المساعد الشخصي الرقمي

مشاهدة النسخة كاملة : الرجاء من الإخوة جزاهم الله خيراً عاجل


otaisa0v
23/11/2005, 08:05 AM
بسم الله الرحمن الرحيم
اللهم صلى على محمد وعلى أله وصحبه أجمعين،
والسلام على رسول الله وعلى آله وصحبه أجمعين

الرجاء من الإخوة المشاركين إفادتي بخصوص أقرب موقع للمكشات من الرياض ضروري وشكراً.
القرم
23/11/2005, 08:48 AM
حياك الله اخوي.. باختصار شديد.. اطلع على طريق الدمام السريع وامش لين يجيك كبري رماح اطلع معه وامش بيجيك شعبان على كيف كيفك وبتجيك لوحة روضة خريم شرق من الخط يعني على يمينك.

اتمنى لك كشتة طيبة.


تحياتي


القرم
otaisa0v
23/11/2005, 09:42 AM
بسم الله الرحمن الرحيم،
وبعد:
شكراً لك أخي الكريم على تكرمك وتفضلك بمساعدتي ولكن كم من الوقت يستغرق وهل هي منطقة خطرة تستدعي أخذ الحيطة والحذر لأني هذه أول مرة أطلع فيها مع الأهل وجعل ذلك في موازين أعمالك ورحم الله والدينك وأطال في عمرك أخي القرم.

وأتمنى إني ما أشغلتك.
رسلان
23/11/2005, 09:53 AM
الثمامة اليومين هذي متلبدة بفضل الله بعد الأمطار ...
وميزتها - كما تعلم - توفر الخدمات في الغالب فيها ...
صالحة للعوائل ...
والنفد بعد المطر له ميزة خااااااصة ....
الشعاب والوديان ... جميلة ...
ولكن هذه الأيام فيها خطر كبير ...
من خطر الانزلاق للمركبة ...
وخطر المياه والطين ونحوها على العائلة والصغار خاصة ...
بعكس النفد والرمال فلايزيدها الماء والمطر إلا جمالاً وأنساً .. وراحة ...

أرجو أني أفدتك ...
والسلام عليكم ورحمة الله وبركاته ...
hamad_alsaad
23/11/2005, 09:54 AM
امسك خط صلبوخ تجيك رادارات على اليمين. مخرج سدوس العيينه والجبيله يجيك على اليمين خذه امش قدام للعينه. بعد العيينه بعشره كيلو تجيك محلات طب وتنق
الكونترولCONTROL
23/11/2005, 10:16 AM
امسك جط المجمعة و الصمان القديم و كلها 50 كم الارض ممتازة
جهام القصيم
23/11/2005, 10:18 AM
كلام اخوك رسلان في متمة الرمال هي مكان العوئل والاطفال هذة الايام بدون طين بدون حصا يفلق العيال ,قبل الربيع والخيرات باذن الله, اطلع مع طريق القصيم القديم او تعد نقطة التفتيش وانزل على اليسار او شب نارك او كيف انت او عالتك
وفق الله الجميع
otaisa0v
23/11/2005, 10:20 AM
بسم الله الرحمن الرحيم،

وبعد:

شكراً لك أخي رسلان وحمد السعد على تكرمكما بمساعدتي وجعل ذلك في موازين أعمالكما ورحم الله والديكم وأطال في أعمارهم.
جرير
23/11/2005, 10:35 AM
السلام عليكم ورحمة الله وبركاته
الاخوان ما قصرو بس شكل الرجال يبي قريب وبعدين يقول اول مره يطلع ومع العائله وماندري وش سيارته لان النفود يبيلها مجرب .

لذلك انا عندي لك راي مع راي الربع
اطلع علي طريق المطار وبتل لين تجيك مزرعة خزام لف يسار مع المسفلت لين يجيك خط مسفلت يسار ايضا امش معاه يجيك شعيب يسار تشوف الشجر وانت مع الخط منطقه حليله وقريبه وكل اللي يجونها عوائل وكل مارحت ابعدت غرب ازين
وبالتوفيق
hamad_alsaad
23/11/2005, 10:42 AM
امسك خط صلبوخ تجيك رادارات على اليمين. مخرج سدوس العيينه والجبيله يجيك على اليمين خذه امش قدام للعينه. بعد العيينه بعشره كيلو تجيك محلات طب وتنق. منطقه مافيها رمل وتبعد من جامعه الملك سعود 50 كيلا حوالي ربع ساعه. منطقه كلها مزارع
otaisa0v
23/11/2005, 10:44 AM
بسم الله الرحمن الرحيم

السلام عليكم ورحمة الله وبركاته،

الأخ جرير ألله يحفظك من كل شر عين حاسد شكلك إنسان فاهم ولايهون القراء وأنت عبرت وفهمت اللي أنا أبغاه بالظبط ألله يحفظك ويستر عليك ويطول في عمرك ويجمعني بك وبجميع من رد على سؤالي في مستقر رحمته.

شكراً لك أخي جرير
nahham
23/11/2005, 10:47 AM
اخي الكريم

احذرك من الخروج من الطرق في اغلب الامكنه

لا تمش الا مع طريق سابق يعني مطروق

ترا الارض خطره جدا بعد الامطار ... وانتبه لاتدخل اي مكان طيني فيه سيول او امطار

اما المواقع فانسب لك اذا معك عائله روضة الخفس روح مع طريق الثمامه واستمر شمالا تلقى لوحه صغيره مكتوب عليها روضة الخفس .. لاحظ اللوحة كتابة عاديه

اتمنى لك السلامه والمتعه