استفسار عن قرناس الشاهين البحري

[حر جبله]

اخواني اعضاء وزوار منتدى مكشات
اسعد الله صباحكم بكل خير
عندي استفسار
عندي فرخ بحريه تامه وودي اقرنسها وودي تطلع بدري اذا كان احد عنده خبره عن مربط يقرنسها قرناس طيب في الرياض ارجوا افادتي ولكم جزيل الشكر
مع العلم ان احد الاخوان قالي قرنسها عند الصقر والصقار ماادري الي جرب قرناس الشاهين عنده يفيدني ومشكور لكم جميعا

[عدنان الوابل]

بالدائري الشرقي اول ما تدخله تلقى على اليمين محل اسمه الصقور النادره بس مهب يم المحلات جوا الحاره بس باينه من الشارع رح وفيه واحد اسمه بو ناصر يقول الشيهانه البحريه بـ3000والحر بـ2000

[عـــــزام]

فدوك الاخوان

[خيال الشلفا]

اللي يقيضون الشاهين قليل لاكن فيه مقيض ابوناصر ذكرة طيب ومقيضه طيب وراعي صنف بالطيور وخبرة بالمقيص وخابره تصفي عنده الشواهين البحرية بس يمكن ماتلقى مكان عنده الموقع الدائري الشرقي مخرج 16 شرق : جرب واتصل عليه على جواله يمكن باقي عنده مكان وأرجو اني أفدتك.
جوال 0559393297 ابوناصر....:good2:

[الشتاير..]

يعطيك العافيه ياخيال الشلفا.......

[سهيل الدلم]

فيه مقيض الرياض الخرج مقيض ال فهاد طيب جداجدا

[Turki1]

بارك الله فيك،الشيهانه البحريه صعب قرناسها ونادرا ماتصفي ومن يضمن لك انها تقرنس عندة وتصفي مع الحرار فهو يبالغ واحيانا يكون توفيق من الله ويحصل ذلك والا لما صارت اسعار الشياهين اول الموسم تصل الى أرقام عاليه.

[صاحب نوماس]

بارك الله فيك،الشيهانه البحريه صعب قرناسها ونادرا ماتصفي ومن يضمن لك انها تقرنس عندة وتصفي مع الحرار فهو يبالغ واحيانا يكون توفيق من الله ويحصل ذلك والا لما صارت اسعار الشياهين اول الموسم تصل الى أرقام عاليه.
:good2::good2::good2::good2::good2:

مافية راعي مربط يقول انها تصفي مع الحرار ورح اذا جيت تحطها عندة تقول لة تصفي مع الحرار قال بنسبة 70% تصفي والعام كانت عندنا شواهين وصفت

اخوي بعضها تصفي وبعضها ماتصفي

[راعى شاهين]

انا شفت شواهين مقرنسات عند الصقر والصقار والله مصفيات من ابدع مايكون والريش نظييييييييف حيييييييييييل قبل كم سنه شفتها بس صراحه ابهرنى بالقرنسه وانت بكيفك واعتقد قرناسه 3000 بس يستاهل