نور البلد ( قصيدة )

[راعي وفى]

نور البلد يثر على العين بالشـــــوف
ما عاد نرقب للنجوم المـــهلــــه


شفي على روس النوازي ومـشـغوف
أرقى لها وارقب وعيني مـــطله


تشوقك الجوزا من الشرق معـــروف
مسيرها للغرب دربه تــــدلـــــه


ومن الشمال الجدي واضح ومكشوف
دليل للساري على وجـــهتــــــله


ومن الجنوب سهيل لا قيل مشـــيوف
تباشر العربان في شــوفـــتلــــه


ويصير جو الليل كايف ومـــالــــوف
وراعي السهر يسهر على شبتله


أنا اشهد ان قلبي على البر مــعطوف
ما يبري العله سوى ســجـــتلـــه



شعر/ راعي وفـــى

[مكرم الضيف]

أنا اشهد ان قلبي على البر مــعطوف
ما يبري العله سوى ســجـــتلـــه

صح لسانك اخوي على القصيدة

[إخت أخوهآ]

راقت لي كلماتك من أول عنقود لآخره




دمت في حمى الرحمن




تقبل وافر أحتراماتي

[نديم المجره]

صح لسانك
وافقت قصيدتك احاسيسي وحبي لمشاهدة النجوم في الغداري بعيدا عن اضواء المدن
وهذه من اجمل المناظر الطبيعيه المحروم من مشاهدتها اغلب الناس
ولانك تحب هذه المناظر
اهدي اليك قصيدتي في نفس الموضوع:



وقف قبل لاينجلي اسود اللـيـل = ودي امتـع ناظـري بالمـجـره
وانص الرفاع وخلنا ندور اسهيل = دام الجدي واضح ولا عنه غَـره
وكان الثريا حدرت غرب بالحيـل = نجـم الصبح يم المشارق تحـره
يازينها نجوم الغـداري قناديـل = كن الكواكـب في دجـى الليل دره
شَوْف النجوم يعلل القلب تعليـل = يبعد عن القلب الحزين المضــره
وقف ترى ياصاحبي مابنا حيـل = في وقـفـتك ياصاحبي لي مبـره
دام الليالـي مقفيـات ومقابيـل = الجـمـر كلٍ يـم قرصـه يجـره
لا تبحث الخافي وخل التفاصيـل = ترى بعـضـها يلهد الكبـد حَـره
اقولها وانا اتقطع مـن الويــل = واحـس كـن بداخل الحلـق مـره
جرتني الدنيا مثل جارف السيـل = لغـصون سـدرٍ جرها فـي ممـره
ماهمني كثر الغـثـا والغرابيـل = دام السـتر والعافـيـه مستمــره
وان شفت رجالٍ يسب الرجاجيـل = تلقى ضميره تـقـل صـوان حَـره
اترك كلام الناس والقال والقيـل = واغـنم صـلاة الفجر فيها المسـره
واشيب عيني كان بَيٌنْ بنا الميـل = نصير لـعـيون الشماميـت قــره
(نديم المجره)

[راعي وفى]

صح لسانك يانديم المجره
وجزل لاعدمناك

[يوسف الخليفة1]

حياك الله أخي العزيز راعي وفى

[دخيل عيينك]

قصيدة جميله
و ننتظر المزيد منك
تقبل مروري

[حرولدحر]

ويصير جو الليل كايف ومـــالــــوف
وراعي السهر يسهر على شبتله

صح لسانك .................. وخاصة لصرت وراء المديد

[أمييره]

ششكرا

ماننحرم من جديدك

[عويل الذيب]

صح لسانك وناخووك عز الله جبتها

[اميرة الظلام]

مشالله
صح السانك

[قناص خلاوي]

صح لسانك اخوي راعي وفي ولسان اخوي نديم المجرة
الله يعطيكم العافية جميع

[الشاص وووووبس]

مشكووور على الطرح