أهل التجربه للبراونق ياليت تدخل وتفيد

[أبو أيوب99]

مسيتوا بالخير كلن باسمه
عند استفسار يا وجيه الخير عن ام خمس البراونق البلجيكية
انا عند وحده قديمه شوي ودي اعرف الضغوط اللي تتحملها
انا دايم ارمي بضغط6-36
أولا الجرجس او المقرقر عندنا وش اللي يصلح له لأني اشوفه ما يفرش
تلقط أربع وفيها والمراح مليان
الصراحه اطربتني بالقميري والصفاري حتى القمري في الموسم الماضي كان فيه ثلاث قمري ثنتين مجاملات ووحده فوقهن تقريبا نصف متر وراحت ما جاها شي من الحلبي
مع اني حاولت كثير اعرف مرماها في برميل او علب بيبسي على الارض الاحظ انه ما يفرش
لا أحد يبخل براي ولكم خالص التحيه واصدق الدعاء
انتظر ردودكم يالربع
تقبلو تحياتي

[سنا البررق]

والله شف اخوي البراونق عيبها شي الا وهي تتوسخ عجل ثم تلك حسب التجربه وسبق كانت معي وهي ماتبث ابد الا كان تحط تشك بث والا ارم من بعيد

[أبو عزيّز]

ما تفرش عشان مقاسها 6 لو تبي تصيد الجرجش خذ لك مقاس 9 او 9ونص هذي ان شاء الله علاج وعندك بعد الضغط 36 يمشي مشي يعني لو مسافه بعيده ان شاء الله يجيب وفرشه حليل يعني لو تاخذ لك ضغط 32 مقاس 9ونص هذا علاج للجرجش ان شاء الله, الضغط كل ما قل كل ما زاد الفرش وقلت القوه والجرجش ما يبيله قوه مثل القميري
اتمنى اني افدتك
موفق بالصيد الطيب..,

[صقار محترف]

ابعد عن صيدتك وحط الحبه في أسفل الهدف . يعني لو ترمي قمريه .. حط الحبه في الرجول ..

اما من ناحية الضغط القديمه ممكن ترمي ضغط 40 .. بس اكثر من 40 اتوقع يأثر عليهآ ويمكن تنفجر .. خلك على 36 للقمري والرهو ( الكرك ) 40

اما من ناحية الفرش .. خذ ضغط 32 رقم 8 او 9 للجرجس .. وبتشوف رمي يعجبك

[أبو أيوب99]

سلمتو يالرجال على الردود
تقبلو تحياتي
دمتم بود