يا اهل الشرقية الكرام

[alqamr]

السلام عليكم
خواني اهل الشرقية كيف الاوضاع الصيد هذي الايام ؟؟؟!!! خصوصا الدمام والجبيل
وشكراً

[ABO ZAIN 29]

في جده مش ولابد
انشاء الله يفيدوك أهل الشرقيه

[ابو ماريا]

انشاء الله يفيدو اهل الشرقيه

[alqamr]

حياكم الله :)

[1بوخالد]

بسبب المنخفض الجوي والهواء العنيف الصيد مش ولا بد واشوف الهوى من امس خف شوي وإن شاء الله تتحسن الأوضاع مع استقرار الأجواء. والصيد بشكل عام في افضل حالاته ما هو مثل اول وهذا من كلام اصحاب الخبره.

تحياتي
أبوخالد

[خفجاوي عالمي]

http://www.mekshat.com/pix/upload05/images207/mk201941_egraam.jpgالسلام عليكم ورحمه الله
بالنسبه للصيد عندنا في الخفجي اليومين هذي
الصيد قليل ويكاد يكون معدوم وااذا ضرب معك شي
تعتبر شي غير طبيعي في هذي الايام
لكن اليوم رت للبحر وماصدت شي لكن يقولون الشباب
بان واد كان يصيد وراحت العصا من قوه السحبه
لأنه كان واضع العصا على الارض ودمتم

[المبردي]

الصيد في الشرقيه في انحدار ومو ثابت يعني ارزاق اقصد صيد الشاطي وليس القارب قبل
18سنه كنت اصيد الهامور من كورنيش الدمام 1كيلو واقل الحين مافي الا ابو شنب ولا
صدفه سبيطي مضيع طريقه وفي مواقع محدده بعد الله يرجع ايام زمان

[بحرالخبر]

الحمد لله على كل حال الصيد قليل جدا وذاك من ذاك الي يصيد هذي الأيام ولكن في المناطق الشمالية شمال الجبيل الصيد لابأس فيه
الله كريم وأسأل الله ان يرزق الجميع

[mitchell]

الصيد من 3 شهور بالدمام تعبان شوي بسبب تقلب الجو وانشاء الله نتأمل الايام الجايه ايام خير وبركه لانه بيبدا موسم التبييض للسمك

[سفير الشرقية]

يجب أن نلاحظ عامل الجو في فصل الشتاء يقل الصيد على الشاطئ بسبب برودة الماء بينما في فصل الصيف

الصيد وفير بقدرة الله ...

نتفاءل خيرا بقادم الأيام ...

[accentkool]

انا حتى الام ماجربت الاماكن هذي في هالايام بس عموما الصيد مش ولابد هالايام

[alqamr]

شكرا لكم جميعا على التجاوب السريع في الحقيقة اسبوع القادم لدي اجازة وقررت ذهب الى الدمام ان شاء الله ومتحمس للصيد خصوصا بعد القطعه الطويله وايضا تحسن الاجواء فا ن شاء الله نتفائل بلخير والله يرزق الجميع بخير حساب :)

خوينا الا يقول ابو شنب اذا كانت متواجد فعلاً فانا بهون :)

[صياد متهور]

وعليكم السلام ورحمة الله وبركاته
الصيد بالدمام تحسن عن اول بكثير طلع السبيطي والسعرير و الخثاق موجود من فترة
يعني الحمد لله مو زي زمان بس كل واحد بيجيه رزقة
بالتوفيق اخوي القمر

[alqamr]

وعليكم السلام ورحمة الله وبركاته

الصيد بالدمام تحسن عن اول بكثير طلع السبيطي والسعرير و الخثاق موجود من فترة
يعني الحمد لله مو زي زمان بس كل واحد بيجيه رزقة

بالتوفيق اخوي القمر



شكرا يالغالي على الاطرئ والتشجيع اذا ممكن تذكر لي مكان مميز في الدمام ممكن احصل سبيطي :) ودي اكفخ لي واحد :D

[مهوس صيد]

انا الحين قلبت على صيد الخثاق الفتره هاذي لن البحر فاضي مع تقلبت الجو بس ان شاء الله خلل الكم يوم راح يزبط واذا تبي نصيحتي اشتري لفحه حقت الخثاق واستمتع في التسحيب

[بحرالخبر]

وعليكم السلام ورحمة الله وبركاته

الصيد بالدمام تحسن عن اول بكثير طلع السبيطي والسعرير و الخثاق موجود من فترة
يعني الحمد لله مو زي زمان بس كل واحد بيجيه رزقة

بالتوفيق اخوي القمر

وشو السعرير ارجو التوضيح بالصور لاني اول مره اسمع بهذي السمكة
تسلم اخوي صياد متهور

[alqamr]

انا الحين قلبت على صيد الخثاق الفتره هاذي لن البحر فاضي مع تقلبت الجو بس ان شاء الله خلل الكم يوم راح يزبط واذا تبي نصيحتي اشتري لفحه حقت الخثاق واستمتع في التسحيب
ممكن يالغالي تعطيني فكرة عن اماكن صيده وافضل الاوقات وايضا حجم لفحه ؟؟؟
ماعمري جربت ولكن نجرب :) ان شاء الله

[سعوَد آلبقميّ]

الخثاق يونوكل ولا لا..؟تراني ما اعرف للصيد

[alqamr]

الخثاق يونوكل ولا لا..؟تراني ما اعرف للصيد
نعم يؤكل يالغالي :)

[سعوَد آلبقميّ]

يالغالي الخثاق هو الاخطبوط :) والله اني صادق

[alqamr]

يالغالي الخثاق هو الاخطبوط :) والله اني صادق
الخثاق ليس الاخطبوط وانما الحبار
http://i81.servimg.com/u/f81/14/11/88/52/26884_11.jpg

[النوفل911]

ياخوي الصيد والله في المناطق الدافية المحظورة والصيد الطيب في اول الرش
والخثاق بكثرة في(جزيرة راس ابو علي)عند الصخور


وبالتوفيق للجميع....:)

[صياد متهور]

شكرا يالغالي على الاطرئ والتشجيع اذا ممكن تذكر لي مكان مميز في الدمام ممكن احصل سبيطي :) ودي اكفخ لي واحد :D



الغفو يالغالي ولو
شوف اخوي السبيطي موجود بس يبي له رمية سماري بدون بلد
والمكان من بعد سلاح الحدود الدورة (تكرمون) اللي هناك لين ورا مطعم كرنيش
ضرب معنا في هذي الاماكنن يعني وشفنا كذا واحد ورا مطعم كرنيش وعند المصلى اللي بعد الفن تايم وقبل مطعم كرنيش (قبل وبعد مطعم كرنيش يني قريب جدار كرنيش )
ارجو اني افدتك
تقبل مروري وانا في الخدمة

[mitchell]

وانا اشهد بس انتبه ينفخ عليك الحبر مثل ما نفخ على حبيبنا صياد متهور اليوم :)

[alqamr]

الغفو يالغالي ولو

شوف اخوي السبيطي موجود بس يبي له رمية سماري بدون بلد
والمكان من بعد سلاح الحدود الدورة (تكرمون) اللي هناك لين ورا مطعم كرنيش
ضرب معنا في هذي الاماكنن يعني وشفنا كذا واحد ورا مطعم كرنيش وعند المصلى اللي بعد الفن تايم وقبل مطعم كرنيش (قبل وبعد مطعم كرنيش يني قريب جدار كرنيش )
ارجو اني افدتك

تقبل مروري وانا في الخدمة


شكرا لك ان شاء الله يكتب لنا نصيب

[صياد متهور]

وشو السعرير ارجو التوضيح بالصور لاني اول مره اسمع بهذي السمكة
تسلم اخوي صياد متهور

:D:Dهههه اقصد الشعري مو السعرير ههههههههههه:D:D:D
تحتاج صورة ولا خلاص انعرف

[صياد متهور]

ممكن يالغالي تعطيني فكرة عن اماكن صيده وافضل الاوقات وايضا حجم لفحه ؟؟؟
ماعمري جربت ولكن نجرب :) ان شاء الله



الخثاق موجود بالواجهة البحرية روحلو في الثبر (الجزر)
واللفحة مادري عنها اول مرة اجربها وزبط معاي انا اخد الوحدة بستة ريال من مالعرض الياباني اللي في دارين مول ارجو اني افدتك

[صياد متهور]

وانا اشهد بس انتبه ينفخ عليك الحبر مثل ما نفخ على حبيبنا صياد متهور اليوم :)


يعني لاازم الفضايح ههههههه
الله يخليك فضحتا الله يستر عليك دنيا واخرة
;)

[alqamr]

الخثاق موجود بالواجهة البحرية روحلو في الثبر (الجزر)

واللفحة مادري عنها اول مرة اجربها وزبط معاي انا اخد الوحدة بستة ريال من مالعرض الياباني اللي في دارين مول ارجو اني افدتك



اخوي يعني مافي وقت معين فقط في حالة الجزر مايفرق لا الليل او نهار ؟؟؟!

[صياد متهور]

اخوي يعني مافي وقت معين فقط في حالة الجزر مايفرق لا الليل او نهار ؟؟؟!


احنا طلعناه بالليل وواحد من الصيادين تو دق علي
يقول الفلبن مطلعين قبل شوي في الثبر حول سطل او نص سطل

[alqamr]

احنا طلعناه بالليل وواحد من الصيادين تو دق علي

يقول الفلبن مطلعين قبل شوي في الثبر حول سطل او نص سطل

ماشاء الله
خلاص ان شاء الله نتلقي اسبوع القادم ;)

[صياد متهور]

ماشاء الله
خلاص ان شاء الله نتلقي اسبوع القادم ;)

بإذن الله ;)

[حداق الخبر]

بخصوص الصيد هاليومين

رحت الى راس تنوره وماتسوى علي الروحه

هواءءء شدديد جدا ومعاكس وكله عشب

يعني لو تجيب بالونه وترفعها بوجه الهوى تنفخ :eek:من نفسها من شدة الهوى :D <--- قويه صح ؟ :D

المهم وارجع مشوار الى شاطي تالا وارمي على مصران دجاج وضرب علي مزيزي ابو كيلو ونص كان بالع الميدار بلع شكله جوعان ومضيع

وفسكرتين ابو نص كيلو

بالتوفيق ان شاء الله

[صياد متهور]

بخصوص الصيد هاليومين

رحت الى راس تنوره وماتسوى علي الروحه

هواءءء شدديد جدا ومعاكس وكله عشب

يعني لو تجيب بالونه وترفعها بوجه الهوى تنفخ :eek:من نفسها من شدة الهوى :D <--- قويه صح ؟ :D

المهم وارجع مشوار الى شاطي تالا وارمي على مصران دجاج وضرب علي مزيزي ابو كيلو ونص كان بالع الميدار بلع شكله جوعان ومضيع

وفسكرتين ابو نص كيلو

بالتوفيق ان شاء الله





ماشاء الله
حلو حلو حتى فسكر في الدمام طلع اقولكم الصيد بدا يتعدل
عليك بالف عافية

[حداق الخبر]

ماشاء الله

حلو حلو حتى فسكر في الدمام طلع اقولكم الصيد بدا يتعدل

عليك بالف عافية



الله يعافيك

وين مكان الفسكر بالدمام لاهنت ؟

[B 7 R]

عسا بس افادوك لاني والله للاسف مني من اهل الشرقيه انا من جدة والخير موجود لله الحمد

[alqamr]

عسا بس افادوك لاني والله للاسف مني من اهل الشرقيه انا من جدة والخير موجود لله الحمد
الحمدالله اخواني ماقصرو الله يجزاك كل خير :)

[صياد متهور]

الله يعافيك

وين مكان الفسكر بالدمام لاهنت ؟

ياهلاا فيك اخوي صياد الخبر الفسكر في الدمام موجود قبل الفن تايم عن الاربع صبيات
وورا الفن تايم بتلقى ركن عندو وعلى الراس الكبير على اليسار واليمين من داخل الراس وبعد الراس في ركن تلقى الفسكر فيه
اتمنى اني افدتك لو بالقليل

[حداق الخبر]

الله لا يهينك صياد متهور

اعرف المكان سبق وجيته وضرب علي وقص الخيط


مشكور وماقصرت

[صياد متهور]

الله لا يهينك صياد متهور

اعرف المكان سبق وجيته وضرب علي وقص الخيط


مشكور وماقصرت


ولاا انت
مادامك تعرفو حلو انا من هناك اطلع فسكر وشعووم على الشريب في إحدى الاماكن المذكورة الععفو ماسوينا الا الواجب

[alqamr]

اخوي صياد متهور واخوي حداق الخبر
مارايكم بتحدد يوم اسبوع القادم ونتلقى بلوجوه الطيبة ؟؟؟!!

[صياد متهور]

اخوي صياد متهور واخوي حداق الخبر
مارايكم بتحدد يوم اسبوع القادم ونتلقى بلوجوه الطيبة ؟؟؟!!


فكرة جميلة

[1بوخالد]

بخصوص الصيد هاليومين



رحت الى راس تنوره وماتسوى علي الروحه


هواءءء شدديد جدا ومعاكس وكله عشب


يعني لو تجيب بالونه وترفعها بوجه الهوى تنفخ :eek:من نفسها من شدة الهوى :D <--- قويه صح ؟ :D


المهم وارجع مشوار الى شاطي تالا وارمي على مصران دجاج وضرب علي مزيزي ابو كيلو ونص كان بالع الميدار بلع شكله جوعان ومضيع


وفسكرتين ابو نص كيلو



بالتوفيق ان شاء الله


الله يهديك اخوي حداق الخبر الأجواء الأسبوع اللي فات كانت سيئه جدا في جميع مناطق الشرقيه ان لم يكن المملكه والوضع ما يسوى انك تروح مكان بعيد وانت مسبقا عارف الأجواء!
عموما الحمد لله ان الله عوضك في تالا خير واعتقد الأجواء هالأسبوع طيبه بإذن الله للحداق.

أتمنى ان كان فيه تخطيط لأجتماع شباب من الخبر او الدمام ان يعلن عنه في موضوع مستقل علشان اللي يناسبه الوضع يحظر للمكان والزمان وربما تكون فرصه طيبه نجتمع معاكم ونتعرف على بعض وأخوي ابواشجان ما قصر طرح موضوع بهالخصوص.

تحياتي
أبوخالد

[أبو أشجان]

الله يهديك اخوي حداق الخبر الأجواء الأسبوع اللي فات كانت سيئه جدا في جميع مناطق الشرقيه ان لم يكن المملكه والوضع ما يسوى انك تروح مكان بعيد وانت مسبقا عارف الأجواء!
عموما الحمد لله ان الله عوضك في تالا خير واعتقد الأجواء هالأسبوع طيبه بإذن الله للحداق.

أتمنى ان كان فيه تخطيط لأجتماع شباب من الخبر او الدمام ان يعلن عنه في موضوع مستقل علشان اللي يناسبه الوضع يحظر للمكان والزمان وربما تكون فرصه طيبه نجتمع معاكم ونتعرف على بعض وأخوي ابواشجان ما قصر طرح موضوع بهالخصوص.

تحياتي
أبوخالد

تحياتي لصاحب الموضوع
أخوي ابوخالد مشكور جداً وإنشاء الله نتجمع لكن نبي همتكم ياشباب

[Tareq.Salah]

والله اخوي احنا طلعنا قبل يومين يعني يوم الأحد ليله الأثنين 15/04/1432هـ من الدمام طبعا الطلعه كانت بالقارب من فرضه الدمام
اكلنا برد وضرب علينا هوا وخفر السواحل ما اعطانا تصريح الا 12 ساعه .
بالنسبه للصيد بالعاده لما نروح المنطقه انا والشباب الي متعودين نروح عليها نطلع بذيك الأحجام والكميات
يعني ثلاجتين ثلاثه واحجام ما يحتاج .

اما بالنسبه لطلعتنا الأخيره صراحه مره تعبانه يعني السمك قليل وحجمه مش كبير وما طلعنا اكثر من 5 كلغ بس
وبالنهايه سبحان الله ارزاق .
بس انا اقول انه الجو بعد يبيله شوي ويمكن بعد لأنه كان الموج عالي الله واعلم

تقبل مروري اخوي

[حداق الخبر]

الله يهديك اخوي حداق الخبر الأجواء الأسبوع اللي فات كانت سيئه جدا في جميع مناطق الشرقيه ان لم يكن المملكه والوضع ما يسوى انك تروح مكان بعيد وانت مسبقا عارف الأجواء!
عموما الحمد لله ان الله عوضك في تالا خير واعتقد الأجواء هالأسبوع طيبه بإذن الله للحداق.

أتمنى ان كان فيه تخطيط لأجتماع شباب من الخبر او الدمام ان يعلن عنه في موضوع مستقل علشان اللي يناسبه الوضع يحظر للمكان والزمان وربما تكون فرصه طيبه نجتمع معاكم ونتعرف على بعض وأخوي ابواشجان ما قصر طرح موضوع بهالخصوص.

تحياتي
أبوخالد


ايوالله يابو خالد وش اسوي خرمة البحر وانا اخوك

وبايلله زانت الظروف ولقيت لي فرصه من ذا الدوام الامحق

[بحار البحر]

الصيد بالدمام تعبان شوي بسبب تقلب الجو وانشاء الله نتأمل الايام الجايه ايام خير وبركه انا نزلت في 15-4-1432 كان الصيد تعبان شوي موب مثل قبل 3 شهور فرق 70 فلمية

[صياد متهور]

الصيد بالدمام تعبان شوي بسبب تقلب الجو وانشاء الله نتأمل الايام الجايه ايام خير وبركه انا نزلت في 15-4-1432 كان الصيد تعبان شوي موب مثل قبل 3 شهور فرق 70 فلمية


اقولك الصيد بدا يتحسن امس طالعة معي ومع الاستاذ متشل شعريتين فيهم كييلو الا تقريبا وال
سبيطي ترا موجود وقريب موسم قدود شدو حيلكم وبالتوفيق

[alqamr]

ماشاء الله :) موسم مبشر بلخير

[عمر العصيمي]

والله يا الربع طلعت السبت الي طاف مافي شيء
وطلعت الثلاثاء والجو تعبان هوى شديد
اتكلم عن شاطئ تحلية الجبيل

[1بوخالد]

ايوالله يابو خالد وش اسوي خرمة البحر وانا اخوك

وبايلله زانت الظروف ولقيت لي فرصه من ذا الدوام الامحق

حلوه خرمة البحر
:D:D:D
والله انك صادق ومن زود قرادة الحظ الجو طول الأسبوع ولا احلى منه بس جى الخميس اليوم من الفجر هوى عاصف يشيل الأخضر واليابس سبحان الله وكأنه قاعد لنا عشان ما نطلع :(.
الخيره فيما اختاره الله والحمد لله على كل حال

تحياتي
أبوخالد

[الاسد 111]

ما حددت صيد قارب ولا سيف

[greeb697]

والله يا الربع طلعت السبت الي طاف مافي شيء
وطلعت الثلاثاء والجو تعبان هوى شديد
اتكلم عن شاطئ تحلية الجبيل

ياعصيمي وش عرفك بالبحر عليك بالضبان هههههههههههههههههه

[أبو ناصرالدين]

السلام عليكم
بصراحة قاعد اتابع هالموضوع على أمل اسمع أو أشوف شي مبشر أنه النحس الموجود من أشهر خلص لكن الظاهر لسه الخير ما وصل ،
طلعت اليوم للدمام و اخذت تشكيلة طعوم و جربنا كل شي و على الفاضي كله نقر خفيف و اللي طلع حبة ابو نقطة و حبة ينم و حبة قرقفان كلهن من الحجم المجهري و رجعتهن للبحر
ما ألنا إلا الصبر و التفاؤل بالأسابيع الجاية و اللي عنده علوم طيبة ما يبخل علينا فيها

أبو ناصر

[عمر العصيمي]

ياعصيمي وش عرفك بالبحر عليك بالضبان هههههههههههههههههه

ابد نتعلم صيد السمك

انا اصيد بر وبحر ما عندي مشاكل خخخـ

ايد صيد الضبان يبداء من شهر 5 ما بقاله شيء

[alqamr]

السلام عليكم
الخبر اليوم الصبح هواء شديد والشواطئ شبه ميته نقر خفيف جدا لا يذكر

[صياد متهور]

امس انا كنت بقلب الحدث هههع
طلعنا شعريتين كمان كيلو الا وقبل لا نرووح ضرب سبيطي وفك وجلسنا شوي وفي ارصاد تعطينا اخبار الغبار يوم وصل القطيف انا في السيارة وصلت المزرووعية وفففوووففف طب علينا هههه
وبعدين رحت اجيب واحد من الصناعية الاولى وعايشنا الحد بقلب وضمير وغبار هع هع
بس الصيد بدا يتحسن وبالتوفيق للجميع

[حداق الخبر]

امس انا كنت بقلب الحدث هههع

طلعنا شعريتين كمان كيلو الا وقبل لا نرووح ضرب سبيطي وفك وجلسنا شوي وفي ارصاد تعطينا اخبار الغبار يوم وصل القطيف انا

في السيارة وصلت المزرووعية وفففوووففف طب علينا هههه

وبعدين رحت اجيب واحد من الصناعية الاولى وعايشنا الحد بقلب وضمير وغبار هع هع

بس الصيد بدا يتحسن وبالتوفيق للجميع



ماشاء الله تبارك الله


كويس والله

وين كنت تحدق فيه ؟

وبعدين من جدك انت تطلع في الغبار قسم اني اشوفه وانا مداوم في الدور السادس اول ماوصل

الحمدلله الحين راح

بالتوفيق للجميعٍ

[صياد الخبر]

السلام عليكم

الحمد لله على كل حال

قال ابو هريرة : سمعت رسول الله صلى الله عليه وسلم يقول : (( الريح من روح الله تعالى ، تأتي بالرحمة ، وتأتي بالعذاب ،
فإذا رأيتموها فلا تسبوها ، واسألوا الله من خيرها ، واستعيذوا بالله من شرها )) ابو داود


1- (( اللهم إني اسألك خيرها ، وأعوذ بك من شرها )) ابوداود وابن ماجه

2- (( اللهم إني اسألك خيرها، وخير ما فيها ، وخير ما أرسلت به وأعوذ بك من شرها وشر ما فيها وشر ما أرسلت به ))

--
حداق الخبر شكلك ف ابراج الراشد كول سنتر :) مدري مجرد حدس

ودمتم

[صياد متهور]

ماشاء الله تبارك الله


كويس والله

وين كنت تحدق فيه ؟

وبعدين من جدك انت تطلع في الغبار قسم اني اشوفه وانا مداوم في الدور السادس اول ماوصل

الحمدلله الحين راح

بالتوفيق للجميعٍ



ياهلاا فيك اخوي
انا كنت احدق في الراس اللي بعد الفن تايم الطعم خثاق من صيدنا
ومنشوس كمان
وبالنسبة لخويي رحت له لان عنده الربو ومايقدر يقعد
والحمد لله عدت على خير

[1بوخالد]

هذا الموضوع شكله صار للتحديث عن اخبار صيد المنطقه الشرقيه.
انا يوم الجمعه قبل امس طلعت بعد شاليهات معن الصانع من قبل المغرب إلى الساعه تسع وربع (قبل موجة الغبار) بعدين غيرنا المكان إلى البحر اللي جنب شاليهات القصيبي والوضع ميت جدا وعلى قولت اخونا كلها احجام مجهريه ترجع للبحر والله كريم.

تحياتي
أبوخالد

[alqamr]

امس الخبر هواء شديد في النهار وبرد قارس بليل سبحان الله البحر ميت وملينا طحالب بشكل مفلت !!!!!
ان شاء الله اليوم نتجه للدمام

[بو لولو]

البحر ميت وكانك ترمي سنارتك في مسبح وليس بحر ..!!

[alqamr]

البحر ميت وكانك ترمي سنارتك في مسبح وليس بحر ..!!


:) عجبتني مسبح تشبه جامد

[صياد متهور]

يا اخوان يوم الغبار كان فيه صيد انا وولد خالي مطلعين شعريتين وطلع سبيطي وفلت عندي واحد في خير البحر مو ميت ميت خلص احين يتعدل

[alqamr]

امس رحت الدمام جو كان برد بليل صيد كان افضل من الخبر بكثير ولكن الاحجام مجهريه !!!

[بو لولو]

انا اليوم ان شاء الله بطلع للجبيل مع الشباب والله يوفق ان شاء الله بس لسه ما حددنا الوجهه بالضبط...

[صياد متهور]

امس رحت الدمام جو كان برد بليل صيد كان افضل من الخبر بكثير ولكن الاحجام مجهريه !!!


كيف احجام مجهرية اليومين دي كمان موجود اليم يام (الجم جام) بااحجام كبر الكف واكبر والقرفان والفسكر موجود بس لسى يبي له شوي ويزيد الخير بادن الله
بالتوفيق للجميع

[أبو ناصرالدين]

كيف احجام مجهرية اليومين دي كمان موجود اليم يام (الجم جام) بااحجام كبر الكف واكبر والقرفان والفسكر موجود بس لسى يبي له شوي ويزيد الخير بادن الله


بالتوفيق للجميع


ما شاء الله عليك اخوي صياد متهور عيني عليك باردة و لكن يا ليت تصور الصيد خلنا نتحمس و ننزل خصوصا اني بصيد بنفس المنطقة اللي بتصيد فيها و لكن قبل الراس و نتشرف بمعرفتك.
تحياتي

[alqamr]

ان شاء الله نروح اليوم ونرجب حظنا :) شكرا لكم

[حداق الخبر]

السلام عليكم



الحمد لله على كل حال


قال ابو هريرة : سمعت رسول الله صلى الله عليه وسلم يقول : (( الريح من روح الله تعالى ، تأتي بالرحمة ، وتأتي بالعذاب ،
فإذا رأيتموها فلا تسبوها ، واسألوا الله من خيرها ، واستعيذوا بالله من شرها )) ابو داود


1- (( اللهم إني اسألك خيرها ، وأعوذ بك من شرها )) ابوداود وابن ماجه


2- (( اللهم إني اسألك خيرها، وخير ما فيها ، وخير ما أرسلت به وأعوذ بك من شرها وشر ما فيها وشر ما أرسلت به ))


--
حداق الخبر شكلك ف ابراج الراشد كول سنتر :) مدري مجرد حدس



ودمتم




ههههههه
لب قلبك يا صياد الخبر

حدسك ماراح بعيد

صادق الا ربع

صحيح كول سنتر بسً في شركة آخرىً منافسه للي في ابراج الراشد ;)


الصيد مامن صيد رحت شاطئ تالا والمويه ناااااززززله ومافيه حتى سمك صغير


بجرب في الدمام هاليومين الجايينً

[alqamr]

ابراج الراشد كووول سنتر !!!! أشم رائحه موبايلي