المساعد الشخصي الرقمي

مشاهدة النسخة كاملة : ارجو الافادة يا اخوان اصحاب القوارب


Alzahrani
05/04/2011, 06:51 PM
السلام عليكم ورحمة الله وبركاته

اخواني اعضاء منتدى مكشات تحية طيبة

هذي اول مشاركة لي بهالمنتدى واتمنى تفيدوني ياجماعة الخير

انا نويت اشتري قارب للصيد يعني يكون بطول 9 متر اقل اواكثر بشوي مو مشكله بس المشكله ان خبرتي في الابوات ضعيفه شوي اتمنى من اهل الخبره يفيدوني بالمواصفات الممتازه وكم تتراوح اسعاره للجديد والمستعمل وانا حاب استثمر فيه يعني تاجير لطلعات الصيد والنزهه وانا متردد شوي اخاف اتهور وتروح فلوسي عالفاضي

وحاب اشكركم مررا ثانيه على هذا المنتدى المتميز بكل معنى الكلمة

تحياتي..
Alzahrani
06/04/2011, 12:21 AM
وينكم يا اعضاء المنتدى معقوله محد عنده خلفية بالموضوع ؟؟؟

وين الصيادين اهل البحر انتظر ردودكم وياريت ماتبخلو علي باي معلومة والله يوفق الجميع لما يحبه ويرضاه
ذوالجناح7
06/04/2011, 07:22 AM
أخي الكريم


أول شي لازم تكون عندك المهارات التالية :-


1- تكون عنك بعض الخبره الميكانيكيه


2- تجيد التعامل مع الأجهزه البحريه
للملاحه ( القارمن البحري ) والبوصله


3- تجيد السباحه ويفضل الغوص وتكون حاصل على رخصة غوص دوليه


4- تجيد الأسعافات الأوليه


5- ملم بأحوال الطقس أول بأول قبل التفكير
بالخروج وذلك من مواقع أحوال الطقس


6- ملم بطرق الصيد من على القارب


7- الحصول على رخصة قيادة قوارب



وبالتوفيق إن شاء الله
Alzahrani
06/04/2011, 07:28 PM
جزاك الله خير ياخوي على النصيحه والله لايهينك

بس اغلب النقاط الي ذكرتها ياذو الجناح انا ملم فيها ولله الحمد ماعدا رخصة القيادة ورخصة الغوص بس انا راح اجيب واحد على كفالتي واشغله لاني ماراح اكون متفرغ لها طوال الايام

والله يعطيك العافيه ويكثر من امثالك
محر999م
06/04/2011, 10:57 PM
لازم بوت رخصته صيد من سنة1424هـ وانت نازل..او تشتري الحجة نفسها بس تكون من سنة1424هـ وتشتري عليها بوت جديد..هذا اذا تبي تشغل عامل عليه..هذا اللي أعرفه.
محر999م
06/04/2011, 11:04 PM
أما بالنسبة للبوت وكيف تشتري روح لواحد أمين تعرفه ويكون بحار يفهم بالابوات...ترى البوت 24 قدم بماكنتين 40x2 الضاعن او الدوسري طبقتين تحصله بحدود 25000 الى30000 حسب نظافة البوت والمكاين..بس إنتبه من المكاين الموضبة..وطبعا الحجة صيد..وبالتوفيق إن شاء الله.
Alzahrani
06/04/2011, 11:23 PM
مشكور اخوي محرووم الله يعطيك 1000 عافية

انشاءالله احصل شي نظيف واذا مالقيت بشتري جديد احسن واظمن
والف شكر اخوي الفاضل على المروور
دل البحار
07/04/2011, 12:21 AM
تبغى الهرجه ولا الخساره
التأجير للقوارب مكاسبه خياليه وما تصدق نفسك من المكسب لكــــــــــــــــــــــــــــــــــن فين تروح من الاجنب
مافيا الاجانب والله تخسرك خساره وأنتا ولا على البال ولا على الخاطر ..
شغلتهم محاربة السعودي ولا تقول القذافي في ليبيا
لأخر قطره من دمه وهوه قاعد لك بالمرصاد بالصغيره والكبيره وكلهم يد وحده ، وعندهم خاصية النظر بزاوية ثلاثية الابعاد بالنسبه لأبن الوطن ،،
يأجرون ويشيلون ركاب نزهه او شباب لرحلة صيد وانتا على بالك سرا ونظام
الكلام دا أنساه ولو جيت تتكلم طلع لك بدال الواحد عشره وهلم جره
ولو جبت سواق بيسرقك ويخليك تدفع أجار للمرسى فقط
Alzahrani
07/04/2011, 01:11 AM
الله يعطيك العافية اخوي دل بس خوفتني والله وشكلي ببطل ههههههه

انا راح ادرس الموضوع من جميع النواعي قبل لا افكر اسوي اي شي والله يكتب اللي فيه الخير
ويعطيك الف عافيه على المرور الجميل