استشارة طبيه عاجله جدا

[الخرنقية]

السلام عليكم ورحمة اللة وبركاتة عندي ناقه خلفه لها شهرين مضى عليها حال لها ثلاثه ايام ماتاكل وشربها قليل ولسانها وفمها كامل صار لونه ابيض وريحة فمها عفنه وديسها نشف مره وحلتها هزيله جدا لكن يوم تبرك ويوم تدك زينه مابها ضعف الضعف بس فجسمها تكفون العلاج

[سعدون البشري]

الناقه اذا بركت تتقلب على جنبيها ام لا؟

[الخرنقية]

بارك الله فيك اخوي سعدون الناقه ماتنقلب والله اني في حيره

[نافع النافع]

اخوي الناقة يمكن فيه هدب في فمها وماتاكل ويجي معه حرارة عطه بنسلين وقطع الهدب من فمها

[الخرنقية]

مشكور اخوي نافع لكن اخوك توه مولف البل كيف اعرف الهدب عن شان اقطعه

[مرعي السرحاني]

الهدب تورم والتهاب يصير لحم الشدق ابيض ويطول بحيث لا بغت تاكل الناقة يصير بين الضروس ويرثع بقشها علاجه عقل ناقتك وجب لك واحد يعاونك وسد خشمك وافتح فم الناقه ولك حريت الاختيار اما عود رمث يابس ولا ليف نخل ولا مقص لأنك لازم تجرح الهدب كله وعقبها تفركه بملح وهذا اللي انا خابر وسلامتك

[الخرنقية]

طيب واش اسبابه ولك الشكر وادق بنسلين والا يكفي الفرك والملح

[نافع النافع]

اخوي مرعي السرحاني والله ماقصرة وصفك دقيق والبنسلين انا مانفع ماضر

[الخرنقية]

الله يبيض وجييهكم ياجماعة الخير راح ادقها والرزق على الله

[راع الريمة]

اسمع الكلام

*إما يكون هدب....مثل ماقالو الاخوان..وهذا طبعا بكل ناقة لكن إذا كثر وكال صار مشكله لأنه كل ماأكلت حرضت عليه...أنت سمعت.....وسببه وانا اخوك هذا الاحماض اللي تطلع من البطن هي اللي تسببه وغالبا يصيب الابل الكبار ..أما الحشيان نادر مايصيبها

*وإما يكون نحاز...وعلاماته...تكح الناقة وهي مدليه رقبتها وتطلع الله يعزك سعابيل مع فمها وأحيانا ماتطلع وماتاكل وبس تبرك ..ولها ريييييييحه ودغمتها بيضا...إذا كان كذا ..عطعها ابرة تروماسين

*وممكن يكون شي ساد حلقها....جيبلك سيم برسيم واطوه زين وسقطة بحلقا وراح يبين معك


*الطريقة الاخيرة جيبلك 15 بصلة وقطعها صغار صغار وحطها مع الماء وشربها ..أو عطها عمباز أو زيت سمسم أو ثوم مقطع مع الماء....وإذا كان فيها بلى ببطنها راح يطلع ان شاء الله

وأخيرا..اقرى عليها بالماء ورش عليها وان شاء الله راح تتطيب....

الناقه مافيها ورم ببطنها من تحت وقدام ديسها ؟؟


أخيرا عطها دواء فتح الشهية...أربع أيام متتالية




تقبل مروري
أخوك/أشرف بن فريج العوفي