تسجيل الدخول

مشاهدة النسخة كاملة : مشكله في جيب سفاري 95 لأهل الخبره في الكهرباء


مولع قنص
23/03/2011, 12:40 PM
السلام عليكم ورحمة الله وبركاته


اخواني ابي افادتكم

انا عندي سفاري 95 بخاخ ودخلته للصناعيه قبل اسبوع وجهزته تجهيز كامل ما بقى الا انوار السياره ولما دخلته امس عند الكهربائي وغير الانوار وحاول يشغله ما رضى يشتغل

المهم قلت له حاول فيه وافحص الكهرباء قالي كل شيء تمام والجيب يدق سلف بس الكهرب مو واصل للديلكو قلت طيب افحص الديلكو قال ما اقدر لا زم توديه للوكاله واليوم دخلته للوكاله بس اخاف يطلعون لي اشياء كثيره وهم ما عرفو الخراب في رايكم هل ؟

الديلكو ممكن يكون هو العطل وهل ممكن اصلاحه او استبدله واذا الأستبدال ضروري هل اركب وكاله ولا تشيلح ولا ياباني ؟

ارجوكم لأهل الخبره فقط . ابي مشورتكم


ملاحظه :
قبل فتره كنت لما ادعس له بنزين وانا ما شي وارفع رجلي يطلع صوت مثل صوت الانفجار وكنت اتوقع انه من اسلاك البواجي لكن الكهربائي اليوم اكد لي ان اسلاك البواجي سليمه وان الصوت هذا كان من الديلكو .
شاص1988
23/03/2011, 12:55 PM
سلام عليكم
اخوي صارة لي المشكلة في باترول 97 بخاخ طفى علي فجأة وناامشي اشغل مايشتغل وديتة لكهربائي وشيك علية وقال نفس الكلام الكهرب مايوصل للديلكو قلت لة الحل قال بسوي تنظيف
للاسلاك الي تحت الدركسون لان المشكلة منها قلة زين ونظف الاسلاك وسكب الموتر حتى
ماخذ مني الا 60 ريال حتى دقت السلف صارت اهدى ارجو اني افدتك
مولع قنص
23/03/2011, 01:01 PM
بارك الله فيك اخوي والله انا بروح للوكاله العصر وبجرب طريقتك وان شاء الله تنحل
دفي الوقت
23/03/2011, 01:44 PM
اخوي انا كانت عندي نفس المشكله لقيت فيه سلك صغير يشبك بالديلكو وكان مقطوع ومره يوصل كهرب ومره مايوصل وكان في كلبس

تلقاه تحت الديلكو اتمنى انك تشيك عليه علشان مايلعبون عليك


وهذا رقمي كلمني علشان اشرح لك

0555493119

ابوزياد
مولع قنص
23/03/2011, 02:05 PM
حياك الله اخوي ابو زياد وبأذن الله راح اتصل عليك من لما امر الوكاله وما قصرت وبيض الله وجهك
نسيم المطر
23/03/2011, 03:06 PM
سلك الكويل اوسلك الديلكو او الكويل محترق اوةستانس الكويل شغلته بسيطه ليتك مادخلته الوكاله لكن الله يوفقك
لكن كسر روسهم بالسعر ترى ينزلون من الف الى 300 والله يوفقك
مولع قنص
24/03/2011, 01:39 AM
اخوي نسيم المطر اذا عندك حل للمشكله اطرحه انا ما نزلت الموضوع الا على شان استفيد من تجاربكم ويستفيد غيري اذا كان عندك حل لا تبخل علينا

وبالنسبه للأخوان

والله يا اخوان رحت للوكاله وقالو لي ما لقينا المشكله الى الان تعال بكره الصبح يمكن نكون وصلنا لحل للمشكله

وننتظر للصباح ونشوف ما ندري عنهم ؟
شاص نيسان 93
24/03/2011, 08:44 PM
طلعه من الوكاله وبيشتغل باذن الله

عندك البليتين لاذع

وعندك الديلكو لازم تسويله فحص والكويل

انت ابعد عن الوكاله بس ودربك خضر
almjrooh_07
25/03/2011, 08:59 PM
اذا الموتر يطلع منه صوت انفجار ترا هذا من سلك الديلكو واذا تبي تعرف خذ اي سلك كهرباء بس يكون عريض شوي ووصله من الكويل للديلكو وجرب اذا اشتغل وانا متاكد من انه بيشتغل غيره وتوكل على الله هذي المشكله حصلت على وحاط سلك حق سخان مويه والموتر سالك
HDRZ
26/03/2011, 05:54 AM
عندي لك ديلكو اكتروني كان لك راسلني على الخاص
مولع قنص
26/03/2011, 08:03 AM
ما قصرتو بيض الله وجيهكم

الحقيقه لما راجعت الوكاله اتضح ان سلك البخاخات اللي رايح لعلبة الفيوزات محروق ومسوي اللتماس مع سلك اخر وعلى حسب كلامهم انهم راح يطلعون الضفيره كامله على شان يشيكون عليها سلك سلك


ابي انتظر وهم واعدوني انه بيكون جاهز يوم الأحد
أحمد محمد1429
26/03/2011, 10:49 AM
عندي لك ديلكو اكتروني كان لك راسلني على الخاص
أخوي أسعد الله صباحك بكل خير إذا الديلكو الألكتروني لازال موجود لديك أنا بحاجه إليه .
أحمد محمد1429
29/03/2011, 11:24 AM
أخوي أسعد الله صباحك بكل خير إذا الديلكو الألكتروني لازال موجود لديك أنا بحاجه إليه .
إلى أخوي HDRZ أنا أرغب الديلكو ياريت تعطيني خبر بأسرع وقت . تحياتي