استفسار / مكيف السبلت يصلح في الخمية او لا

[كن كن]

السلام عليكم ورحمة الله وبركاته
انا عندي خيمة في الاستراحة 6*4 وفوقها مظله ومركب فيها مكيف صحراوي وغثنا بكثر الاصلاحات والاعطال
وودي اركب مكيف سبلت بس مدري هل هو يصلح في الخيمة
علما ان الخيمة كلها قماش مافي جوانبها جدران .
وابغى اركب سبلت ومتردد اخاف ما يبرد مثل الكنديشه .
ياليت تفيدوني

[عساس المطر]

تريد النصيحة ,,, انا فني تكييف ,,, خذلك مكيفان شباك 18 الف وحدة افضل ,,,


عندي في حوش البيت بيت شعر ومن جهتين يوجد جدار وحاط مكيفان احينا في شدة الحر في جدة يا دوب يبرد


لان بيت الشعر يصبح درجة حرارته قبل تشغيل المكيفان فوق 50 درجة مئوية ,,,,


واغلب المكيفات 90% لا تبرد عند هذه الدرجة ,,,


........


احسبلك السعة التبريدية للغرفة المطلوبة وحفظ هذه القاعدة مهمة جدا


غرفتك 6*4


نقول ... الطول *العرض*الارتفاع *320 الناتج نقسمه على 12000 يطلع الناتج ,,,


يعني 6*4*3*320/12000
الناتج
1.92 طن تبريدي


18الف وحدة تساوي 1.5 طن


فانت تحتاج الى مكيفان 18الف وحدة

قلبته مسالة رياضية المعذرة

اتمنى اكون قد افدتك



اي استفسار انا تحت الخدمة

[كن كن]

الله يجزاك خيررر اخوي عساس على هذه المعلومات القيمة

[طائي الجبل]

اذا الماء زين اللي عندك بالأستراحه مافيه أفضل من الصحراوي خاصه ( الأمريكي الثلث ) لأن الخيمة تبي دائما واجهتها مفتوحة
واذا تبي تركب مكيف فريون شيل الخيمة وحط بدل منها مبنى من الطوب العازل

أتمنى لك التوفيق

[خشكاري]

جزاك الله خير أخوي عساس المطر على المعلومة القيمة والمفيدة

[أبوغمارة]

عندي بيت شعر 4×6 وحاط فيه سبلت إل جي 24 وحدة وبعز الصيف تفتح الباب من البرد ، علما انه قبل تشغيل المكيف لاتستطيع الجلوس من شدة الحرارة لأن الشعر يجلب الشمس والحرارة