وش رايكم فالزنون لجيب صالون م 1992

[عمر الشريف]

السلام عليكم ورحمه الله وبركااته

أخواااني الكرااام عندي صاالون بركبله زنن وش راايكم والله أناا من محبين السفر فالليل لكن أهل الزنن أعمونا فالطريق


وش راايكم يأهل الخبرة تكفوووووووووووووون نصيحتكم أركب ولا ماركب


لكـــــــــم ودي وإحترااامي

[متعب السليمي]

!!!!!!!!!!!!!!!!!!!!

[ابوصالح77]

نصيحة أخوك لاتركب
لنه يتعبك في الخطوط القديمة وفي البر مو مثل النور العادي
كنت مركب زنون وفكيته قبل فترة
وأزيدك من الشعر بيت من أفضل الأنواع ومع ذالك أتعبني
إضافة إنه يحتاج إلى أن يسخن إذا بغيت تكبس بين الفينة والآخرى
وإذا معزم دور بالتشاليح حق فكسار
تقبل مروري

[كاشت وحداني]

انصحك لا تركب
لعدة اسباب :
1- السيارة ليست مصممة كهرابئيا لتحمل محولات الزنون وبالتالي الله يعينك على مشاكل الكهرباء
2- لما تحتاج تكبس ما يساعدك كبستين ثلاث ويطفى . فترة ثم يرجع يولع
3- في الطرق الغير مضاءه وخصوصا مع الامطار ما يفيد ولا يعطيكانارة واضحه .
4- توقع احتراق الشمعه في اي لحظه وهذي معاناة معظم من يركبون الزنون .

انا مثلك راعي سفر ما بين الرياض والجنوب باستمرار ولا امشي الا بالليل ولا مثل النور الاصفر وفيه شمعات لتويوتا 100/80 ممتازه وتعطي نور قوي بدون محولات ولا تقطيع اسلاك ولا شئ .

وموفق والله يحفظك بحلك وترحالك

[كديان]

انصحك بلمبات غاز اوسرام المانيات كرتون ازرق 80 على 100
او لمبات شركة نارف كرتون اصفر 230 على 300وات
الزنون تراه شين بالحبيل الشكل مايحتاج نظرة من بعيد
لكن النور الغاز يعمي اللي قدامك و يطفي النور غصب
بالاضافة الى انه يفرش لك الخط و يكون واضح
اذا كان النور ضعيف ركب كتاوت ياباني لونه ارزق
بالاضافة الى اسلاك 2 او 2.5ملي

[الهاجر 7002]

خذ آنوآر غآز قوي وتوكل ع آلله...

آلزنون يعدم عليك آلكهرب

[عمر الشريف]

جزاكم الله خير ع إفاتكم والله لا يحرمكم الأجر

لكم كل الشكر والتقدير