لمبات لعَقم المخيم

[دحيم_1]

السلام عليكم ورحمة الله وبركاته

اللي يدور في شوارع الرياض هاليومين يلاحظ لمبات صغار مغطيه الشجر .... صراحة تخيلته على تعقيمة المخيم ...
شكله والله العالم بتطلع مهبوله .......

السؤال : وين تنباع ذا اللمبات واذا احد يعرف السعر ..

علما للي ما فهم اللمبات تجي زي شبكة الصيد بس في لمبات صغار

وشكرا مقدما

[ذرب المعاني]

هلا بك دحيم
بصراحة خيالك واسع .. و100 على 100 ماشالله تبارك الله ..

انا لاحظتها شبكات اللمبات ..
اتوقع والله العالم ... انها في الملز تنباع .. في محلات النجف والثريات عندهم كل اشكال وانواع اللمبات .
او تمر محل قبل مخرج 10 وانت جاي من مخرج 11 محل كبير وواضح قبل لاتجيه حوش وحاطين فيه نماذج الاضائه للدعايه والاعلام بالضوء عندهم كل الاشكال ..

اتمنى اني افدتك .. اخوي


تحياتي لك .

[دحيم_1]

والله انك ذرب صدز (صدق)

والله انك جبته يالذيب

شكله تنباع في شارع الظهران بالملز .... بزل عليهم ان الله اراد اليوم واشوف .... وبصور لك شكل العقم وانزله لك بالموضوع تشوفه

[غالي]

اخوي فيه العام مخيم وراء العاذريه مسويها على شبك دار مادار على المخيم
طالع شكله حلو لكن جدا جدا الانوار هاديه يعني لازم معه كشافات والا بتعور العيون وتجيب شيء من الهم صراحه
وشكرا على فكرتك اخوي

[راعي العوجاء]

فكرة حلوه بس كم تصرف كهرب ؟

[دحيم_1]

الفكرة منها ليس الاضاءة

الفكرة تمييز المخيم بين باقي المخيمات لان اضاءتها ضعيفة بس تعطي شكل حلو

الظاهر حسب ما سمعت انها تجي رول عشرة متر ب 80 ريال لكن بروح وشوف السعر واستهلاك الكهرب