و لا خاب من أستشار

[ولد مساكن]

بسم الله الرحمن الرّحيم

السّلام عليكم و رحمة الله تعالى و بركاته

إخواني الأعزّاء أحب نستشيركم في شي

عندنا ماكر لوكاري و كل عام نحصّل منه فروخ

و هم من فترة حاضنين البيض و االبارحة فقست أوّل بيضة منهم

و إنشاء الله شهر قدّام و نطرح فروخهم

هل بأمكاننا ندرّبهم و نصيد بيهم في الصّيف ؟ ؟ ؟

خاصّة و أنّ الأرانب و الكروان موجودة بكثره عندنا على مدار السّنة و الكراوين المهاجر بدت توصلنا من أيّام و يادوب 15 دقيقة من الدّار و نكون عندهم

أيضا درجة الحراره عندنا في العشيّه في الصّيف تتكون معتدله أي نفسها في الخليج عندكم في الشّتاء أأو حتّى أبرد

هه , شنو رايكم ؟ ؟ ؟ و لا خاب من أستشار

السّلام عليكم و رحمة الله تعالى و بركاته

[أهم 1]

لوني محلك توكلت على الله واقنص واستانس

[ربع خالي]

وعليك السلام ورحمة الله وبركاته

ماشاءالله تبارك الرحمن , أثاري الصيد متوفر في الشتاء والصيف عندكم ؟؟
سؤالي :: أين تجد متعة نقلة الطير ؟ في الشتاء أم الصيف ؟؟

[راعي مسكت]

الله يهنيكم في جوكم
ويزيدكم من فضله ويعطيكم نعمه الامن والامان
وانا بعد بغيت اسئلك (ياخي انت حاط كامره ولا شلون عرفت انها فقست ؟ )ياخي انت خطير جدا
وايش المانع ماتقنص فيه لا باالله الا اصقر واقنص واستمتع واطعم اهل الحي من أكل الصيد

[صقار قديم]

السلام عليكم

في نظري لا تتم المتعه بالشيئ الا في وقته ، فإذا انتظرت حتى يحين موسم الصيد نلت متعه اكبر بعد شوق و اعداد و ترقب !


مع تحيتي و تقديري

[ذراع الذيب]

السلام عليكم ورحمة الله وبركاته,,
صبحت بالخير ياولدمساكن,,

تدري لو اني مكانك وش اسوي اقنص طول السنه واريح في رمضان:D,,
ايه والله اقولها وانا صادق ومتعنا ياخوي بصور هالماكر وصور فروخها ونصيحتي لك اطرحها ,,
بعد ماتطير من ماكرها بشهر واقنص ووسع بالك,,ان كان لك ود بالمقناص جعل بي يرزقك,,

بالنادر اللي مبطي ماشيف غيره امين يارب العالمين تحياتي لك,,

[السومر]

اي والله ليتك تتحفنا بصور للماكر

[wwmfs]

والله بكيفك ولاكن

ماله لذه وطرب مثل الشتا وشبة النار

[عاهد بن علي]

الله يوفقك

[الفيتو]

بسم الله الرحمن الرحيم
السلام عليكم ورحمة الله وبركاته
مسا الخير اخوي / ولد مساكن
نغبطك اخوي على ما انت فيه من قرب وكثر صيد
بالنسبه للارنب الوكري مناسب لصيدها
وافضل وقت لجنيه من العش بدايات شهر خمسه
ويدخل على برنامج الارنب بالتدريج وبداية شهر سبعه
يكون صاد ومستواه يتحسن حتى يصبح محترف
اما الكروان فلو تجد شاهين جبل افضل
ونفس التوقيت والبرنامج اللي مر بالوكري
اتمنى لك التوفيق
ولو فيه فرصه جيناك عقب شهر اذا ماعندك مانع
ودنا نطرد الارانب بالسلق
*
والسلام
الفيتو
الحجاز
2-5-1432هـ

[راعي جالود]

ولد مساكن


ما شاء الله تبارك الرحمن , الله يزيدكم من فضلـه


والله المقنـاص طيّـب لا صار الجو زين , والصيـد متـوفرّ

ومن وجهة نظري .. لا تقنص على طول صيف وشتى , عشـان لا تفقد المتعه


عموماً , جميعنا نتمنى أن نكون توانســه :)

ومن منطلق هذا الخبر :-

أنطرني .. أتقاعد من الوظيفه , وبـ أهاجر لـ تونس وبنافسك :)


بـ التوفيق إنشاء الله

[القرناس المهاجر]

هلابك ياولد مساكن :good:

تونس الخضراء .. لازالت تحتفظ بطبيعتها وبيئتها البكر
القنوص المحليون قلة .. والمهاجرون لايعرفون غالب المواقع
لذا هناكم الله بما أنتم فيه .. وأدام عليكم الأمن والأمان
بالنسبة للتدريب ماياخذ وقت
الفروخ سهلة وسريعة التجاوب
كلها شهر وهو يطربك لاراد الله

تمنياتي لكم بالتوفيق :)

[رامى السيد]

بالتوفيق انشاء الله

[أبو فيصل]

لا لا ما يصلح المقناص هذا الوقت

و بعدين الفروخ ما تهد و تطربك الا من شهر 9 و زود لأنها ما تعرف فن الطيران و الهدد و المراوغه مع الأنسان الا بعد فتره طويله. اما لو طارت مع أمها لمده لا تقل عن شهر فذلك أفضل

جواب من صقار مر بهذه التجارب لمدة 10 سنوات و النتيجه لم تكن مطربه و تسببت بأنقراض الطيور و مواكرها !!!

[دعاس]

اتوافق مع الفيتو الراي

[ولد مساكن]

بسم الله الرحمن الرحيم
السلام عليكم ورحمة الله وبركاته
مسا الخير اخوي / ولد مساكن
نغبطك اخوي على ما انت فيه من قرب وكثر صيد
بالنسبه للارنب الوكري مناسب لصيدها
وافضل وقت لجنيه من العش بدايات شهر خمسه
ويدخل على برنامج الارنب بالتدريج وبداية شهر سبعه
يكون صاد ومستواه يتحسن حتى يصبح محترف
اما الكروان فلو تجد شاهين جبل افضل
ونفس التوقيت والبرنامج اللي مر بالوكري
اتمنى لك التوفيق
ولو فيه فرصه جيناك عقب شهر اذا ماعندك مانع
ودنا نطرد الارانب بالسلق
*
والسلام
الفيتو
الحجاز
2-5-1432هـ




السلام عليكم ورحمة الله وبركاته

يا مرحبا بالفيتو

عندي لك إقتراح أحسن

شنو رايك بمقناص حبارى للموسم الجاي

حملات الأمراء لا عادت تجي لتونس و القرار إتخذ بمنعها

و أعرف جماعة صقّارين إخواني في الجنوب إذا تبي أشوف لك معهم

و تعال حتّى الأسبوع الجاي للمعاينة و شوف الحبارى كثر الجراد

تنزل عندنا ضيف معزز مكرّم و نتعرّف على وجوهكم الطيبة

و الدّعوة عامّة , أي أخ يبي يجي عندنا قلوبنا مفتوحة

و يجي و يعاين أرض المقناص بنفسه و يشوف الحبارى

مستنّي ردك

[ولد مساكن]

بارك لله فيكم إخواني على الردود الطيبة

و إن شاء الله بالتوفيق لكم

[راعي غضبان]

مرحبا اخوي
الله يعطيك العافيه
وانا اقول كل شي في وقته حلوا
والمقناص في الصيف ماله طراه وطعم
غير الشتاء مافيه مقناص
وتقبل تحياتي