شاركنا برأيك : ماهو الحل بأسعار الزيوت والبطاريات والكفرات؟

[هويدي]

السلام عليكم ورحمه الله وبركاته


اسعد الله اوقاتكم اخواني اعضاء وزوار مكشات


اسمحولي ان طرح هذا الموضوع والذي يدور حول إرتفاع الاسعار اللا نهائي
لكل ماذكرت في العنوان بغض النظر عن بقيه السلع والدنيا اللي مشعلله الله يخارجنا


الكفرات


في السابق افضل واغلى كفر مايوصل خمسميه ! وحالياً تاخذ كوري ولا صيني بحدودها والمشكله كل فتره والثانيه ترتفع !!! ماهو السبب


على سبيل المثال ((( كرتون الزيت )) :mad:


قبل اربع او خمس سنوات كنت آخذ فوكس جيتي ( علب حديد 175 ريال) والبلاستك بـ 185 ... شيئاً فشي يرتفع عشره خمسه الى ان وصل حالياً 260 تقريباً


حولت على زيت الترا سفن الكرتون اخذته قبل شهر بـ 215 ريال
الاسبوع الماضي نفس المحل قالي بـ 245 :eek: وش المناسبه !! المصنع سعودي والبترول مرتفع ... شي يقهر (( الدار دار ابونا والقوم حاربونا ))


الى متى هذا التلاعب والاستغفال ؟
ولا يخفى على الكثير ماقام به اصحاب المشاحم من رفع سعر تغيير الزيت اذا صرت انت اللي جايبه او رفض التغيير علشان تنحد وتشري العلب من عندهم بـ 15 ريال


والدراهم مب كل شي ... تدفع ماتدفع بنفس طيبه وبرضاك عادي
بس يروح منك ريال غصب او استغفال قهر :mad:



اعتذر على الاطاله واتمنى مشاركتنا النقاش حول الموضوع لعلنا نتوصل لحل او يصل صوتنا للمسئولين لوضع حد لهذه التجاوزات والله الموفق.

[رفيع المقآم]

والله انك صادق
يارجال كفرات يوكاهاما كان الكفر الواحد على 290 و300 مقاس 205
الحين على 400 يعني الطقم 1600 وين شاري كفرات جيب انا
ولا القهر الثاني الزيت
كنت اشتري العبله البلاستيك سوبر جيتي لان الحديد مغشوش ومو اصلي مو فوكس فولكس وحنا مدربينها ولا ندري وش السالفه
ولا ماسالت نفسك وش سبب الانخفاض بالحديد والكميه وحده ؟؟؟؟؟ يعني اللتر نفسه بالحديد هوهو اللي بالبلاستيك
انا عشان كذا شريت الـ2 وقلت الا اطلع الفرق وصار مو فوكس فولكس
عموما كنت اشتري الحبه بـ9 ريال
من محلات الجمله والحين على 13 شي يقهر
والبطاريات اطلق اطلق اطلق بطاريه كنا ناخذها بـ150
الحين بـ300 وش السبب ووش السالفه
مابقى الا البانزين يغلى
ومشكوووووووووووور
اخوي هويدي على الموضوع

[هويدي]

شاكر مرورك ومشاركتك يالغالي

والله يرزقك بأحلى شاص

ننتظر مشاركة بقية الاخوان

[Bader-M]

اسباب الارتفاع

يرجع الى عدة امور

1- اتفارع المواد الاساسية المصنعة منها (نفط او حديد او نحاس ...الخ)
2- نزول صرف العملة (الريال مقابل العملات الاخرى)
3- ارتفاع العقار و الايجارات
4- تطور التقنيات وهذا يرفع قيمتها

والله اعلم

[مركز حراره]

احسن حل اشتر برميل ارخص واجود شف الوكاله يستخدمونه

[شحرور الدهنا]

ماقصر ابو متعب الله يعطيه الصحه و العافيه انشالله بترجع الاسعار مثل اول

[هويدي]

شاكرلكم مروركم ومشاركاتكم جميعا

اتوقع الاخ بدر عندك محل وترقعلهم هههههه امزح

لو الارتفاع طبيعي ممكن بس ماله سقف !! ( كل فتره والثانيه يزيد)
سببه اتوقع الجشع واستمرار الناس بالشراء مهما ارتفعت الاسعار

الاخ مركز حراره بحكم اني مدير الحركه بالبيت :)
بكم سعر البرميل لو تكرمت ؟

شحرور الدهنا ابومتعب ابيض وجه الله يطول بعمره
وياليت تجارنا قلوبهم علينا زيه

والطمع تفشى بالكل حتى العمال كل ما طق عودن حصاة قال سعودي اثنين راتب :)
واتمنى تفعل مكافحه الفساد بأسرع وقت لان كل شي طار بعد القرارات عقار سلع الخ

[صاروخ الغطغط]

انا لاجبت معي زيت وجيت البنشري يزود السعربدل ماهو ب5 شغل يد ب10 ويسئلني كم شريته يبغيك تاخذ من عنده ويتشرط بني هنود او ابو يمن الله يمحى العماله

[هويدي]

لا وازيدك من الشعر بيت يالصاروخ آخر مره جيتهم يقولي ممنوع هههههههههه

شريت حبه السيفون وصرت اغير بالبيت منّه الله ولا منّه خلقه
بقروشك ويمنون عليك :)

[رساوي ربع]

شباب زيت سوبر شل العلبه بلاستيك بـ12 ريال انا اشتريه

[ابوسند9]

السبب واضح لا حسيب ولا رقيب
عماله حراميه من جهه
وتجار من جهه
واصبرو والقادم امر
اسعار قطع تويوتا ارتفعت 18 بالميه
تحياتي

[s3eed]

الله يهدي الجميع
اتحدى احد تنعرضله هالشغله بنشري
ويشتغل ماحد راح يرضى
أجل ارضوا بالواقع

[أحمد محمد1429]

لو كل صاحب سياره يغير زيت سيارته بعد خمسة عشر ألف كيلوا ماصارت هذي أسعار الزيوت ويا أخوان هذا كلام هيئة المواصفات والقاييس بالنسبه لتغيير الزيت

[اسدالجنوب]

كلة تلاعب تجار