المساعد الشخصي الرقمي

مشاهدة النسخة كاملة : الله على ذيك العصور الميامين ...ياليتني فيها فتى في شبابه


نجم000الشمال
04/04/2011, 03:13 PM
السلام عليكم ورحمة الله وبركاته.
مساكم وصبحكم الله بالخير ، اليوم ابي اشارك باول محاوله شعرية وكلي خجل من المستوى المتواضع الي اشارك فيه خصوصا بوجود جهابذة الشعر الموجودين في المنتدى ، لكن تضل محاولة للاتجاه الصحيح عسى ان تنال استحسانكم وترقى الى ذائقتكم الشعرية .
اقول بعد عون الله .


الحمد للي عزنا في ذرى الدين... بالسنة السمحة ومنهج كتابه
بهدي الرسول الي على اللطف واللين... رسالة التوحيد كلا درابه

ساد السلام وبالعدالة سويين ...والظلم ولى من بعد شرع غابة
صرنا على روس البرايا سلاطين ...من بعد ذل المعصية والكئابة

سارة جيوش الحق للهند والصين...وكسرى وقيصر حكمهم ما نهابه
بالدين نبقى وبالكرامة عزيزين...وعند المواجه جيشنا ما يجابه

ابوبكر يعجن للضعوف المساكين...وعمر ينام بلا حرس عند بابه
بثوب مرقع يستلم في فلسطين...مفاتح البيت المقدس ومابه

الله على ذيك العصور الميامين...ياليتني فيها فتى في شبابه
وابعدعن عصور الفتن والمرابين... الي جرايمهم تنزل عذابه

قمنا نتخطف من شمال ومن ايمين...والفرس والرومان صار ذيابه
الاسلام تهمة للضحايا البريين.... وديارهم تقصف وصارت خرابه

حتى الجهاد الي بشرع النبيين ...اصبح (ارهاب)وباب خزي ومعابه
يالله تقبضناعلى الحق باقين...وترد عهد العز عهد الصحابه

بدية ابكتبلي من الشعر بيتين...وجددة في قلب العنى صوابه !
ودمتم سالمين غانمين
مع تحيات اخوكم / ابو اسامة
راعي وفى
04/04/2011, 03:18 PM
موضوع القصيده جميل يابو اسامه وتسلم:)
نجم000الشمال
04/04/2011, 06:02 PM
موضوع القصيده جميل يابو اسامه وتسلم:)

ومن قال سالم ياراعي الوفى ، شاكر مرورك العطر .
برق الجهمه
05/04/2011, 02:39 AM
لله درك

قصيده عصماء ورائعه

الله يعطيك العافيه يانجم الشمال
مكرم الضيف
05/04/2011, 07:39 AM
بيض الله وجهك يانجم الشمال على القصيدة الجزلة
كاف نواف
05/04/2011, 07:50 AM
يامنتقي حرفك برفعه وتثمين=إقبل عتب معجب ليا أبدى عتابه
مادام بوحك جزل وبكل هالزِّين=ليه الخجل يانجم؟ ليه المهابه؟
حرصك لعز الدين والخَلق لاهين=عسى جزاها دعوة ٍمستجابه
ومن هو نقل مثلك هموم المسلمين=جعله مطهر ذنب جزل ٍثواب
نجم000الشمال
05/04/2011, 02:39 PM
لله درك

قصيده عصماء ورائعه

الله يعطيك العافيه يانجم الشمال

الله يعافيك ويسلم غاليك اخوي برق، من بعض ما عندكم طال عمرك . عطرة الموضوع



بيض الله وجهك يانجم الشمال على القصيدة الجزلة

ووجهك اخوي ، شرفتني بوجودك وانت الجزالة كلها .



يامنتقي حرفك برفعه وتثمين=إقبل عتب معجب ليا أبدى عتابه
مادام بوحك جزل وبكل هالزِّين=ليه الخجل يانجم؟ ليه المهابه؟
حرصك لعز الدين والخَلق لاهين=عسى جزاها دعوة ٍمستجابه
ومن هو نقل مثلك هموم المسلمين=جعله مطهر ذنب جزل ٍثواب
امين .. امين اخوي نواف واياك والمسلمين.
والله احترت مدري كيف ارد عليك ،الحقيقة شهادة فخر اعتز فيها من شاعر قمة في الشعر وقمة بالخلق . اخجلتني استاذي .
نديم المجره
07/04/2011, 12:01 PM
صح لسانك
موضوع القصيده يزيد الجراح
والكل يخجل من الاعتراف بالحقيقه
اشكر لك جرائتك في تجسيد الواقع المرير
وذكرني موضوعك في قصيده قلتها ولم اتجراء على نشرها
وكانت بعد احداث سبتمبر وهي:
ناموا وعيوا نعن ابوهم يقومـــــــون = وحنا نتقلب كننا فوق ملـــــــــــــه
ضاعوا بعز القايله مايـدلـــــــــــــون = شربوا إلى حد الثماله مـذلــــــــــه
وحنا تكستنا المذله مع الـهــــــــــون = باسبابهم هنا على كل مـلــــــــــــه
صاروا النصارى بدين الاسلام يفتون = حلوا دم المسلم بليا ادلـــــــــــــــه
الدين يصرخ طالبٍ منهم العـــــــــون = وصاروا مع الكافر على الدين عله
ماتنقضي حاجات من يتبع الهـــــون = يامن يسل السيف يامن يسلــــــــه
دامت لك المسرات
تحياتي
محب الشبه
07/04/2011, 12:28 PM
بارك الله فيكم
نجم000الشمال
07/04/2011, 02:24 PM
ماتنقضي حاجات من يتبع الهـــــون = يامن يسل السيف يامن يسلــــــــه

صح بدنك اخوي
اعجبني هذا الشطر من البيت ، وذكرني بالشاعر الي يقول :
متى يخرج السيف من غمده= فما حق للسيف ان يغمدا
الحقيقة ان هذا الواقع الي نتهرب منه ، والهروب من المشكلة لايحلها ، وتشخيص الداء اول خطوة في العلاج.
الله يديم علينا الامن والايمان ويحفظ لنا حكومتنا بقيادة ابو متعب .
نجم000الشمال
07/04/2011, 02:28 PM
بارك الله فيكم

هلا بالغالي محب الشبة ، اوقد النار ياشبابها :f
المسعودى 900
07/04/2011, 10:16 PM
تسلم وصح اللسانك يا السنافى
نجم000الشمال
08/04/2011, 06:49 AM
تسلم وصح اللسانك يا السنافى
تسلم ياغالي وصح بدنك .