سبتة السحب ؟؟؟؟؟؟؟

[راشد الخلاوي]

اخواني ما هى افضل سبتة للسحب لأني اندبلت كبدي من السبت ابو رفسة

وش اسمها وصناعتها وسعرها ووين احصل لها عند اي محل

وللمعلوميه انا في الشرقية ولا عندي اي مشكلة لو اجيبها طلبية

اخوكم راشد الخلاوي

[bu hadi]

موضوع كامل فية كل ماتحتاج من ادوات السحب

http://www.mekshat.com/vb/showthread.php?t=179810

[شمالات نجد]

اشتر راحتك وانا اخوك

من شركة ARB الاسترالية عندك موديلين انصح بها

موديل قصير طوله 3 متر ويتحمل 12 طن لونه أزرق سعره (175) ريال

موديل طويل (اعتقد 7 أو 8 متر ويتحمل 5 طن) لونه برتقالي

مجرب الأول وانصح فيه لأنه مره ربطناه في وايت وخليناه يطلع سيارة طايحه بحفرة بالشارع بمعنى سحب وشيل بنفس الوقت وماشفت منها الا كل خير لكن يعيبها القصر

وفقك الله والجميع

سلام

[drive]

الثاني 8 طن وطوله 9 متر
روعه ومريح للسيارة ولا ينتع ......
يصلح للسحب من التغريز وليس للقطر ... يعني ما تسحب فيه مسافات طويله لانه مطاطي
قيمته 265 من الرماية بالخبر

[دغيم1]

السلام عليكم ورحمة الله وبركاته
حياك الله أخوي
أدوات السحب حسب الحاجة ونوعية المشكلة
فالسبت القماشية او النايلون لها إستخدامات بسيطة فهي لاتتحمل أعباء كبيرة جدا ، وللسيارات الصغيرة .
أما الواير الحديدي فهو للأعمال الشاقة والسيارات الكبيرة .
أما السلسلة فهي قد تجمع مابين العملين الشاق والسهل ولكل السيارات إذا أستخدمت الأصليه منها وهي الألمانية
وفي الرياض تجد في شارع الريل محلات خاصة بمثل هذه الأدوات وتقوم بكبس خطاف لها وبمقاسات وأطوال مختلفة
تمنياتي لك بالتوفيق
تحياتي

[راشد الخلاوي]

الله يعطيكم العافية

لاكن اخوي شمالات نجد

وين القا اللي تقول عندمن ولا وين الوكيل او اسم المحل ؟؟؟؟؟

الله لا يهينك

اخوك راشد الخلاوي

[عطيب الشوق]

دامك من الشرقيه بوصف لك محل .. عندك يا طويل العمر سوق القاسمه على ما يسمونه اللي بعد كوبري سيهات وانت جاي من النابيه بتجاه الدمام قبل شارع الملك سعود السوق اللي يجي على يمينك قبل صالات السيارات اللي كان فيه اخشاب وصنادق اللي احترق قبل مده وشالوا الخشب منه .. فيه هناك رصت محلات تقريبا عشره محلات عندهم الجديد والقديم والنصيحه خذ لك خمسه متر لا تزود ولا تنقص واللود او التحمل 3 طن فما فوق يمكن اذا زاد الطن زار العرض بعض الشيء وفيه الجديد وفيه المستخدم بعد انا خذيت لي سبته من هناك صناعه سعوديه خمسه متر وتحمله 3 طن بـ 30 ريال جديد وله الحين معي تقريبا السنه ولا شفت منه خلاف واللي كان قبله يا كبدي كبداااه عز الله هو العلاج لكن راح الله المستعان خدم معي 9 سنوات هذا صناعته هولندي والهولنديين هم اهل السبت يا طويل العمر ولهم محل وصفه لي واحد من العمال في نفس السوق وقالي بين الدمام والخبر اللي على طريق السكه الحديد على طريق الوكالات بس ما ادري وين بالضبط والله يسهل امرنا امرك

تحياتي ابوسعد

[شمالات نجد]

الله يعطيكم العافية

لاكن اخوي شمالات نجد

وين القا اللي تقول عندمن ولا وين الوكيل او اسم المحل ؟؟؟؟؟

الله لا يهينك

اخوك راشد الخلاوي

عند محلات الرمايه لأنه هو وكيل ARB

[storm way]

3. ( السبته ) _ البيطه _ :


http://up.arabsgate.com/u/4452/4096/57983.jpg


اذا لقيت هذي خذها وتوكل على الله

عندي من عام 2004 ايام الباث فاندر وساحب عليها وايت عادي مليان ماء

والي الان وانا اكدها والحمد لله

[عاشق السيل]

مدامك مغتث من أبورفسة ليش تشتريها ؟؟

احرص وأنا اخوك تاخذ القوية حتى لو كانت غالية ،، أنا شريت من العليان بطريق خريص بالرياض سبتة رخيصة بدون شناكير بـ 39 ريال طولها 5 متر أبيها للسحب الخفيف لكن الحقيقة إنها قوية فوق ماتوقعت ،، لا تفوتك !!

عموما نصيحتي لك كلما قصر طول السبتة كلما كانت أقوى بالسحب !!!!

[راعي بيشة]

الشباب يمدحون السلسلة الألمانية

[راشد الخلاوي]

الله لا يهينكم ومشكورين على الردود والمعلومات الجديدة ولا به إلا الدمام والله يعين