عندي مشكلة بمحول الكهرباء .. ( عروق الشمال )

[نيشان تميم]

السلام عليكم ورحمة الله وبركاتة ..أسعد الله أيامكم بكل خير ومسرة


أخواني الغالين ولمن لدية خبرة ..


قدر الله أني أروح لعروق الشمال عندنا بالقصيم علشان أركب شبكة كهربائية في السيارة


طبعآ من أفياش كهرباء .. ولمبات .. مع البطارية الاضافية


وأخذوا علي مبلغ يعتبر كبير مقارنة فيما عملوه لي ..


المهم أنه يوم خلصوا مشتغلين بالسيارة .. بلغني المصري أحمد بمميزات عملهم :


للأمانة .. التسليك جيد والترتيب والتخريم ممتاز ولا علية كلام


الشاهد أنه قالي .. اللمبات الي بالكبوت مع أفياش الكهرباء تعمل لمدة 8 ساعات متواصلة .. وبعدها تشغل السيارة لمدة قصيرة حتى يشحن الدينمو وتواصل عملها !!


لكن لاحظت انها ماتشتغل الا ساعة وحدة بس !!


اللمبات تضعف تدريجيآ .. وافياش الكهرباء أشبك عليها التلفزيون وتطفى نهائيآ بعد ساعة


وأضطر الى أنه أطفي المحول ربع ساعة حتى يبرد .. وبعدين يشتغل ساعة ثانية !!


طبعآ رحت لمهم بالمحل وجاء الفلبيني .. وقال لازم تضغط على المحول الصغير الي بالكبوت علشان مايطفى المحول الداخلي .. وهذي صورة للمحول الصغير داخل الكبوت :


http://badae3.net/up//uploads/images/badae3-d82edec44b.jpg


وصورة للمحول الداخلي تحت المرتبة :


http://badae3.net/up//uploads/images/badae3-17c6fff291.jpg


سوينا الي قال ولا فيه فايدة !!


الخلاصة :


هل بالفعل المحول مايتحمل عمل التلفزيون ولا أنا طريقة تشغيلي خطأ !!


مافية أحد منكم مر بمثل هالمشكلة ؟

[ابوعقل]

وعليكم السلام ورحمة الله وبركاته

ولد عمي

انت شابك تلفزيون على البطاريه الأضافيه ؟؟

اذا انت شابكه لازم تعرف التلفزيون كم واط

والمحول اللي عندك كم واط

والبطاريه الأضافيه

كم امبير ؟؟

[لاتكب البيالة]

السلام عليكم
اولا كم امبير بطاريك الاضافية وهل هي جديدة وسليمة
وبالنسبة للجاهز اللي بالكبوت هذا ماهو محول انما منظم شحن بين البطاريتين وكلام الفلبيني اللي يقول لازم تضغط عليه عاري من الصحة لاني اعتقد اعتقاد ماهو جازم بالحيل ان هالزر هو اللي يوصل بين البطاريتين يدويا وان فظت الاساسية بتقعد تدور اشتراك
وبما انك تقول اني اطفي المحول ربع ساعة ثم يشتغل اذا المشكلة بالمحول اللي بالداخل طبعا يحتمي ويفصل تاكد منه ومن البطارية

[ولد وايل]

تأكد من الكتاوت للبطاريه الاضافيه

هي تسبب ضعف

ثم بعدها تأكد من المحول

[نيشان تميم]

الله يجزاكم الجنة ومرضاته ومرضى والديكم

نورتونا بأراءكم بيض الله وجيهكم