مشكله يجب اصلاح الدفع 4 عجلات للجمس2005 < هنا الحل

[فالكن]

السلام عليكم ورحمه الله وبركاته


مشكله يجب اصلاح الدفع 4 عجلات للجمس 2005

في البدايه كانت تظهر على الطبلون يجب اصلاح الدفع 4 عجلات

وكنت اطفي السياه واعيد تشغيلها وأحيآنآ افصل البطاريه ويشتغل الدبل عادي , ثم تطور الوضع واصبح الدبل ما يتعشق ولمبه جهاز تحسين الثبات مطفئ مولعه ولمبات الدبل طافيه يعني السياره تمشي عادي لكن بدون دبل.

وللتأكد من ان الوضع على h2 دور عمود الدبل باليد اذا دار فان الوضع على h2 ويمكن ان تمشي بالسياره عادي وأنآ مشيت عليهـآ ثلآث شهور عآدي.

أخذت السياره لأحدى الورش ومتخصص بالكمبيوتر وقال المشكله عندك كهربائيه لآزم نفحص الظفيره كلها وتكلفك 1200 والضمان لمده اسبوع لآن الكهرباء ماهي واصله للأزرار ومن هالكلام .. حسيت من كلامه انه نصاب لان الكهرباء لو ما وصلت للازرار او فيها مشكله ان كان ما تولع لمده ثانيتين اذا شغلت السياره وهذا يدل على ان اللمبات شغاله والكمبيوتر كذلك.

ولأني قد قرأت في النت ان المشكله من حساس الدبل بنسبه 80% ..

قلت ليه ما اشتري الحساس واركبه أنآ لآن لدي شوي خبره في الكهرباء والمكنيكا .. رحت لمحلات قطع الغيار واشتريت الحسآس اللي بالصوره بـ 350 ريال من محل قطع غيار بالصناعيه..

مع العلم انك ما تقدر تشوف الحساس من الخارج مثل بعض الموديلات لانه واقع تحت ترس كما هو واضح في الصوره..



عمليه فك الدينمو سهله


1- تفك عمود الدبل

2- تفك 3 مسامير بعد ما تفك الفيش 6 اسلاك ويطلع معك كما في الصوره


3- تفك مسامير غطاء الدينمو 4 مسامير مشرشره مع مسمارين على الغطاء الالمنيوم..

4- ترفع الغطاء ويطلع لك الدينمو وتروس وبتقول وين الحساس ما اشوفه..

5- ترفع الترس الكبير وتشوف الحساس تحته وقبل ما ترفع الترس ضع وسم على الترس الكبير مع الصغير وركب الحساس الجديد له فيش فيه اربع اسلاك..
ونظف مكان الحساس وضع قليل من الشحم على سنون الترس وتأكد أن التروس معشقه مع بعض زين على مستوى واحد..


6- اعد التركيب ورجع عمود الدبل.

ويغير طبيعي بتكلفه 350 ريال
7 قل بسم الله وعلى بركة الله وشغل السياره وبتشوف لمبه h2 مولعه والدليل شغال
ارجوا ان ينتفع من هذه التجربه الجميع


وهذي هي الصور

هذا الدينمو قبل الفك

http://i.imgur.com/OHrXn.jpg


بعد مآ فكينا دينمو الدبل

http://i.imgur.com/Cmrbr.jpg



وهذآ هو كآمل

http://i.imgur.com/ScDFq.jpg



وهذآ هو بعد مآ فكينآه

http://i.imgur.com/RhW9T.jpg



http://i.imgur.com/3bhzT.jpg


http://i.imgur.com/EOhYZ.jpg


وهذآ الحساس الجديد

http://i.imgur.com/HAm0k.jpg




طبعا هذا هو بعد ماركبناه داخل الترس


http://i.imgur.com/eKDNq.jpg



بعدهـآ اعد كل شي لمكآنه وتوكل على الله



ولا تنسونا من الدعاء

[آخر العنقود]

ما شاء الله عليك شغل ابدااااع وللأسف اكثر المحلات شغلها نصب في نصب وفقك الله ....

[saad.saud]

السلام عليكم
الله يعطيك الف عافية على الشرح ....
بس سؤال محيرني ( ليه الحساس يخرب دايم )
اربع مرات غيرته خلال سنتين ونص!!!!

[معذب الدحاريج]

والله ،إنها إخربت عندي وقصو علي وقالولي ما تتصلح لازم إتبدها كامله والله وأشتريها ب190 دينار كويتي بس قلت لازم أفتحا وأشوف وش فيها خربان وفعلا لقيت فيها الحساس إلي تقول عنه بس عليه زيت جاي من الدبل قلت شلون دخل عليه؟
هذا يعني السبب الرئيسي للعطل هو خراب القازقيت إلي يركب بينهم بس قبل ما إتركب الحساس يجب عليك التنظيف
وبالنسبه للحساس هم قص علي واحد قالي موجود عندي جايبه من أمريكه ما راح أتحصله في قطع الغيار قلته يصير خير إنشاء الله ما يخرب مره ثانيه والحمدالله صاره سنه من بدله سليم مع العلم إن إستعمالي للدبل نادر جدا
وجزاك الله خير على التقرير الممتاز

[فالكن]

ما شاء الله عليك شغل ابدااااع وللأسف اكثر المحلات شغلها نصب في نصب وفقك الله ....




حيآك يالغالي ونورت

[فالكن]

السلام عليكم
الله يعطيك الف عافية على الشرح ....
بس سؤال محيرني ( ليه الحساس يخرب دايم )
اربع مرات غيرته خلال سنتين ونص!!!!


وعليكم السلام

الله يعافيك ..

يقولون هذآ عيب مصنعي . والله أعلم

[فالكن]

والله ،إنها إخربت عندي وقصو علي وقالولي ما تتصلح لازم إتبدها كامله والله وأشتريها ب190 دينار كويتي بس قلت لازم أفتحا وأشوف وش فيها خربان وفعلا لقيت فيها الحساس إلي تقول عنه بس عليه زيت جاي من الدبل قلت شلون دخل عليه؟
هذا يعني السبب الرئيسي للعطل هو خراب القازقيت إلي يركب بينهم بس قبل ما إتركب الحساس يجب عليك التنظيف
وبالنسبه للحساس هم قص علي واحد قالي موجود عندي جايبه من أمريكه ما راح أتحصله في قطع الغيار قلته يصير خير إنشاء الله ما يخرب مره ثانيه والحمدالله صاره سنه من بدله سليم مع العلم إن إستعمالي للدبل نادر جدا
وجزاك الله خير على التقرير الممتاز


حيآك اخوي الغالي

وكآن الله في عونك


معضم الورش شغلهم نصب في نصب وانا رحت لكذا ورشه واللي قال الظفيره عندك فيها مشكله ومن هالكلام

والمشكله من هالحساس وبدلته والحمدلله للحين ماشي معي

وان شاء الله ما يخالف معك

[./عنيزاوي./]

بيض الله وجهك وكتب اجرك ورفع قدرك

[ابو محمد 276]

بارك الله فيك اخوي على كذا اذا خربت عندي بعطيك الموتر وتصلحة انت وبعطيك حقك انت ابرك من الورش يا عمي

[Bader-M]

مشاء الله تبارك الله


http://www.sawa24.com/forum/uploaded/21_24878_1189177374.gif

تحياتي اليك

[ابوعقل]

وعليكم السلام ورحمة الله وبركاته

جهد تشكر عليه

وزي ما ذكرت ان هذي المشكله وهذا حلها

واغلب الورش نصابين

وانا عندي نفس مشكلتك بالظبط صارلها اكثر من سنه

ومخليه

[Fmejrad]

يعطيك الف عافيه يالغالي

انا موتري له اكثر من سنتين الدبل خربان ..

المهم اني قبل فتره فكيت دينمو الدبل حق واحد من اخوياي وحطيته بموتري وضبط الدبل واشتغل ..

عاد بشوف علة الدينمو الي عندي .. هل تتوقع اني اغير الحساس الي بوسط الدينمو فقط ويصلح ؟

لان حقين الورش يقولون لازم تغير دينمو كامل .. واتوقع المشكلة كهربائية .. لاني لاحظت ان الدينمو كله قطع ميكانيكيه ماعدا الحساس هو الي كهربا .. اتوقع لو اغيرهـ بيضبط الدينمو تبعي ..

لكن وش اقولهم .. اقولهم ابي حساس دينمو الدبل ؟

والله يجزاك كل خير

[ابوعقل]

هذا رقم القطعه

gm#88962315

خذه ورح لقطع الغيار

[فالكن]

جعلكم تسلمون

ومنورين

ومآقصرت يآبوعقل

جبت رقم القطعه

[أبوحمزه]

يعطيك العافية على الموضوع ان شاء الله يستفيد منه الكثير

[الخادم]

الله ييعطيك العافيه
وصفك واضح و الله يجعله في ميزان اعمالك

[نجم000الشمال]

ما شاء الله عليك ... الله يجزاك خير على طرح الموضوع ، وتستاهل خمس نجوم .

[MAD -KHALID]

اهنئك على تصليح

موترك بنفسك

حسبي الله على كل نــصاب

[no fear 78]

الله يجزاك خير يا الغالي كفيت و وفيت

[ابوتركي1431]

جزاك الله حير
بس اللي يشتغل هذه الشغله كهربائي أو مكانيكي
كم يركب الحساس

[كديان]

ماقصرت و الله يطرح به البركة
و ان شاء الله يضبط معك
لان هالحساس به عيب مصنعي و هذا كلام مهندس و عادي يخرب مرة ثانية
احد الربع غيره مرتين عاد الان الوضع سالك
و للفائدة لو طفت عليك لمبات الدبل و انت بحاجته قم و افصل الفيش اللي راكب
على نفس الدينمو و اشبكه مرة ثاينة و باذن الله تولع اللمبات
طريقة مجربه
اهم شي مثل ما قلت انت وسم التروس بقلم او ببوية 100% مهم جدا
و الا فكه و تركيبه سهل جدا

[aboabdulaziz2]

السلام عليكم
اجاباتكم كلها مفيدة ما شاءا لله عليكم

طيب لو فكيت دينمو الدبل وخرجته من محله هل يوجد اي مشكلة
السيار جمس سوبر بان 2006

[ls1.5700]

كثرالله من امثالك وجزاك الله كل خير
فعلاً اكثر الناس يعانون من هالمشكله والحمدلله انك حليتها ويستفيد غير كثير من تجربتك