المساعد الشخصي الرقمي

مشاهدة النسخة كاملة : اذكر لنا مشكلة حصلت معك وكان سببها غير متوقع !! وكيف حليتها ؟؟


التسعه شفر
29/03/2011, 10:33 PM
السلام عليكم ورحمة الله وبركاتة
اخواني الاعضاء اكيد منكم قد صارت له مشكلة معينه ولقى السبب غير متوقع !!
يعني اعطيك مثال : مره واحد كان لما يمسك فرامل يسمع صوت طقه في الشنطة ؟؟
تتوقعون وش كانت المشكله ووش كان حلها !!
.
.
.
.
.
.
.
.
.
.
.
.
.
طبعا راح عند اكثر من ورشه !!
في الاخير اكتشف ان عصا مفتاح العجل هي الي تسبب الصوت !!
الحل !
الحل : وضع عصا مفتاح العجل في مكانها الصحيح !!
اعطيك مثال ثاني :
انا هذا الاسبوع حصل عندي مشكلة وهي لما ادعس فرامل السيارة تحذف بكل قوة الى جهه اليمين !! مع صووت حكه وااضحه !!
وش طلع السبب ؟؟
طلع من جلده عمود السحب متقطعه !! ولما تدعس فرامل الكفر يرجع للخلف بشكل قوي مما يؤدي الى الحذف + احتكاك بربل الرفرف ويصدر الصوت !!
الحل !
الحل هو تغيير جلده عمود السحب واختفت المشكلة نهائياً..
اتمنى منكم المشاركة .. واثراء الموضوع ..
عااشق البر
29/03/2011, 11:00 PM
انا حصل معي تقطيع بجيب بترول

وكل شي غيرته والي يحتاج صيانه

صلحته اكل علي تقريبا5000الف ريال

اخر شي قالو نفك الراس ونغير البوف

لئنه طبعن البلف الخامس والسادس

ميشتغلن طافيات وش توقعون طلعة

المشكله
{
{
/
/
/
/
/
/
/طلعة المشكله باكم الكلتش

خربان ويهرب هوا على المكينه

وغيرته والحمدلله سنتين ماشتكيت من

التقطيع ابد وبعته وهو في صحه جيدهههههههههههه
s3eed
30/03/2011, 12:37 AM
تصلب عصى القير حق الفورد
كل الميكانكيين الي رحت عندهم قالوا توضيب جير بوكس
وسبحان الله الكذاب تعرفه من نظرت عيونه وكلامه
وفي النهايه طلع من حساس لمبة الفرامل
والفضل لله وحده انو جعل ناس تحب الخير وتكتب حل لهذي المشاكل في المنتديات
اشكرك على الموضوع واسلوبك في الطرح
ابو ســــاره
30/03/2011, 12:55 AM
تقطيع في جيب لاندكروزر ويطفئ الموتر اغلب الميكانيكية قالو تغيير فلتر غيرت وما نفع وقالو طرمبة بانزين تغيير وديتها عند مكنيكي فاهم وأمين شافها وراقب لون الدخان من الشكمان قال بسيطة جيب بخاخ ايسي ديلكو وفصل فيش كهرب حساس الهواء في خرطوش الهواء لفلتر الهواء وبخ الفيش ونظفه وزانت السيارة ورفض ياخذ ريال واحد
التسعه شفر
30/03/2011, 12:29 PM
يعطيكم العافيه شباب ,, ياليت الي عنده تجربة يرويها للفايده
خوة نشاما
30/03/2011, 09:22 PM
حصلت معي مشكله في هايلكس دقة السلف مره ضعيفه المهم وديتها الورشه قالي بطريه غيرت بطريه 50 انبير
بس المشكله ما راحت رجعتها له قالي رمان السلف قام وفك السلف وغير رمان لاكن المشكله ما زالت مستمره
رحت وغيرت البطريه 80 انبير والحمد لله راحت المشكله


ومره كمان ولعت عندي لمبة الدنمو وديتها كذا واحد قالو لي فحمات الدنمو بس الحمد لله اخر شي مريت على واحد وفك الفيش الي في الدنمو وقال هذا كربون على الفيش قام ونضف الفيش من الكربون والحمد لله طفت اللمبه
هذه تجربتي

ودمتم في حفظ الله ورعايته
خشم الرثمه
31/03/2011, 12:58 AM
شريت لي ونيت جمس موديل 1991 شاص طويل دبل...


وكان فيه مشكله..عند السرعه 110 تسمع صوت مزعج ( حره )


والسيارة..تنفظ ولو وصلت 120 تحس الكفرات تبي تطلع لحالها :D


رحت للورشه قالوا لازم تغير كراسي المكينه وكرسي الجير وهذا مكلف :(


رحت لورشه ثانيه قال..هذا عامود الدبل وبفكه 100 ريال وجربه فعلا جربت...


ونفس المشكله مستمره قلت ركب العامود وإذا الله رزقنا..نشوف هالمشكله...


وبعد فتره رحت أغير الزيت..وقلت للعامل غير لي نفس نوع الزيت المكتوب على غطى الزيت إلي هو ( w 5 30 ) او 5 دبليو 30 وبعدها إنتهت المشكله ووصلت إلى سرعة 160 ك س والسياره بدون أي إزعاج وحتى أقوى عزم :good2:
تخيلوا أثر الزيت على المكينه
رساوي ربع
31/03/2011, 01:23 AM
وين مكانها عمود السحب انا معي جيب ربع تويوتا ويحذف يمين
saad.saud
31/03/2011, 01:56 AM
السلام عليكم
انا معي يوكون 2006
تعطل مثبت السرعة بدون سبب !!!!!
رحت لورشة اتراك .. وقال لي المثبت ما يخرب !! بس انتظر دقيقة ..
وقام الرجال اتصل على واحد يشتغل بالوكالة , وجاء عندي التركي وقال (يمكن من لمبات الفرامل خربانة )
غيرت اللمبات 10 ريال ورجع الوضع عادي واشتغل مثبت السرعة من جديد
الفارسي1432
31/03/2011, 05:14 PM
انا حصل لي مشكلة باليوكن وهي ان المنبهة (البوري) لايشتغل وبعد التوجهة لعدة كهربائيين افادوا انة بحاجة تغيير القرص بداخل الدركسون وايكلف 500 ريال ولم اعمل بها وبعد فترة قمت بالفحص لدى كهربائي ممتاز ووجد سلك تحت الايرباك مفصول واشتغل
التسعه شفر
01/04/2011, 03:43 AM
وين مكانها عمود السحب انا معي جيب ربع تويوتا ويحذف يمين

هاذي طول الله عمرك تجي تحت,, قدام المقص ,, وهذا فديو للتوضيح ..
ofyrV_mFJfk












والله يعطيكم العفايه شباب على المشاركة ,, وبنتاظر مزيد من التجارب
رساوي ربع
01/04/2011, 03:48 PM
اخوي مكانها قدام والى ورا وارجو منك التوضيح للفاده مشكووووور على الخدمه
التسعه شفر
01/04/2011, 05:59 PM
اخوي مكانها قدام والى ورا وارجو منك التوضيح للفاده مشكووووور على الخدمه

حسب معلوماتي ان جلد عمود السحب موجوده في الكابرس من موديل 2000 الى موديل 2011
اما الربع ما اتوقع فيه
ولكن حطيت مقطع فديو فوق وانت شيك على المقص الامامي وتلقاه قدامه مثل الفديو اعلاه
واذا مالقيته لا تستغرب
يمكن تلقاه وممكن لا