المواطير الكهربائية

[السلسبيل 722]

السلام عليكم ورحمة الله وبركاته

ياجماعة الخير بغيت ماطور على كهرب يعني اشحنة بالكهرب واطلع للبر استخدم عليه لمبات وثلاجة وغيرها
ارجوا احد يفيدني بالموضوع

وشكرا للجميع .

[الوهم]

الصراحة موضوع مهم

نتمنى الافادة

[هاااوي الصيد]

السلام عليكم ورحمه الله وبركاته
اول شىء اسمه مولد مو ماطور المطور هو اللي يشفط الماء
وانت تبي المولد صح
هذا ياطويل العمر جهاز تحصله عند الرمايه في شارع التخصصي وشكرا

[السلسبيل 722]

مشكور يا هاوي الصيد على التعديل

أنا زرت الرماية ببريدة ولم أحصل عنده شي
أرجوا أن تفيدني بالكثير وشكرا

تحياتي وأشواقي

[محب الشمال]

اخوي وليد للاسف عندنا وكلاء الرحلات والصيد مقصرين في حاجات البراري
في اوروبا الحين كل امور الكشاته سهله لهم
عندهم مثلاً الحين الرادو على الطاقة الشمسية
الفرن على الطاقه الشمسية
التلفزون على الطاقة الشميه
الشوايه وكل شي يخص البر على الطاقة الشمسية يعني ما يحتاجون توصيلات كهرب
ولا يحتاجون شحن ولا غيره

صراحه فرق عنا نحن وسؤالك صراحه مهم واتمنى من الشباب يفيدونا

[سداااااح]

بشااااااااارع الريل تحصل مطلوبك بس ا نتبه لنوعيه خذلك نوعيه جيده

[السلسبيل 722]

مشكووووووووووورين يا محب الشمال ويا سداح وكل المشاركين

كلامك جميل يا محب الشمال بس عندنا احتكار للأشياء علشان نستهلك أكثر ليش مايكون على قولك
راديو وتلفزيون ولمبات بأنواعه على الطاقة الشمسية وما شاء الله الشمس عندنا متوفرة بالصيف والشتاء
أو على أقل تقدير مولد كهرب على الطاقة الشمسية . وبالله التوفيق ...

تحياتي وأشواقي

[nahham]

يالغالي شارع الريل هو مصدر محلات الرحلات

رح لشارع الريل وتمش وتلاقي مطلوبك ان شاء الله

بالتوفيق

[السلسبيل 722]

شكراً أخوي nahham على هذه المعلومة .

تحياتي وأشواقي

[المشراق]

السلام عليكم ورحمة الله وبركاته

أخي العزيز تبي ماطور زي ماقال اخونا شارع الريل بس فيه مولد هوندا قوته 5000 وسعره حولها بعد وميزته أن صوته غير مزعج وخفيف وصغير الحجم وهو عند شركة هوندا ( دعاية بلاش ) وأنا شفته مع بعض الربع ولم أستعمله لأني لاأحتاج الكهرباء كثير وأعتمد على المحول الذي على البطارية ( لاتوهق أنا مركب بطارية ثانية ) وأسحب عليها وتحياتي للجميع 0المشراق