أمانه ياشباب......انا فاقد.......؟

[خالد123]

بسم الله الرحمن الرحيم
السلام عليكم ورحمة الله وبركاته
ياخوانى انا فاقد رجال من رمضان وانا ماشوفه معنا(مكشات) الرجال هو( ابوحمود ....ايسوزو4×4) عسى الرجال بخير والله نبغى نطمئن عليه وبس . اللى يعرف عنه شى يبغلنا عنه .واللى يشوفه يبلغه سلامى وتحياتى امانههههههههههههههههه ياشباببببببببببببببببببببب .

[قاهررررهم]

لا تخاف إن شاء الله بيكون بخير

أنا توني جديد ولا أعرف أحد

بس ممكن يجي أحد عنده خبر ويطمنك

بس لاتحاتي

[جلوبلستار]

رساله شخصيه وان شاء الله يرد

[nahham]

هلا اخوي خالد

ابشرك ابو حمود بخير الله يسلمك

لكن تعرف الايام هذي ايام اختبارات

بالنيابة عن ابو حمود ربي يسلمك وما تشوف شر ان شاء الله

[الكونترولCONTROL]

الله يذكره بالخير ................... الله يوفقه

[عاشق المزون]

فعلا والله انك صادق فقدنا الرجال الله يذكرة بالخير من الرمضان عسى المانع خير انشاء الله

[الربذي]

اخوي خالد اشكرك على اهتامك
ابشرك بخير واخر مره كلمت عليه قبل اسبوعين في جدة منحاش من البرد بابها
حيث انه يسكن هناك لدراسة مع الاسره اقصد والده ووالدتة الله يحفظهم ويخليهم له
واي شي تامر امر
محبك
الربذي

[عاشق المزون]

الله يطمن بالك وسلامنا علية واكيد ماعندة جهاز في ابها وقله جاهزين في ارسال الجهاز له حتى لو يبي لابتوب بس لاينقطع عنا :)

[اسيزو 4x4]

السلام عليكم ورحمة الله وبركاته

الله يجزاكم خير أنا أشهد أنكم مطاليق يالنشاما

الصراحة انا كنت بودع مكشات نهائيا بسبب !!!! ..... !!!! ولكن سؤالكم عني كل من

الغالي خالد123

والغالي قاهررررهم

والغالي جلوبلستار

والغالي nahham

والغالي الكونترولCONTROL

والغالي عاشق المزون

والغالي الربذي

والغاليين الذين أتصلو بي من اعضاء مكشات ...

جاني علم بالجوال بالموضوع هذا ومن يسأل عني فية

خلاني أهون على القرا ر والله لا أخفيكم اني متضايق من شيئ في المنتدى ولكن الحمد لله على كل حال

وهذا السبب اللي خلاني ما أدخل المنتدى أو أقلل دخولي لة أو بالاحرا عدم دخولي لة نهائيا...

ولكن بارك الله فيكم .... يا من سأل عني وجزاكم الله خير الجزاء ...

والحمد لله على كل حال ......

أبو حمود ....

[مدمن القهوه]

ايسوزو الحمد لله على السلامه
شكل اللي يحبونك كثير ..وهذا دليل على اخلاقك الحلوه ولا كان ماسألوا عنك
بصراحه انا جديد على المنتدى بس حبيت اشارك
وتقبل خالص التحيه والتقدير ،،،

[قناص شقراء]

أفا يا أبو حمود عسى ما شر و وش الي يخليك تتطلع من المنتدى نهائياً انت علم الإدارة وان شاء الله مايقصرون الشقردية فالمنتدى سيخسر شخص عزيز عليه وعلى أعضائه اذا تركته و السلام عليكم و رحمة الله و بركاته ,,,,,,,,,,,,,,,,,,,,,,,,,,,,,,,,

[الربذي]

:heart: السلام عليكم

ويقول لك من يعلم الله بمدى احترامه لك وتقديره لشخصكم اقول لاتفكر ولا تحتار غير رجوعك لمكشات لاتختار
والحمد لله على رجوعك
لكن ولبلى من لكن وفي لكن موضوعك الرائع جدا جدا والمقارنه بين الهايلكس والاسيزو لم اجده
تقبل تحية محب لك ومود
اخوك الربذي :heart:

[nahham]

هلا ابو حمود

راجع الخاص

[ذرب المعاني]

عزالله سؤال ذا مايدل الا على نقا قلبك وطيب معدنك

لاهنت اخوي

[مرقاب الشرق]

السلام عليكم
يابو حمود اللي يضايقك يضايقنا جميع قل وش الموضوع وحنا حاضرين بالي نقدر عليه .

[escape_man]

اخوي ايسوزو انت اكيد ماتعرفني ويمكن النك تبعي غريب عليك لكن من الصدف العجيبه انك راسخ ببالي واحب اتابع مشاركاتك

خلك عاقل ولا تضيق صدري واعتبر مكشات مجلس من مجالسك الي تحب تقضي فيها وقت ممتع مع اصحابك ولابد يصير فيها مافيها

ويكفي اني شاركت بكم موضوع ولكبار الشخصيات بمكشات ومنها رحلات وجمعات كنت...كنت ناوي احضرها لو حصلت دعم لكن لقيت

ردودهم هلا بوفلان..هلا حيه وهلا بعلان واخوك كنه خط فاصل محد يعبره .... وسع صدرك واقض لزومك من هالمكان وهالمكان واظهر

وتراها اجهزة اتصال ماتدري من يجلس وراها من عقليات معتدله او معقده او صلفه. هذي بعض النصائح لاني ما اتمنى نفقد واحد مثلك مع

اني مدري وش السلفه الي مرت بك لكن لان هذا مجلس حبيت اقط فيه سالفتي والسلام

[خالد123]

السلام عليكم ورحمة الله وبركاته
الحمد الله على السلامه يابو حمود من غاب جاب الغنايم وين يارجل وش العلم . اللى يضيقك يضيقنا يابوحمود . وسع صدرك يابوحمود الدنيا متستهل الله يعطينا من خيرها ويكفينا شرها أنسف العمامه على جنبك وعطها أشكل .
الحمد الله على السلامه يابو حمود ....... تحياتى
أشكر جميع الآخوان الذين مروا على الموضوع ولهم كل تحيه واحترام وجزاهم الله الخير.

[nahham]

تبون الحق

والله يابو حمود ياهو غالي علينا وله وحشه

احس اني فاقد شيء عزيز وغالي على يالحيل

يابو حمود ترا فراقك طول ............

ان طول اكثر جيتك لو في ابها

اتمنى انك في صحة جيده

[جو الصمان]

الحمد لله على السلامه ابوحمود وراك علينا من الي زعلك
والله انك كنت من اهم الناس الي خلوني اصمل على الايسوزو
ومن ذاك اليوم وانا احب اقرا كل كلمه تكتيها في المنتدى ومايمازجها من طرافة اسلوبك
ونتمنى لنك تستخير الله ولا تخلينا طالبك طلبه يا ابو حمود
اخوك الصغير :عبدالرحمن