المساعد الشخصي الرقمي

مشاهدة النسخة كاملة : محتاج اهل الخبرة في برادو 2011


وحداني بعرعر
05/04/2011, 09:01 AM
بسم الله الرحمن الرحيم
الرجاء ممن يمتلك سيارة جيب برادو 2011
يطلعني على كل التفاصيل العامة ( والدقيقة) عن السيارة
من جميع النواحي المواصفات سعودية طبعا ,,بإذن الله بآخذها من الوكالة..
وكيف الموتر في السفر والبر والقطع الاستهلاكية والمشكلات المصنعية لو كان هناك عيوب مثلا بالموتر..
وأخيرا أرغب الستة سلندر ...ولكن أحتاج لنصيحة ( هل آخذ قير عادي أو تماتيك ؟!)
ودمتم بود..
وجه النهار
05/04/2011, 09:09 AM
كلن يثني عليه
ويقولون إنه جبار
بس عليك بالتماتيك أريح لك
الله يوفقك
!!!
وحداني بعرعر
05/04/2011, 02:06 PM
كلن يثني عليه

ويقولون إنه جبار
بس عليك بالتماتيك أريح لك
الله يوفقك

!!!


جعلك تسلم يا خوي ايوب .... ماقصرت يالذيب وفعلاً أنا على مدح الناس له رغبته بقوه!! ولكن وين الناس المجربه ..؟! نبي نسمع منهم الله يجزاهم خير لاتبخلون برايكم.. وفقكم الله.
ولد وايل 2010
05/04/2011, 03:05 PM
الله الله بالستة سلندر وتماتيك واللون لؤلؤي وتوكل على الله الموتر مجرب وبنفس الوقت مرغوب
مخاوي خوياه
07/04/2011, 02:15 PM
اذا لك رغبه في
برادو 2010
فل كااااااااااااامل
سته سلندر

هذا رقم راعيه
0503971889




بالتوفيق
عاشق الحريه
08/04/2011, 12:40 AM
الله يوفقك بس والله اني سمعت عنه انهم يقولون ان اكثر الثقل في الجنب الأيمن وعلى مايقولون اكثرها تنقلب بسرعه والله اعلم طبعاً يقولون خطاء مصنعي والله اعلم واسأل عشان تتأكد ولك مني اجمل تحيه
رحال الغربيه
09/04/2011, 01:53 AM
اخوي ان لي شهر مشتري 2010
ماشاء الله تبارك الله

صراحه سيارة تعتمد عليها

توكل على الله

ومبروك مقدماً وربي يعطيك خيرها ويكفيك شرها
سديراوي نت
10/04/2011, 01:40 PM
الموتر عزمه قوي ومناسب في المدينة والبر والسفر وهذي ميزته.. مع انه في السفر اذا كان فيه هوا قوي جدا غير راسي صراحة.. معي من سنة وأطلع به البر اسبوعيا وما شفت منه اي مشكلة...
sal999
10/04/2011, 02:33 PM
ياجماعة أنا مثله ....أفيدونا زود
الوسمي44
10/04/2011, 02:40 PM
السلام عليكم اخوي انا معي واحد 2011 6 سلندر ممتاز سافرت عليه فوق3000 كيلو ممتاز وفي النفود جيد جدا والله يوفقك
وحداني بعرعر
13/04/2011, 08:06 AM
لاإله إلا الله .... اللهم صلِ وسلم على نبينا محمد

شكراً لكم جميعاً على المشاركة والطرح النافع وبارك الله فيكم وأبشركم آخذت 2011 أسود خارجي ,, ومن الداخل بيج ,,

وستة سلندر قير عايدي وأدعولي بارك الله فيكم وربي يرزقنا وأياكم من فضله....
gyhh1388
14/10/2011, 06:43 PM
الف الف مبروك وان شاء مركب السعد
حياة أسهل ..
14/10/2011, 10:55 PM
الف مبروك الله يطعمك من خيره ويكفيك شره

تونى ماخذ 2011 لولوي 6 سلندر بصراحه حلو بس عيبه الجرس والهوا اذا مشيت 140 وفوق يطلع صوت هوا مو مكتوم الداخلي
مافيه
15/10/2011, 03:36 AM
والله يا الغالي سياره ممتازه وسعرها على مواصفاتها في بحر المعقول باسعار السيارات هاليومين (ما اقول انه معقول لاكن ممكن انه ينبلع لانه على خبري ب 144 للتماتيك))

انصحك بالتماتيك وابعد عن القير العايدي دام المكينه 6 سرندل قويه بالحيل((حالياً اشوف سيارات التماتيك اقوى وافضل من القير العايدي بمراحل كثيره وانت بنفسك بتعرف هاذا الشي مع الاستعمال))

ماشاكل الموتر من وجهة نضري الشكل الخارجي لك عليه لاكن هاذي ترجع لذوق الشراي اذا كان عاجبك اشوفه ممتاز وتوكل على الله

وهاذا الكلام من الي شفته مع رجال وشرواك مشاكله اتوقع مافيه مشاكل كبيره وتعيب السياره الا الدبل كهرب وهو مشابه لمشاكل دبل المفخره وعموما اذا كان استخدامك للدبل سليم ان شاء الله منتب مواجه اي مشاكل

وانا ما استعملته ولا جربته لاكن قد ركبت فيه وطلعت عليه طلعه خفيفه للنفود صراحه فاق كل توقعاتي مع ان المنطقه ماكانت تساعد الارض شبه هيار و الرمل ماشم الماء من اخر مطره وقد رحنا عليه لاحد الشعبان القريبه مميزاته مريح مقارنه با بعض الجيوب ممشاه مايختلف عليه ثنين و متماسك ومحركاته قويه ((السياره منوة الي عيلته صغيره ويبي جيب ودراهمه على قده)) وداخليته اقرب مالها لاند مصغرينه

وبالتوفيق ان شاء الله تشتريه ويجوز لك

والله يقدم لك الي فيه الخير