حذفة بالاكستيرا 2010 يمين

[SosweetFoFo]

السلام عليكم ورحمة الله وبركاته

شريت اكستيرا 2010 و الحمد لله الموتر روعه ماشاء الله بالخط و بالبر لدرجة اني انسم 20 بس و اتمشى بالنفود.
المشكلة بدا الذيب يحذف يمين حذفه خفيفه مع اني لا صدمت شي وحتى الرصيف اطمره شوي شوي (لان المعذبه عفوا المعزبه معي ) و وديته للعضيب اللي بالصناعيه القديمة عند المهندس عوض<< صديقي خخخ
شاف الموتر وقال بالحرف الواحد (يازول دا ماداير يتوزن :eek:)
بغيت اصيح عنده يوم قال لي كذا و السبب انه مافيه عكس للوزنيه!!!!!!
اما انه تنفك الركبه كامله و تتغير ولا اراجع الوكاله
وانتم وش رايكم النصييحه تكفوون يالذيابه

بغيت انسى
عندي درج قارمن للاكستيرا و غطاء شنطه ما احتاجهم ببيعهم اللي يبيهم يراسلني على ايميلي
sosweetfofo@gmail.com
وشاكر لكم تعاونكم

[SosweetFoFo]

وش السالفه ياشباب 20 مشاهده ولا واحد رد

وش الهرجه؟؟؟

[الباثفندر 3.5]

يا الغلى الموتر تحت الكفاله
روح الوكاله و قولهم من اول ما اخذته و هو يحذف
او انك تفحص كمبيوتر عند محلات الميزان و يبين سبب الحذفه

[هاوي 1]

غريبة يمكن موترك في بلاء من الوكالة


انا معي 2008 ما فيه أي مشكله .. و ما فيه حذفه حتى على السرعات العالية 170 180 الحمد لله


راجع الوكالة ..

[SosweetFoFo]

اشكركم على الردود من كل قلبي
امس رحت الوكاله اللي بالدائري الجنوبي وكلمت اردني على اساس انه المهندس طقطق له شوي بالجهاز وقال حنا فحصناه لل20 الف ولا فيها شي اذا بتدخلها تدفع حق التصليح تهاوشت معه و طلعت من عندهم اسب و اسخط
وانا بالخط لقت واحد عنده نفس المشكله و جلست اسولف معه قال ذي حركاتهم الوكاله ووصف لي واحد يوزن بس ما فضيت له
وودي بوزن كبيوتر اذا تخبرون لي ورشه بالرياض تكفون.

[SosweetFoFo]

ابشركم ياشباب حلت المشكلة و السبب بسييييط جدا

كلكم تعرفون ان الركب الاماميه فيها صواميل و وردات صواميل
اللي صاير معي ان الوردات ما كانت مركبه بالسياره و مشدوده الصاموله على الشاص مباشره
شافها فلبيني قال لاتجي الا معك وردتين للعكس الامامي و فعلا جبت الوردتين و ركبها ووزن الموتر وراحة الحذفة كانها ما كانت موجوده

انتبهوا لهالشغله ترا لي اسبوعين اتردد على الصناعيه و كل عامل يعطين فتوى من عنده