المساعد الشخصي الرقمي

مشاهدة النسخة كاملة : استفسار عن كاميرا Canon PowerShot G12


كانشو22
06/04/2011, 01:59 PM
السلام عليكم

الصراحه شفت الكاميرا هذي وجازتلي دقت الصوره Canon PowerShot G12

لكن مدري ايهم احسن هي اوCanon PowerShot SX30 IS

احترت بقوه


وبي منكم ايجايباته وسلبياته
الكاميرا الاولى ..وايش يجي معه اغراض وكم سعره


تكفووووووووووووون والله ترددت بقوه بالكاميراتين ذولي

وجزاكم الجنه
كانشو22
06/04/2011, 02:06 PM
ايه صح وقدر اركب عدسه ولا

وفلاش طبعا كاميراCanon PowerShot G12


لااله الا الله
حربى الجنوب
06/04/2011, 03:44 PM
منقول من الاخ حسام بن محمد ,,



شبه احترافية
كانون g12 الوانها حلوة وصافية وحدة قويةومواصفاتها خيال لكن عيبها زومها ماهو طويل سعرها 2050 في كام فور سل


او فوجي فلم HS10 شبه احترافية
زوم ممتااز ومواصفات رائعة جدا لكن عيبها الوانها غامقه سعرها 1400 ريال


او كانون SX30 شبه احترافية
زومها ممتاز جدا لكن عيبها مواصفاتها اقل من التطلعات والوانها افضل من الفوجي بقليل فلم واقل من G12 سعرها 1700 ريال



احترافية كانون 550D مع عدسة 18-135 سعرها 3250 ريال في كام فور سل
واذا سمحت لك الميزانية خذ بدل العدسة المذكورة 18-200
حسام العبداللطيف
06/04/2011, 07:17 PM
شكرا لك اخوي حربي الجنوب على النقل

اخوي كانشو
كانون 12 ممتازة جدا وهي موديل جديد
ومواصافاتها رائعة جدا مدعمة بصيغة الراو وهذا شي مهم
اذا كنت تعالج الصور في الحاسب لانه تقدر تعدل درجة حرارة اللون وتوازن الابيض وتقدر تزيد الالوان والحدة
من دون تأثير كبير على البكسلات عكس صيغة جي بي جي
وايضا فيها تصوير ومعالجة HDR لازالة السطوع والظل الزائد
وايضا حساسها نفس حساس SX30 لكن مطور وتقدر تصور في النور الخافت من دون كثر النويز والتشويش
الميقابكسل 10 لكن هذا من صالح حدة الصورة وصفائها
شاشة متحركة للتصوير بسهول من زوايا صعبة
الفتحة الاصغر فيها 8 وهذا يجعلها افضل لتصوير الطبيعة بينما 30 الفتحة 5.8 وهذا يزيد من ضحالة عمق الميدان ويسبب عزل لا يناسب تصوير الطبيعة
تقدر تركب عدسات خاصة بها وليس عدسات الكامات الاحترافية
العيب الوحيد فيها مثل ماقلنا زومها ليس بالطويل
اذا كنت تستغني عن الزوم الطويل انصح فيها بشدة


نعم 12 تقدر تركب عليها فلاش

http://www.blacks.ca/wordpress/wp-content/uploads/2010/10/Canon-Powershot-G12-with-flash.jpg


SX30 موديل جديد لكن خيبت امال البعض لانه ما فيه مميزات قوية غير الزوم الطويل جدا
وهذي سياسة الشركات تجعل المواصفات مقسمة على الكاميرات لذلك تجعل المستهلك في حيرة


دمت بود
كانشو22
06/04/2011, 08:06 PM
شكرررررررررررررررررررررررررررررا لكم جميعا على المعلومات

طيب العدسه الخاصه به كيف شكله واسمه
وسعر الكاميرا

والفلاش كم سعره


وماهو..>>صيغة الراو ...الميقابكسل

والزوم كم متر


ونا ما احب اصور وعدل بالفوتو <<مالي خلق ابيه طازجه وحلوه


وصح نسيت به غطى للكاميرا ولا لا

ولمني وخارت الذاكره اضن مقدر اصور صح ..والبطاريه ليثوم<<اضن اسمه كذا
وجزيتم خير
حسام العبداللطيف
07/04/2011, 01:56 AM
العدسة الخاصه به ما عندي فيها علم
سألت عنها في الحارثي وكام فور سل ما عندهم ممكن تطلبها في امازون

اعتقد اي فلاش يركب في الاحترافية يركب عليها فيه انواع كثيرة من شركة كانون وغير كانون تتفاوت من 300 الى 1800 ريال

وصيغة الراو هي معناها الخام صور لم تعالج في الكاميرا لحين معالجتها في الحاسب ولا تقدر تفتح الصورة الا في برنامج خاص يجي مع الكاميرا سي دي او من خلال برنامج كاميرا راو في الفوتوشوب
واذا تعمقت بالتصوير راح تعرف اهمية هذي الصيغة لكن حاليا خليك على صيغة الجي بي جي

الميقابكسل هي المربعات الملونة الصغيرة التي تتكون منها الصورة (اذا كبرت الصورة بشكل كبير راح تشاهدها بوضوح)الزوم تقريبا تقدر تصور جسم شخص يبعد عنك 15 متر او 20

الكاميرا لها غطاء اوتوماتيك اذا فتحت الكام يطلع الزوم وينفتح الغطاء تلقائي
اذا شلت الذاكرة راح تصور لكن ما راح تحفظ الصور
نعم البطارية ليثيوم
حربى الجنوب
07/04/2011, 01:08 PM
والله يا اخ حسام كان عندى رغبة فى شراء كاميرا كانون 30 بس لما قريت كلامك صار معى احباط شديد ,, من موصفات الكاميرا ,,,
كانشو22
07/04/2011, 02:22 PM
جزالك الله خير
حسام العبداللطيف
07/04/2011, 03:33 PM
والله يا اخ حسام كان عندى رغبة فى شراء كاميرا كانون 30 بس لما قريت كلامك صار معى احباط شديد ,, من موصفات الكاميرا ,,,


اخوي اذا كنت تحتاج زوم طويل انا اقولك من الحين خذ كانون 30 لانه فيه ناس تحبط
من الزوم المتوسط
اما اذا كنت تميل اكثر لتصوير الطبيعة والسيتل لايف بالتأكيد 12 انسب لك
...
او خذ نيكون الجديدة p500 مواصفاتها ممتازة جدا وزومها تقريبا نفس زوم 30 لكن ما راح تلاقي الوان وحدة مثل كانون 12
البدر الجنوبي
07/04/2011, 04:05 PM
أخي حسام

شكرا لك على نصائحك القيمة

أخي لو أضفت هذه المجموعة للكانون g12 من أمازون كم سيصل الزوم فيها

بتركيب عدسة التليفوتو وهذا هو الرابط من أمازون

http://www.amazon.com/Ultimate-Package-Powershot-Telephoto-Filter/dp/B002TWYVVQ/ref=sr_1_12?s=electronics&ie=UTF8&qid=1302181080&sr=1-12

شكري وتقديري
حسام العبداللطيف
07/04/2011, 06:25 PM
شكرا على الرابط استفدت كثيرا منه لانه ماكان عندي خلفيه عن هذي العدسات

لكن الي في الرابط ثلاث عدسات .. ماكرو+ تليفوتو + وايد انقل
التيليفوتو راح تعطيك زوم بصري مقداره 3.5X ثلاث اضعاف ونصف الضعف
سعرها واصلة للسعودية ممكن تطلع لك 350 ريال او 400 تقريبا تزيد او تنقص
اذا كنت تبغى احد يجيبها لك من برى فيه واحد اسمه سامر البقشي من الاحساء
في اصدقاء الضوء تعاملت معه اكثر من مرة والرجل صراحة ما لقيت من الا الصدق في التعامل
ممكن تلاقي موضوع خاص به في البيع والشراء
كانشو22
08/04/2011, 09:13 PM
طيب ابغى كتاب للكاميراCanon Powershot G12


موجود ولا سهله الاسنخدام
كانشو22
13/04/2011, 06:32 PM
لو سمحتو اقدر اركب عدسه خاصه بالكاميرا >>للزوم طبعا
حسام العبداللطيف
13/04/2011, 07:30 PM
من افضل طرق التعلم المحاول والخطأ
خليها على الوتوماتيك وان حاول وجرب كل شي فيها
وكل يوم تتعلم شي جديد

بالنسبة للعدسة ايه فيه عدسة زوم لها مثل ما قال عنها البدر الجنوبي قبل عدسة تيليفوتو
تجيب لك ثلاث اضاعف ونصف الضعف لكن اعتقد ان هذا ضد حدة الكاميرا لانك تستعمل
عدسات اقل بكثير من امكانيات الكاميرا
كانشو22
13/04/2011, 07:38 PM
جزاك الله خير

طيب انت تمتلك هذي الكاميرا
عناز الحره
13/04/2011, 07:49 PM
كاااااااااااااانون 550 احترافيه وبس
كانشو22
13/04/2011, 08:02 PM
كاااااااااااااانون 550 احترافيه وبس




طيب عطنا فلوس:mad:
ShaRk LaDy
19/04/2011, 09:06 PM
طيب ايش يجي مع الكمرا لمن اشتريها ؟
حسام العبداللطيف
20/04/2011, 01:58 PM
جزاك الله خير

طيب انت تمتلك هذي الكاميرا


لا
لكن جربتها مع اخوي