ادعو له اللي ينصحني

[alhooa]

السلام عليكم اخواني

اخوكم ضيف جديد عليكم واحتاج لنصحكم
اريد اشتري جهاز جي بي اس ويش افضل نوع منها ويكون سعره طيب ومن وين اخذه ويمكن استفيد اكثر لو عندي لاب توب او كمبيوتر كفي تكفون لاتبخلون علينا وليت تدلوني علي المحلات بالمدينه او جده والله يوفقكم لما فيه الخير ان شاء الله

[الربذي]

ياهلا بك والف مرحبا بخونا الجديد الهوا
شف لقلك!
بصراحة اللي منتشر مع اغلب الناس مثل جيوب الاند كروزر هو القارمن واذا تبي افضل نوعية هو 276 سي
وهو حلو وعملي وملون وفيه نوعيه تجي عربي وهو افضل الموجود بس سعره حول 3300
وانا مامن خبره
عندي ماجلان 315 من اربع سنوات وحلو لكن الافضل ماذكرت اعلاه
ورح على خيمة السوق المكشاتيه وبتحصل اللي يرضيك
محبك
الربذي

[القصيم-الرس]

والله لو أعرف لهذي الأشياء لعلمك لكن
للأسف مأعرف

[خشم الحصان]

الاخ الغالي
alhooa
السلام عليكم
اخي الكريم حياك الله بين اخوانك في هذا المنتدي المبارك (نحسبه) وفي هذه الخيمه غفر الله لي ولك امين
اخي الحبيب ارجو منك ان تذهب الي هذا الربطين
1-http://www.mekshat.com/vb/showthread.php?t=28239
2-http://www.mekshat.com/vb/showthread.php?t=16251
ارجو ان اكون قد خدمتك
اخوك
خشم الحصان

[Pilot]

السلام عليكم ورحمة الله وبركاته

يااخووي الهواااا

اول شي هذا يعتمد على مدى احتياجك للجهاز والمواصفات والمميزاات اللي تحتاااجها

وتبي من واقع تجرربة لاتشتري اكثر من حااجتك كل اجهزة الجي بي اس نظامها واحد

تستقبل من الاقمار الصناعية عشاان تحدد لك موووقع هذا الجهاز من العالم هذي فكرة الجهاز بكل بساطه

وكل الاجهزة بتعطيك هدف واحد اللي هو تحديد الموقع

لكن كل جهاز له مميزاته في اجهزة فيها خرائط وتوضح لك مكانك في الخريطه وفي اجهزة تعطيك فقط معلومااات

ماابي اطول عليييك شووف انت وش المميزات اللي تحتااجها فقط

وثااني شي انا رجال مجررب بعض الاجهزة الاجهزة اليدوية والثابته وغيررها اذا احسنت التعامل بالجهاز وقرريت

الدليل زززين وطبقته صدقني الجهاز مهما كان نوووعه رااح يدووم معاااك

الزززبدة

جهاااز 276c مشهوود له من قبل الجميع ممتاز جدا وعملي ومميزاااته ممتازة جداا جداا

ان بغيته برري في المدينة في البحر في الجوو ممتاز جدا وعلى فكررة انا جربته في كل مكاان
بالسعوودية بالبر في المدن في اجوااء السعودية بالطيارة وررحت للبحرر انا من النااس اللي اذا استخدمت شي لازم اعررف مميزاااته كلها واجرربها بالواقع واشوووف مدى امكاانياتها واحب اتلقف كثير وألف بالجهاز الين يضبط معااي او يحترررق علي مايهمني
اهم شي اني احلل هالتنكلوووجيا = تكنولوجيا بس احب اسميها تنكلوجيا
ولا حبذا اذا عندك حبتين انجليزي يعني تعرف انجليزي خذا الانجليزي لانو اللي اعرف انوو نزل عررربي انصحك لاتقرب من العربي
لانو هذا جهااز معررب وتلقااه انجليزي اصلااا وبعض من لغاات العالم لكن العربي توهم يحطوونه ليش انصحك كذا لسببين :
اول شي : عشاان تطور لغتك شوي وتستفيد
وثاني شي : معظم الاجهزة اذا تعررربت تصير مشي حالك لان اللي صنعووه اصلاا انجليزي فيصير بعض الاخطاء اذا هم عرربووه .

خذا هذا الجهاز اللي وصيتك فيه ولا تؤلف فيه هو عملي ويخدم ومميزاته جدا رووووعه لا يفووتك
لكن بعطيك بعض الاخطاء اللي انا وقعت فيها
اول شي : تتأكد من الضماان وكم مدته وتاريخه ويمكن منتهي مدة الضمان او له شروط معينه
ثاني شي : لايسوون لك دعاياات وززحمة وس دي ومدرري ايش وخراابيط خذه مثل ماهو
ثالث شي : اشتر لك ذاكرة اصليه وتأكد انها اصليه انا مااعرف الاصليه من اللي مشي حالك لاني شريت على عماها وكنت على عجله
اشتريت الجهاز والذاكرة بدوون مااسئل وياليتني كنت اعرف بهالموقع قبل مااشتري الجهاز لكن الحمدلله طحت بجهاز زين لكن الذاكرة مشي حالك والحين من كثر مااؤلف فيه وكل شوي انزل خريطه ماخليت خرريطه بالعالم الا وحطيتها كل شوي انزل وامسسح وفرمت الشريحه لين الظاهر انها خبطت الشريحه واشووى صارت بالشريحه مو بالجهاز
فأنا اقوول لك مثلا: تشتري كم شريحه ولا تغير ولا تمسح وكل شوي تنزل خرريطه فكر زين وش تبي وش تحتاج خرائط
مثلا شريحه لخرائط الصحراء اذا رحت للبر حطها , وشريحه لخرائط مدن المملكه التفصيليه زي خرريطة حسين الله يوفقه ممتازة جدا وتؤدي الغرض فيها معظم شوارع مدن المملكه وبعض الخدماات المهمة زي البنوك والمساجد والمطاعم وفيها معظم قرى المملكة
ومثلا شرريحه ثالثه لبعض الدول اللي بررى المملكه دول الخليج الشام مصر تونس المغرب خل شغلك مررتب

وبالاخير اتمنى اني ماطولت عليييك اخوي الهواا
هذا مشاركتي المتواضعه واتمنى اني افدتك بشي وتدعي لي
واقوول لك قبل كل شي لاتستعجل بشراء الجهاز اقرى المميزات وشووف وش احتياجااتك من الجهاز الشي اللي تحتااجه بس

مع تمنياتي لك وللجميع بالتوووووفيق

[Mohammad]

نقول بسم الله وحياك الله والمستشار مؤتمن وما قصر الاخوان فى النصيحه ولكن احب ان اشارك ونتمنى ان نوفق الى ما هو خير لك ولكل من يرغب فى شراء جى بى اس انصح بشراء---قارمن--- 276c شاشه كبيره وعملى ومفيد جدا للسياره هذا ما اعلمه وما يتفق عليه الغالبيه
هناك جهاز اخر وهو--قارمن--- 76cs وهذا ايضا ممتاز شاشه صغيره وولكنه يتميز بسهولة حمله والتنقل به وهو عملى ايضا ومفيد جدا
بالنسبه للغه لم اجرب العربى ولكن قرأت هنا نصيحه بعدم الاستعجال اذا كنت تستطيع التعامل مع الانجليزى والله اعلم ولا تنسانا من دعوه طيبه فى ظهر الغيب

[عضـو قديم]

انصح بشراء---قارمن--- 276c

[alhooa]

شكررررررا الف مليون شكر
الله يوفق الجميع انشاء الله للاخوان الربذي/ القصيم / خشم الحصان / محمد / عضو قديم والدعوه في القلب والله
وشكر خاص لبالوت والي محتاجه من الجهاز انه يوجدد عندي لاب توب وكمبيوتر كفي واريد استفيد في الرحلات كالسفر للاردن جده مكه احيانا في البراري والله يوفق الجميع

[dos]

انصح بشراء---قارمن--- 276c

لأن حاليا الجميع يستخدمون ال276 سي
واسال المجربون في المنتدي ولا تاسال البياع لأنه ممكن انه يبيعك علشان يمشي بضاعته , فانتبه :no2:

[قرم]

وكيل قارمن في جده هو دار موجه . ت026636596 ش الستين

وهنالك محل في جده يبيع القارمن بأنوعه بجده شمال دوار الجوادالبيض واسمه ( بروبحر)
وأنصح ب 176c او 276c