ياشباب أنا من الرياض وبغيت ساكتون ألماني

[zeeeer]

ياشباب أنا من الرياض وبغيت ساكتون ألماني
أين اجده سألت في محل الرماية قالوا ماعندهم الا الاسباني والانجليزي
أين اجد الألماني وماهي الأنواع المتوفره منه حاليا
أيضا أي قاعدة دربيل تمام للساكتون الألماني وتنفع أيضا للناري
ولكم الشكر

[بدر الرياض]

هلا اخووي زير يالله حيه انشاء الله بتحصل مطلوبك لكن هد السرعه ههههههههه

الالمانيه انشاء الله تلقاها عند الرميح وفروعه كثيره فيه بالديره وفيه بالنسيم وفيه بالتخصصي وروح للاقرب لك وانشاء الله مايكون خاطرك الا طيب
تحياتي لك

[محرين بالخير]

اخوي زير سالفة الدربيل مع ام صتمه تراه ماينفع لانه سسته والدربيل يتحرك ويتغير مرماه وانا جربتها عدة مرات ولانفع فلا تقع بالخطأ الي اناوقعت فيه وسلامك

[zeeeer]

اخوي زير سالفة الدربيل مع ام صتمه تراه ماينفع لانه سسته والدربيل يتحرك ويتغير مرماه وانا جربتها عدة مرات ولانفع فلا تقع بالخطأ الي اناوقعت فيه وسلامك

ماذا تقصد بأم صتمه

[بواسامه]

اخوي زير انت تقصد بالساكتون الناريه اللي هي الخرازه

وام صتمه اللي هي الهوائيه اللي لها وكلالالالالالالالالالاء
اما الناريه ما تباع رسمي االا الان
يبي لك تدور من تحت لتحت
ثمن تروح تصرحها رسمي
ام ام صتمه جنوب ملعب الملز وكيلها لرميح لجميع المقاسا
والاسباني في سوق الزل عند صاب
والرمايه بشارع التخصصي

[عاشق نجد]

الساكتون الألمانية إذا ما كانت عند الرماية تحصلها عند جارهم الرميح في التخصصي أو في الملز بجوار الملعب من الجنوب .

وبالنسبة للدربيل فما يصلح للساكتون ، لان الساكتون مرماها قريب وما تحتاج دربيل ، وهو ما يصلح الا للنارية (الخرازه) .

تحياتي لك .