دعاس
26/03/2011, 12:18 AM
بسم الله الرحمن الرحيم
مساكم الله بالخير جميعا
والله يا اخوان اني كنت متردد بكتابة هذا الموضوع وذلك لامور شخصيه حدثت ايام المقناص’’بس ذكرني فيها الاخ(المزروعي-ابو محمد) يوم سئل عن الطير/عديم
وقبل ابدء قصة الطيور اتشرف بالدعاء لسيدي الامير سلطان بدوام الصحه والعافيه واسئل العزيز القدير بان يمده بالصحه والعافيه وان يلبسه ثوب الصحه والعافيه
والشيْ المحزن والله يا اخوان اني انا شخصيا وغيري من
الاخوان كان يتمنى اقتناء اي طير من طيور الامير سلطان’’ وكنا نتباشر عند تخريجه لطيوره وشوفوا الان نتخوف من اقتنائها ’’حتى الطيور افتقدت(سلطان):(والان شوفوا كيف تمر الايام والعام اخذت طير من الطيور المخرجه واسمه(سلطان)طير بكل معنى
يحمله اسم (سلطان)
والطير من اجمل الطيور لون ووسره وطير وافي بالحيل
بس الطير ماعنده اللياقه الكافيه للطرد
والله يا اخوان اني مشنذره وانه رامي ثلاث شبيكات بكياسهن والرابعه والله رماها بالمرش اعزكم الله
وهذا دليل ان الطير ما وهد له كم سنه ولا احد زوعه
وسوف اسرد عليكم القصه لتلك الطيور:ـ
كون المقناص السنه ذي كانت بوادره بوادر خير والكل متحمس لنقلة الطير ’’وكوني انا شخصيا اقوم بشراء وبيع الطيور وبكل صراحه عرضت علي السنه هذي طيور واجد مخرجه وبالاخص من طيور سيدي/الامير سلطان بن عبدالعزيز حفظه الله ورعاه/
ولايخفى عليكم ان الامير سلطان كان في وعكه صحيه من مايقارب سنتين ونصف
وقبل كذا ما قنص بسنتين يعني له فوق اربع سنوات ماقنص
وانتم عارفين الامير سلطان من الشيوخ اللي مايمر طير طيب بالسعوديه الا يكفخ على يده
وفي العام الماضي قام بارسال كميه كبيره من الطيور لابنه امير تبوك/فهد بن سلطان
وكون الامير فهد بن سلطان راعي صنف ويجب الطيور السباق والمغاتير قبل هدية والده الا انه خرج طيور كثيره ومنها(سلطان-سلمان-نواف-عراك-عباث وطيور لايحضرني اسمائها......الخ)
المهم:
صار تداول بين التجار لتلك الطيور’’وبيع منها الطيب اللي معروف فعله باقيام خياليه’’وبيعت انها صايده ومافي مشكله تم بيعها بشروط الصيد وبعضها بيعت بشرط الطلع والصيد والركاده وهنا مافي مشكله
بس المشكله ان في طيور بيعت لحاقه!!!!!
وهنا الاستغراب كيف الطيور بتلحق وهي مربوطه بعشه طلق حوالي 500متر مربع اويزيد الى800متر مربع
وانا شاري طير منها بشروط والله موريه حبارى (بزبر الحباري)شرق رفحاء والله ماجاها’’وبعد عزلها دمها ينقط ماراح لها.
ورجعته على اهله والطيور اغلبها ظهورها مقوسه تعصعص ماتقدر تصعد واكثرها فيها حفاه
فمن هذا الرابط اني انبه اخواننا في السعوديه وخصوصا في دول الخليج من تلك الطيور لان 80% من تلك الطيور ما دعيت نهائي وممكن ينغش الشراي بعلومها وبشكلها,, وفي ناس خذوا منها ولا اعجبهم طيارها وقاموا يبيعونها على علومها الاوله انها مادعيت السنه والله يستر ماقالوا اللي في بطونهم انها لها كم سنه ماهدت.
واللي يطب السوق ويشوفها ماراح يصد عنها
بس عقب كذا راح يمل اطيارها
ليه؟
لان اي واحد منا لو يربط طيره لفتره راح يرمك ويتغير طياره
ولو مانت خابر طياره ياراعيه راح تطببه السوق.
والطير البيتي المربوط لمدة ست اشهر وتطلعه من المربط كم يبي ياما يستهد؟
اكيد يبي له على القليل من شهر الى شهر ونصف.
كيف طير له اربع سنوات ماطار
وانا شايف فرخ من طيور الامير سلطان (شيخ*شيخ)ماتصد عنه ماشاء الله يقولون وهو فرخ ماراح عليه شي مابي اقول اسمه بس من هو فرخ ماطار ومتى انا شفته ؟
قبل شهرين تقريبا.
وقيمته خياليه كونه اخر الموسم كيف لو انه مخرج اول الوقت كان قيمته دبل قيمته حينها .
واخيرا حاب انزل لكم بعض الطيور اللي خرجت هذي السنه بعد تفية بعض الامور
واي استفسار مراسلتي على الخاص
وتقبلوا تحياتي
مساكم الله بالخير جميعا
والله يا اخوان اني كنت متردد بكتابة هذا الموضوع وذلك لامور شخصيه حدثت ايام المقناص’’بس ذكرني فيها الاخ(المزروعي-ابو محمد) يوم سئل عن الطير/عديم
وقبل ابدء قصة الطيور اتشرف بالدعاء لسيدي الامير سلطان بدوام الصحه والعافيه واسئل العزيز القدير بان يمده بالصحه والعافيه وان يلبسه ثوب الصحه والعافيه
والشيْ المحزن والله يا اخوان اني انا شخصيا وغيري من
الاخوان كان يتمنى اقتناء اي طير من طيور الامير سلطان’’ وكنا نتباشر عند تخريجه لطيوره وشوفوا الان نتخوف من اقتنائها ’’حتى الطيور افتقدت(سلطان):(والان شوفوا كيف تمر الايام والعام اخذت طير من الطيور المخرجه واسمه(سلطان)طير بكل معنى
يحمله اسم (سلطان)
والطير من اجمل الطيور لون ووسره وطير وافي بالحيل
بس الطير ماعنده اللياقه الكافيه للطرد
والله يا اخوان اني مشنذره وانه رامي ثلاث شبيكات بكياسهن والرابعه والله رماها بالمرش اعزكم الله
وهذا دليل ان الطير ما وهد له كم سنه ولا احد زوعه
وسوف اسرد عليكم القصه لتلك الطيور:ـ
كون المقناص السنه ذي كانت بوادره بوادر خير والكل متحمس لنقلة الطير ’’وكوني انا شخصيا اقوم بشراء وبيع الطيور وبكل صراحه عرضت علي السنه هذي طيور واجد مخرجه وبالاخص من طيور سيدي/الامير سلطان بن عبدالعزيز حفظه الله ورعاه/
ولايخفى عليكم ان الامير سلطان كان في وعكه صحيه من مايقارب سنتين ونصف
وقبل كذا ما قنص بسنتين يعني له فوق اربع سنوات ماقنص
وانتم عارفين الامير سلطان من الشيوخ اللي مايمر طير طيب بالسعوديه الا يكفخ على يده
وفي العام الماضي قام بارسال كميه كبيره من الطيور لابنه امير تبوك/فهد بن سلطان
وكون الامير فهد بن سلطان راعي صنف ويجب الطيور السباق والمغاتير قبل هدية والده الا انه خرج طيور كثيره ومنها(سلطان-سلمان-نواف-عراك-عباث وطيور لايحضرني اسمائها......الخ)
المهم:
صار تداول بين التجار لتلك الطيور’’وبيع منها الطيب اللي معروف فعله باقيام خياليه’’وبيعت انها صايده ومافي مشكله تم بيعها بشروط الصيد وبعضها بيعت بشرط الطلع والصيد والركاده وهنا مافي مشكله
بس المشكله ان في طيور بيعت لحاقه!!!!!
وهنا الاستغراب كيف الطيور بتلحق وهي مربوطه بعشه طلق حوالي 500متر مربع اويزيد الى800متر مربع
وانا شاري طير منها بشروط والله موريه حبارى (بزبر الحباري)شرق رفحاء والله ماجاها’’وبعد عزلها دمها ينقط ماراح لها.
ورجعته على اهله والطيور اغلبها ظهورها مقوسه تعصعص ماتقدر تصعد واكثرها فيها حفاه
فمن هذا الرابط اني انبه اخواننا في السعوديه وخصوصا في دول الخليج من تلك الطيور لان 80% من تلك الطيور ما دعيت نهائي وممكن ينغش الشراي بعلومها وبشكلها,, وفي ناس خذوا منها ولا اعجبهم طيارها وقاموا يبيعونها على علومها الاوله انها مادعيت السنه والله يستر ماقالوا اللي في بطونهم انها لها كم سنه ماهدت.
واللي يطب السوق ويشوفها ماراح يصد عنها
بس عقب كذا راح يمل اطيارها
ليه؟
لان اي واحد منا لو يربط طيره لفتره راح يرمك ويتغير طياره
ولو مانت خابر طياره ياراعيه راح تطببه السوق.
والطير البيتي المربوط لمدة ست اشهر وتطلعه من المربط كم يبي ياما يستهد؟
اكيد يبي له على القليل من شهر الى شهر ونصف.
كيف طير له اربع سنوات ماطار
وانا شايف فرخ من طيور الامير سلطان (شيخ*شيخ)ماتصد عنه ماشاء الله يقولون وهو فرخ ماراح عليه شي مابي اقول اسمه بس من هو فرخ ماطار ومتى انا شفته ؟
قبل شهرين تقريبا.
وقيمته خياليه كونه اخر الموسم كيف لو انه مخرج اول الوقت كان قيمته دبل قيمته حينها .
واخيرا حاب انزل لكم بعض الطيور اللي خرجت هذي السنه بعد تفية بعض الامور
واي استفسار مراسلتي على الخاص
وتقبلوا تحياتي