دروبكم وين يالكشاته

[نفيد و نستفيد]

اخواني الكشاته
السلام عليكم ورحمة الله وبركاته وأسعد الله مسائكم بالخير

اليوم رحت بولدي لمركز الحي الاجتماعي العاب ومسابقات والقائمين عليه من خيرة الناس نحسبهم والله حسيبهم( موهذا محور حديثنا) طرالي طاري وانا في الدوارقبل الف يمين المخرج الثاني( متابع مع القارمن ) هالاجازة الجاية للمدارس وين نكشت.

سؤالي لكم ياهل الكشتات في احد رتب لهالطلعة؟
وين ان اشاء الله ناوين؟
احد منكم يشور علينا بمكان؟

[مدمن مرقوق]

عليكم السلام ورحمة الله وبركاتة
الوجهة خلها على خريم اشجار تقيك من حر الشمس في العطلة
وربيع يفتح النفس ويشرح الصدر
بالتوفيق لك

[نفيد و نستفيد]

مدمن مرقوق
لاشك روضة جميلة لكن ما تشوف ان روضة خريم مكان واحد، اعني ليست مثل الفياض تقدر تغير بسهولة وتتنقل بينها، شي ثاني كثرة زوارها لقربها من مدينة الرياض