المساعد الشخصي الرقمي

مشاهدة النسخة كاملة : الفزعة ياشباب مشكلة باثفايندر


صنبوره
03/04/2011, 04:59 PM
شباب الفزعة يأهل الخبرة
باثفايندر 2005 سيخت الراديتر وركبت بلف حرارة قدام ومع ذلك السبب موجود
العلة هي ان ماء الراديتر يرجع الى القربة تمتلي وينقص ماء الراديتر كل بعد فترة ازيده وش السبب ياشباب الفزعة
والله مادري وش اسوي غيرت غطاء الراديتر ومانفع:f
الميكانيكي يقول راح اغير البلف الى قدام والي داخل مع طرمبة الماء

http://www.mekshat.com/vb/images/misc/progress.gif
محمد الرميثي
04/04/2011, 12:01 AM
انتبه من راس الماكينه
مركز حراره
05/04/2011, 08:35 AM
جرب غطاء حق تايوتاءمحفور عليه 1.1
انت مركب رديتر اردني تراه يفرق بلحراره
افحص الراس سكر فتحت الرديتر باصبعك ودس للموتر مرتين ثم وخر اصبعك شف اذا طلع هواء معناها من الراس
صنبوره
16/04/2011, 06:32 PM
جرب غطاء حق تايوتاءمحفور عليه 1.1
انت مركب رديتر اردني تراه يفرق بلحراره
افحص الراس سكر فتحت الرديتر باصبعك ودس للموتر مرتين ثم وخر اصبعك شف اذا طلع هواء معناها من الراس
الراديتر شد بلد غيرت البلف الداخلي وحصلت لي طرمبة البلف الداخلي يهرب موي الراديتر صيخته مرتين لكن المشكلة مازالت موجودة وهي داخل الديرة مافيه أي مشكلة الحرارة عادية لكن عند السير لمسافة خط سريع يبدى يرجع الماء وترتفع الحرارة إلى الربع ويرجع الماءإلى القربة ونقص الماء قليل
فقع راسي رحت الورشة قال احتمال وجه الراس
كديان
17/04/2011, 12:06 AM
اخوي
احتمال عندك هواء بمجاري المكينة
ترى عيب اديتر الباثفندر انه ماينفع التسييخ ابد لانه اذا احتمى الموتر
تقوس الرصات حقت الاديتر الرصات اللي هي مجاري الماء بوسط الاديتر
طبعا من الحرارة تقوس الرصات و تضغط على بعضها البعض و عندها مايدور الماء بالسرعة الكافية
او انه تقفل نهائيا
يعني مثل لي الماء البيت اذا عفطته بيدك يوقف الماء
الحل اديتر جديد اردني يقوم مقام الاصلي و الاصلي غالي جدا

حل الباث الغاء احد البلفين و راح تنام الحرارة لانه لو يقفل احد البلفين على طول تضرب الحرارة اتش
و هذه مشكلة موجودة و المواضيع عنها كثيره بالمنتدى هنا

على فكرة حرارة الباث دائما على حد علمي انه على الثلث و دامه على الربع فالوضع تمام
و لا تنسى تمر على الرابطة حقت الباث
مركز حراره
17/04/2011, 08:46 AM
رديتر البلد صغير ولاردني عريض
صنبوره
18/04/2011, 08:20 PM
كديان
مركز حرارة
شكرا على المرور فكرت أغير الراديتر بس أفضل الراديتر الصيني أو الأردني
وين احصلهم
وفق الله الجميع
كديان
18/04/2011, 08:40 PM
فيه ناس تمدح الاديتر الاردني و فيه ناس تسب الصيني و فيه ناس تمدحه
وواحد يقول ان اديتر الددسن يركب

اقتباس للمشرف سوبر



اخبر موتر باث م2005 يحتمي
اديتر اصلي جديد + غطاء جديد + بلف جديد
و ماستفاد
راح لرجال خبرة كبير بالسن راعي محل اديترات
حط قرطاسة ورقة صغيرة امام الشبك من الامام
لاحظ ان مروحة الكهرب اللي عند الشبك
تدفع الورقة للامام
و المفروض تسحب الورقة للداخل
قام و قلب فيش المروحة و نامت الحرارة :good2:
و صارت المروحة تسحب للمكينة :good:
صارت المسالة تضاد
مروحة السير تسحب للمكينة
و مروحة الكهرب تسحب و تدفع للامام

المفروض ان الماء عندك احمر و ليس اخضر
هل هو وكالة شد بلد الماء ؟
لان الاديتر على حسب علمي
الاديتر الالمنيوم يحط له محلول احمر
الاديتر النحاس يحط له محلول اخضر

********************************

رد في موضوع سابق

قم بالغاء البلف الداخلي
و لاحظ الفرق
غالب المشاكل من البلف او الغطاء
و لو كانت طرمبة الماء مبوشة او مجيمة يحتمي الموتر لانه الماء مايتحرك
البف لو يقفل او يكون ثقيل يحتمي الموتر
لان الماء يدور بشكل طبيعي من و الى المكينة و الاديتر
تاكد من تماتيك المروحة لايكون مجيم او مهرب زيت
99% من البلف الداخلي
عندك ورشة الثنيان بصناعية الدائري الجنوبي
تخصص باثفندر


حل سريع لحرارة الباث بعد معاناة وأخذ وعطا مع السيارة ومازالت تحت التجربة .. (http://www.mekshat.com/vb/showthread.php?t=231255)


" صوور " (http://www.mekshat.com/vb/showthread.php?t=231255)بخصوص حل مشكلة حرارة الباثفندر هنا الحل ان شاء الله - منتديات مكشات (http://www.mekshat.com/vb/showthread.php?t=139188)



حل لمشكلة ارتفاع حرارة الباثفايندر اثناء التطعيس - منتديات مكشات (http://www.mekshat.com/vb/showthread.php?t=50644)


و الله يابعدي ماني متخصص بالباثفندر
انصحك تدور بالتشليح اديتر اصلي و تركبه على الضمان اسبوع و اذا ماجازلك ترجعه
عموما اذا امورك متيسره و تسمح خذ الاصلي
عموما على كلام الاخوان ان التجاري ممتاز و يمشي امورك
و ان امكن تسال ورشه متخصصه بالباثفندر عن الاديتر التجاري
اذا كان تركيب الاديتر معقد و مكلف
خذ اصلي منتب ملزوم بالتجاري خساير و يوهقك بسفر
و ان كان تركيبه سهل
يعني انت تقدر تركبه
خذ تجاري ب400
و اعتقد ان ال400مهب صعبه
على الاقل اذا ما نفع مهنا خسارة كبيره
تكفير ذنوب
و الخساره بالعمر مهب بالدراهم

عموما ادخل الرابطة افضل و شاورهم

(((((((((((رابطة ملاك الباثفاندر)))))))))))) (http://www.mekshat.com/vb/showthread.php?t=156827)

+

رديتر أردني أو صييني . للباث فندر 2004 (http://www.mekshat.com/vb/showthread.php?t=269943)


****

رديتر الباثفندر تعبني - منتديات مكشات (http://www.mekshat.com/vb/showthread.php?p=4279098)


مشكلة بالباثفندر -الحرارة ترتفع -والزيت ينقص - واليوم فيه تفتفه ... (http://www.mekshat.com/vb/showthread.php?t=213833&page=2)


افيدوني للباثفاندر ( الرديتير) - منتديات مكشات (http://www.mekshat.com/vb/showthread.php?t=277143)




كم حسابي ؟ :D





رابط اخر


الاديتر التجاري للباثفندر (http://www.mekshat.com/vb/showthread.php?t=237740)
صنبوره
22/04/2011, 01:53 PM
شباب الفزعة يأهل الخبرة
باثفايندر 2005 سيخت الراديتر وركبت بلف حرارة قدام ومع ذلك السبب موجود
العلة هي ان ماء الراديتر يرجع الى القربة تمتلي وينقص ماء الراديتر كل بعد فترة ازيده وش السبب ياشباب الفزعة
والله مادري وش اسوي غيرت غطاء الراديتر ومانفع:f
الميكانيكي يقول راح اغير البلف الى قدام والي داخل مع طرمبة الماء


http://www.mekshat.com/vb/images/misc/progress.gif


:r
غيرت الراديتر ومازالت المشكلة موجودة
الميكانيكي يقول يبي مسح روس
واحد ثاني يقول طرمبة الماء
مركز حراره
24/04/2011, 09:18 AM
جرب الطريقه الي قلتلك
صنبوره
07/05/2011, 06:11 AM
جربت كل الطرق والحل الأخير تم فك الماكينة وطلع الراس مشعور
سؤالي هل التلحيم ينفع مع أن المخرطة يقولي ضمان والشعر بسيط
ومدامي فاك الماكينة قلتله ركب شمبر