورك الكريم وصراحه يوزر ابدااااع ___

الناس تجيها جواثيم بالليل وانا تجيني هايلكس تبرك على تسبدي

[عاشت القصيم]

لا تصير منحوته بس

[مركز حراره]

تاكد من فيش الدعسه تراها كهرب

[العمده 0ون0]

وعليكم السلام ورحمة وبركاته
اخوي احب لحبا
اولا ضروري تتأكد وتكشف على (الدزق و الكلتش) وثانيا نظف تانكي الديزل يمكن به ماء كثير و يمكن فيه اوساخ و تسبب انسداد ولازم خروج الماء و الهواء من المواصير زين واحرص وتأكد زين من الوجيه (السيل- الربلات) ان تكون موجودة قبل تركيب فلتر الديزل الجديد ولا تنسى تقفل على مفتاح تحضير الديزل حق طرمبة الديزل زين بعد تحضير الديزل0

[slj1416]

ماقصرت يا العمده
واذا كنت مغير سير التوقيت (الجنزير) ممكن ماوزن توقيت عامود التيمن

[احب الحيا]

تاكد من فيش الدعسه تراها كهرب
السلام عليكم جميعا
ويالغالي الدعسه كهرب واتوقع انه منها بفكها وازيتها واشوف وش يصير


وعليكم السلام ورحمة وبركاته
اخوي احب لحبا
اولا ضروري تتأكد وتكشف على (الدزق و الكلتش) وثانيا نظف تانكي الديزل يمكن به ماء كثير و يمكن فيه اوساخ و تسبب انسداد ولازم خروج الماء و الهواء من المواصير زين واحرص وتأكد زين من الوجيه (السيل- الربلات) ان تكون موجودة قبل تركيب فلتر الديزل الجديد ولا تنسى تقفل على مفتاح تحضير الديزل حق طرمبة الديزل زين بعد تحضير الديزل0
يالغالي الي هبلتبي انهها ما تقبل الدعسه الى بعد خمس ثواني حتى والموتر فاضي ((بدون تعشيق))
لو المشكله من الكلتش ان كان يحن الموتر
المشكله ما يقبل الدعسه

ماقصرت يا العمده
واذا كنت مغير سير التوقيت (الجنزير) ممكن ماوزن توقيت عامود التيمن
الصراحه يالغالي التيمن بلت مغير له اكثر من 9 شهور
والمشكله ما بدت الى قريب تقريبا 4 اسابيع
نتقبل مروركم جميعا والادلاء بمعلوماتكم وتوقعاتكم
للعلم لمبة تانكي الديزل مولعه على طول حتى لو التانكي فل
لمبة المكينه مرات تولع ومرات تطفي

[مجنون عسل]

وش تعبي بنزين
91 ولا 95


نفس مشكلة الوالد
بس حنا مالمسنا شي
على طول غيرنا البنزين الى 95
والحمدلله الموتر علية عزم الله لايضرة
فانت غير البنزين
وشف وش يصير


واذا جيت تعبيه
خل الموتر يطفى بجنب المحطة
ودفة للمحطة وعبة

نفس طريقة الوالد

الله يسعدك موتركم بنزين واخونا في الله موتره ديزل

[العمده 0ون0]

السلام عليكم جميعا
ويالغالي الدعسه كهرب واتوقع انه منها بفكها وازيتها واشوف وش يصير


يالغالي الي هبلتبي انهها ما تقبل الدعسه الى بعد خمس ثواني حتى والموتر فاضي ((بدون تعشيق))
لو المشكله من الكلتش ان كان يحن الموتر
المشكله ما يقبل الدعسه

الصراحه يالغالي التيمن بلت مغير له اكثر من 9 شهور
والمشكله ما بدت الى قريب تقريبا 4 اسابيع
نتقبل مروركم جميعا والادلاء بمعلوماتكم وتوقعاتكم
للعلم لمبة تانكي الديزل مولعه على طول حتى لو التانكي فل
لمبة المكينه مرات تولع ومرات تطفي
هلا والله بالغالي ابشر بالخير و ان شاءالله تزين امورك لاتزعل هدي اعصابك بس
شوف اكون صريح معاك بالنسبة للسيارات الديزل الصغيرة ماقد جربتها اما بالنسبة للشاحنات الكبيرة عندي خبرة فيها لاكن من ناحية المبدأ نظام التشغيل واحد مع اختلافات بسيطه0
انا بقولك على شغلها تسويها خاص بعد ما اوردت هذي المعلومات المهمه المكتوبة باللون الاحمر جزاك الله خير0
اهم شئ تتأكد ان مايكون في ماء في تانكي الديزل واشتغال اللمبة هذا يدل ان فيه ماء في التانكي0
احتمال اول يكون السبب :
هذي طريقة ثانية (اضمن) لخروج الهواء من طرمبة الديزل والمواصير والفلاتر بعد عملية تحضير الديزل والسيارة في وضع التشغيل ان شاءالله تنفع معك 0
ركز معي زين:
1- شغل السيارة وافتح على مسمار التنسيم حق طرمبة الديزل شوي والسيارة شغاله لين يطلع منها الديزل ودوس على الابنص من عندك داخل المكينة اذا تقدر الحالك او معك احد يساعدك يدوس من الغمارة ومسمار التنسيم مفتوح بتلاحظ خروج الديزل بشكل ضغط قوي استمر ضاغط على الابنص ضغط مرتفع و متوسط لين تشوف خروج الديزل يصير صافي بدون فقاقيع هواء وفي نفس الوقت بتشعر صفاء وهدوء في صوت المكينة وفي هذه الاثناء اقفل على مسمار التنسيم وجرب السيارة اطلع على الخط بس لاتسرع :D تراك غالي وشوف اذا في فرق علمنا بارك الله فيك0

وهذا احتمال ثاني:
2-في قطعة اسمها طفاية ديزل اللي تطفي المكينة وانا والله ماادري وين محلها بالنسبة للسيارات الصغيرة تأكد منها هذه احيانا تكون خربانه او في وضع اغلاق او تعليق و تسبب خنق للمكينة اذا خربت ايضا و تسبب شبه إطفاء لمكينة السيارة0
احتمال ثالث:
3-اكشف على كنداسة الشكمان حق التلوث0

لاتنسى تعلمنا ويش صار معاك0
هذا وسامحنا على القصور والله يفرج امرك ان شاء الله0

[احب الحيا]

العمده 0ون0
الله الله يسلمك ويعز مقدارك
ما خليت شي ما سويته بالسياره
ما بقى الى ثلاث شغلات
1-اني اشيك على الطفاي يمكن معلق
2-افك الدعسه وازيت الرمان الي بوسطه
3-وهو الاهم_اني ادربي الموتر مع ظهرة لبن
المشكله الاساسيه ان السياره ما تقبل دعسة الابنص الى بعد 5 ثواني
يعني السياره تشتغل(( صلنصيل))بدون تعشيق ((القير فاااضي ))
في الحاله هذي اذا دعست ابنص الديزل عشان يزود الار بي ام
السياره ما تستوعب انك لاعنن ام الابنص الى بعد خمس ثواني
والار بي ام يرتفع تريجيا وببطئ شديد جدا ---
يعني السياره من صفر الى اقصى سرعه الي هي 70
يبغالك اقل شي ربع ساعه ماسك خط عشان توصل سرعة 70 كيلو متر بالساعه
هذا والله اعلم واهدى الى سواء السبيل

[احب الحيا]

العمده 0ون0
الله الله يسلمك ويعز مقدارك
ما خليت شي ما سويته بالسياره
ما بقى الى ثلاث شغلات
1-اني اشيك على الطفاي يمكن معلق
2-افك الدعسه وازيت الرمان الي بوسطه
3-وهو الاهم_اني ادربي الموتر مع ظهرة لبن
المشكله الاساسيه ان السياره ما تقبل دعسة الابنص الى بعد 5 ثواني
يعني السياره تشتغل(( صلنصيل))بدون تعشيق ((القير فاااضي ))
في الحاله هذي اذا دعست ابنص الديزل عشان يزود الار بي ام
السياره ما تستوعب انك لاعنن ام الابنص الى بعد خمس ثواني
والار بي ام يرتفع تريجيا وببطئ شديد جدا ---
يعني السياره من صفر الى اقصى سرعه الي هي 70
يبغالك اقل شي ربع ساعه ماسك خط عشان توصل سرعة 70 كيلو متر بالساعه
هذا والله اعلم واهدى الى سواء السبيل
بشروا عساكم لقيتوا لنا سنع

[احب الحيا]

يا شباب انا الحين مقبلن على ضهرة لبن
ابي واحد يمرني عقب صلاة المغرب اصير توني ناطلن الموتر مع المعلق

[كديان]

شف ياطويل يالعمر فيه ورش متخصصة بالصناعية القديمة عمارة العويضة



ورشة الراجح عند مسجد العويضة بالصناعية القديمة

اقتباس:
نعم الراجحي مشهورة في الديزل انا موظب عندهم شغلهم زين بس تراه واجد ورش الراجحي تاكد

http://www.mekshat.com/vb/images/misc/progress.gif



ورشة الراجح عند مسجد العويضة بالصناعية القديمة



رد لاحد الاعضاء




اقتباس:
ياصديقي الديماكسيين عزيزين على قلبي شف وأنت ماشي مع شارع علي بن أبي طالب وجهك جنوب وتعديت تقاطع إشارةالأميرسلمان خلك بالخدمة يجيك على اليمين مسجد العويضةعلى سايدين لف مع السايدين جنوب رح طوالي إلين حرف التي بعدين أرجع مرةثانية يجيك على اليمين ورشةالجزيرةفيهاباكستاني أسمةأشرف وعقبه ورشةأبوأكرم كذلك فيها أكرم وأخوه معتز هالورشتين فاهمين ومتخصصين ديزل توكل على الله ثم رح يمهم
http://www.mekshat.com/vb/images/misc/progress.gif

هذه رابطة ملاك الديماكس :good:
اطرح طلبك هناك
و يدلونك على ورشة ممتازة

رابطه ملاك إيسوزو ديماكس(d-max) (http://www.mekshat.com/vb/showthread.php?t=181723)


موفقين






لو تجي لبريدة ادلك على ورشة ابو خالد الكبير رجال فاهم و خبره شايب هههه

[احب الحيا]

شف ياطويل يالعمر فيه ورش متخصصة بالصناعية القديمة عمارة العويضة

لو تجي لبريدة ادلك على ورشة ابو خالد الكبير رجال فاهم و خبره شايب هههه
جزاك الله خير طال عمرك لاكن يبيلي اقل شي شهرين((ماسك خط القصيم )) لين اجيكم

[هبايب صيف]

والله الظاهر ان موترك يبي تغيير الدسك والصحن

موقعه بين القير والمكينه

[مركز حراره]

فيه ورشه متخصصه بلهايلوكس الديزل بلقصيم اسمه ورشت الكبير مره انشا الله تلاقي حل

[ابوصالح77]

تأكد من الكنداسة لا يكون فيها سدد

[كديان]

بحفظ الله
الموتر يدخن واجد ديزل
تلاحظ دخان زايد سواء الموتر واقف او ماشي ؟؟؟

[احب الحيا]

شف ياطويل يالعمر فيه ورش متخصصة بالصناعية القديمة عمارة العويضة

لو تجي لبريدة ادلك على ورشة ابو خالد الكبير رجال فاهم و خبره شايب هههه


جزاك الله خير طال عمرك لاكن يبيلي اقل شي شهرين((ماسك خط القصيم )) لين اجيكم








والله الظاهر ان موترك يبي تغيير الدسك والصحن


موقعه بين القير والمكينه

يالغالي انا منب غشيم بالمواتر والمكنيكا لو كان من الكلتش انكان الموتر يقبل دعسه بس ما يمشي
الموتر دتوس ديزل ما يقبل ياخذله خمس ثواني لين يرتفع الار بي ام او عدد دورات المحرك


فيه ورشه متخصصه بلهايلوكس الديزل بلقصيم اسمه ورشت الكبير مره انشا الله تلاقي حل
ترا من السبوع الي راح وانا ماسك خط للحين ما وصلت القصيم




تأكد من الكنداسة لا يكون فيها سدد

لا توصي حريص ما خليت شي فكيت دبت التلوث وفرغت نصها قلت يمكن منسده
لاكن لا حياة لمن تنادي
معلومه صغيبروره
لو كان من الشكمان منسد انكان تشوفه مولع ضو تلقا لونه احمر من الحراره


بحفظ الله
الموتر يدخن واجد ديزل
تلاحظ دخان زايد سواء الموتر واقف او ماشي ؟؟؟
والله يالغالي لا ذي ولا ذيك الموتر ما يقبل ديزل ما يقبل دعسه الموتر وقف ولا يمشي
ولا يجيني واحد يقول غير لديزل 95 مثل الشيخ الي فووق
اعذروني تراه واصلتن معي من الموتر

[ماجد28]

الله يعينك واذا لقيت الحل ياليت تكتبة اعاني من نفس المشكلة

[راعي الرود]

كان عندنا شاص نيسان ديزل

مكاين الديزل ميزتها اذا كانت جديده تصير حليوه و تقدر تماشي البنزين

لكن بعد سنين خلاص يطفى العزم مدري وش السبب !

هذا الشاص زي موترك تقريباً

هو كان لأخوي واخذته منه بسافر عليه لديره خطها سيد واحد والله اني بلشت به

لا صار قدامك موتر يذري عليك ماعنده مشكله موتري يمشي بس لا مسكت يسار بسقط عليه برد العزم وبدأ الطبلون يتراجع كأني فاك الدعسه عجزت لا اسقط على احد هههههههههههههههه

جرب تنزل به مع القديه و افجر له يا يغدي رجال ولا رجعه على سطحه و التشليح

[alhajri]

تأكد من صينية الكلتش هذي تصير بين القير والماكينه يعني يبغي لك فك قير ، هي اللي تطيح عزم الموتر اذا كانت محروقة الفحمات فيها ، و تطلع ريحة عطبة و مع الوقت راح تنزل تدريجيا لغاية ما تعشق الموتر بجميع النمر و لا يتحرك ولا يطفي كأنه بالفاضي

[111333]

الله يكون بعونك
ودها للوكله وقله يفحصونه بس لا يصلحونه يشوفون وشبه اذا الشي اللي قالو لك معقول وسعره مناسب خلهم يصلحونه هذا من رايي