لحم بماء الطماطم ...للعزاب فقط

[القضاع]

السلام عليكم ورحمة الله وبركاته
عندي طريقه جيده ومجربه ويمكن البعض يعرفها وهي اللحم بماء الطماطم وهي كالاتي:

لحم صغير حسب الرغبه وحوالي عشر طماطات اواكثر بقليل وبهارات اللحم من اي نوع حسب الرغبه وحوالي خمس بصلات وفص ثوم ايضا حسب الرغبه(ماصارت رغبه انا انغثيت من كثر مااكتبها) وفلفل باررد وملح حسب اللي قلت .
تخلط جميع ماسبق في قدر كاتم لمدة 45 دقيقه الى ساعه حتى تتشرب اللحمه ماء الطماطم الذائب مع البهارات والملح ثم تضعها في الصحن ووينك يالخبز وبالعافيه .

بس امانه اللي يسويها لاينسى يعزمني تراني جعت.

[سلطان الوايلي]

يعطيك العافية اخوي ........................................... بس اعتقد انه راح يطلع نفس المحموس لأن المقادير قريبة من بعض

[بيرق العزة]

اللحم ياخذ ساعه بالكاتم يطلع سليق يا الخو ارفق وجبه حلوه للي مامعه قرحه بالمعده

[برق اليقين]

الله يعطيك العافية اخوي القضاع

إذا سويتها أعزمني لاتنساني لأني ما قد جربتها

[القضاع]

الله يعطيك العافيه يابرق اليقين انا ادور من يعزمني وانت تقول اعزمني لووول

[الســـاري]

هلاااا ..اخوي القضاع ليتك تكثر البصل و تقلل الطمام و تحمس اللحم مع البصل بس بالاول.. وبعدين اضف الي تبي حسب الرغبه على قولنك :p ولا تنسي تعصر شوي ليمون عند التقديم <<< مهوب جوعان ابددد ;)

[القضاع]

الساري مساك الله بالخير

كل شي حسب الرغبه ويم انك ذكرتني عجزت اكتب الحروف من كثر السعابيل تتقاطر عالكي بورد( تكرمون)

[القضاع]

مااحد جربها؟

[القضاع]

:j السلام عليكم ورحمة الله وبركاته

[الحزماوي]

القضاع
هلا بك اخوي / الحقيقة طبخة سهلة وسريعة ولذيذة جداً جداً الله يعطيك العافية على هالمقترح . بس اخوي يبدو ان الوقت (45)دقيقة كثير شوي عليها ، طلع اللحم مستوي اكثر من اللزوم متفتت بالمرة لكن طعم ولا أحلا ، جزيل الشكر لك اخوي من اعضاء الكشته ،،،

[الرحال الحزين]

والله جوعتنا ياخوي القضاع

شكلي بسويها الخلطة اليوم

الشاب كلهم معزومين عندنا حياكم

(حسب الرغبه )

اخوك خالد

[القضاع]

جهزوا الطبخه وبتلقانا عندكم بدون عزيمه!!!