المساعد الشخصي الرقمي

مشاهدة النسخة كاملة : عندي مشكلتين مضايقتني ممكن مساعدة من كبار المهندسين


هطول جدة
21/03/2011, 01:38 AM
بسم الله الرحمن الرحيم

اخواني الكرام لدي مشكلتين في سيارتي الجمس 99
الاولى وهي ريحة البنزين اشمها وانا في السيارة وقبل ذلك عشان ادق سلف لازم مرتين وتشتغل على طول وبعض الاحيان من اول مرة هل هذا الامر رائحة البنزين ودقة السلف انذار بخراب طرمبة البنزين على الرغم اني مغيرها منذ 3 سنوات
المشكلة الثانية هي استفسار هل اذا كان هناك تهريب في صوفة الجربوكس وتم تركها هل من الممكن ان تتطور مكان التهريب ويتوسع الشق في الصوفة مستقبلا
ارجو افادتي ولكم مني خالص الدعاء بالتوفيق والنجاح
ابوسمرى
21/03/2011, 11:06 AM
على حسب معرفتي المتواضعه ان ريحة البنزين ماتطلع الا من ليات البنزين يكون فيها تنديه وطلع ريحه كانت معي بجيب 97 وغيرتهن والحمد لله راحة الريحه..
هل طرمبة البنزين عند تطلع صوت (توز)؟
هطول جدة
21/03/2011, 02:59 PM
لا بس الصوت الي تقصدة ذكرتني فية ايام ماخربت على الطرمبة المرة الاولى بدا يطلع صوت وبعدة خربت على والف شكر على المرور اخي ابو سمرى وننتظر باقي الاعضاء في الفزعة
ALRAGY
22/03/2011, 03:24 AM
هل طرمبة البنزين عند تطلع صوت (توز)؟


هل فيه مشكلة اذا كانت السيارة تطلع ها الصوت (( اقصد الجمس بشكل عام ))
هطول جدة
23/03/2011, 12:18 AM
ياهو وين المهندسين يشوفولي حل للمشكلة
كديان
23/03/2011, 02:24 AM
معروف عن الطرمبة خصوصا الباترول الفتك و حتى الجموس و الشيروكي
اذا فتحت السويتش او كان الموتر شغال لازم تطلع الطرمبة صوت وز وز وز
لكن لو عبيت التانكي فل راح يختفي صوته لانه غرقانه بالبنزين فاطمئن و لا تخاف

اكيد اهمال الصوفة لوقت طويل يخلي الطرمبة تنفجر يعني تهرب بزيادة فلازم تغير الصوفة بوحده اصليه
اخبر احد الربع هربت صوفة القير الامامية لقير تماتيك طبعا جيب
تخيل بخط السفر اذا مسك بريك عند نقطة التفيش جا زيت القير يمشي مليون و طلع مع الصوفة
لدرجه ان الزيت يصب على ماصورة القزوز و يطلع دخان من خلف الموتر ههه دخان ازرق
المهم الصوفة لازم تغيره خصوصا اذا كانت تهرب من قديم
لانه بخط السفر عادي جدا او حتى بالديرة ينقص علبة او علبتين
مثال اخر احد الربع خرب عليه الدبل و غيره من التشليح و السبب اهمال تغيير صوفة الدبل
الدبل ياخذ علبتين تقريبا فخلص الزيت و طقت تروس الدبل و الجنزير
فخذ بالك
و اذا كان الدبل عندك فيه تعريق بسيط لاز م تشيك على الصرة كل 6شهور اقل او اكثر على حسب النقص
كديان
23/03/2011, 02:29 AM
اذا كانت المكينه بخاخ
افتح السويتش و طف 3 مرات
بدون تشغيل الموتر
في المرة الثالثة
شغل الموتر
اذا اشتغل على طول فالمشكلة من الطرمبه
بلف الطرمبه تعبان ما يمسك البنزين
بمعنى ان البنزين اللي بماصورة البخاخات
يرجع للتانكي
و السبب تنسيم رمان الطرمبه

ادخل هنا

صالون مرة يشتغل ومرة لا !!! - منتديات مكشات (http://www.mekshat.com/vb/showthread.php?t=273638)




فك طرمبة البنزين.للجمس.(بالصور) (http://www.mekshat.com/vb/showthread.php?t=150274)
جميع أعطال طرمبة الجمس.(بالصور) (http://www.mekshat.com/vb/showthread.php?t=149483)
معانتي مع الجمس2001.الدبل.طرمبة البنزين.واقع لا خيال (http://www.mekshat.com/vb/showthread.php?t=146219)


لا تنسى مر على جميع الاعطال + فك الطرمبة + معاناتي مع الجمس