كاف نواف
04/04/2011, 04:02 AM
سلام يا غالي عدد ما هب من غرب الهبوب=و عداد ما غصن الشجر نسنس عليه و حركه
وعداد ما ذعت من الزهر الموشى من طيوب=و عداد ما سالت شغايا بين بدر و مدركه
وعداد ما نور زهر جيزان وابها في الجنوب=و عداد ما برق الحيا ضوه شعل وسط فلكه
حي القصيد اللي وصل ياسر معاليق القلوب=و يشوق الساري يسير و لو دروبه مهلكه
يا ما حلى وصف البراري و القهاوي و الشبوب=والحر لا منه كفخ طبعه أبد ما يتركه
حر يحول من سماه بوقت للصيد امحسوب=مثل شهاب منطلق يشعل سماه بنيزكه
والجيب جاهز بالزهاب و عزبة القنص وركوب=درب الصعب ما هم راع الجيب و اللي يملكه
حاولت أجاري وصفكم لكن تشوف ابها شحوب=كلمات شعري كنها من بحر جزلك مربكه
اعذرني الحاصل حصل وان صار بالكلمة عيوب=أدمح خطاي وردني يم الصواب و مسلكه
سجل حضوري و المرور إعجاب له عندي وجوب=الجزل يفرض هيبته و الشين ما فيه ابركة
هذه القصيده الرّائعه للشاعر أسير النور وجدتها مدرجه
كردّ على قصيده للشاعر بن هادي والتي لاتقل عنها روعه
وأنا هنا أتساءل أليس بمقدورهذا الشاعر إمتاعنا بروائع
مستقله بما أن هذه الرّائعه كانت رداً فقط
وعداد ما ذعت من الزهر الموشى من طيوب=و عداد ما سالت شغايا بين بدر و مدركه
وعداد ما نور زهر جيزان وابها في الجنوب=و عداد ما برق الحيا ضوه شعل وسط فلكه
حي القصيد اللي وصل ياسر معاليق القلوب=و يشوق الساري يسير و لو دروبه مهلكه
يا ما حلى وصف البراري و القهاوي و الشبوب=والحر لا منه كفخ طبعه أبد ما يتركه
حر يحول من سماه بوقت للصيد امحسوب=مثل شهاب منطلق يشعل سماه بنيزكه
والجيب جاهز بالزهاب و عزبة القنص وركوب=درب الصعب ما هم راع الجيب و اللي يملكه
حاولت أجاري وصفكم لكن تشوف ابها شحوب=كلمات شعري كنها من بحر جزلك مربكه
اعذرني الحاصل حصل وان صار بالكلمة عيوب=أدمح خطاي وردني يم الصواب و مسلكه
سجل حضوري و المرور إعجاب له عندي وجوب=الجزل يفرض هيبته و الشين ما فيه ابركة
هذه القصيده الرّائعه للشاعر أسير النور وجدتها مدرجه
كردّ على قصيده للشاعر بن هادي والتي لاتقل عنها روعه
وأنا هنا أتساءل أليس بمقدورهذا الشاعر إمتاعنا بروائع
مستقله بما أن هذه الرّائعه كانت رداً فقط