تكفون انا بغيت اسوي شغله عند الجميح شوفوا وش قالوا!!!

[_ذيب ثهلان_]

سلام عليكم انا وديت موتري للجميح جمس 2008 ابسوي تشييك عليه وابي اصلح حساس الدبل قلت غيرو على دربكم فلتر القير وزيته قالو على مسِؤليتك التغيير وعادها لي ثلاث مرات علما بان السياره ماشيه 88الف وقالي كم واحد من الشباب احسن شي تغييره على الستين الف تنصحوني اغيره ولا بس انا استغربت يوم قالولي على مسوليتك والله قهرني وكاله ويقول على مسؤوليتك اذا جاه شي

[s3eed]

يشرفني ان اكون اول من يرد على موضوعك
بالنسبه لزيت الجير أكثر الاحيان لما تكون ماشيء عليه كثير وتجي تغيره الجير يفرط يعني السياره ماتمشي
او تمشي معاك يوم 2 3 4 وبعدها يقل العزم وبعدها توقف
عالعموم كل الورش راح تقولك نفس الكلام
لكن حسب ممشى سيارتك اعتقد انه لا يضر لكن الافضل كل 40 الف او 50
تأكد من الزيت بنفسك او أحد تثق فيه هل هو محروق او لونه طبيعي
هذي الطريقه الوحيده لتعرف
تقبل مروري

[تــــوني]

بالفعل كلامهم سليم
اذا انت مو مواضب على تغيير زيت القير والفلتر كل 60 او 70 الف حد اعلى للإستخدام الجائر

انت ادرى بسيارتك اذا كان يجيها جلد وكرف نفود وتعشيق نمر لا تغيره
اما اذا استخدام طبيعي او استخدام حشمة بدون جور على السيارة توكل على الله وغيره
بس تأكد ان الزيت حسب دليل المالك وعلى الاغلب دكسترون ثري ACDelcoعلب مو مضخة
وبريحة الزيت تبين رح لشالنجر الصناعية القديمة مخرج 17 اول اشارة يسار ثاني فرع لهم على اليسار
واستشير المهندس بعد ما يشم الزيت وبينصحك هو

[THE KILLER]

انا اليوكن 2007 ما غيرت زيت القير ولا الفلتر الا بعد ثلاث سنين > مدري كيف القير استحمل كل هاذي المدة وجيت قلتلو كذا وكذا بانز ماغيرت الزيت قالي حرام عليك ياخي شوف جمس انفوي 2009 ماغير الزيت خبط معاه الجيربوكس فا لازم تغيرو كل 40 الف كيلو او 60 الف كيلو ما يهم بس اهم شي تشتري الزيت الاصلي حق الجيربوكس مع فلتر الجير ولا تخاف انا سويت كذا وماشي

[مهندس غشيم]

الله يوفقكم

[بدر الصحراء]

واااااااو عندي يوكن 2009 وكاله معي

وما غيرت زيت القير من اخذته وباشي فوق 40 الف

شكلي بروح اشيك خاصه اني ناوي اروح الغربية في الاجازة

[يالبى الهلا]

زيت القير عايره كل مره وشم رائحته هل به حرق وتاكد من عدم وجود تهريب اسفل السياره وبسسسسسسس

[كارماستر]

كلام شباب كل صح