المساعد الشخصي الرقمي

مشاهدة النسخة كاملة : اي ورشه تركب بوالين الياي ؟؟؟


محب التطعيس
07/04/2011, 02:32 AM
اخواني الله يعطيكم العافيه انا من اهل الرياض ومعي بوالين الي تركب داخل الياي ياليت احد عنده معلومه عن ورشه متخصصه في تركيبها حيث علمت انها تحتاج لدقه ومهاره لكي لاتتعرض للتلف أو قد تركب بطريقه خاطئه ياليت اللي عنده اي معومات يفيدنا الله يوفق الجميع وشاكر لكم
do7my
07/04/2011, 03:34 AM
مركز الدفع الرباعي في صناعية ام الحمام في الرياض

سعر التركيب على حسب مزاج الفلبيني مره ياخذ 60 ومره يقول لك هات 120
DOOM_MAGRO7
07/04/2011, 03:46 PM
مركز الدفع الرباعي في صناعية ام الحمام في الرياض

سعر التركيب على حسب مزاج الفلبيني مره ياخذ 60 ومره يقول لك هات 120

افضل مركز ماذكره اخوي : do7my

وصدق في سعر التركيب 60 الى 150 ريال

وهذا : بعد للبيع بوالين التحميل
( داخل الياي) للي يبي مثلهن ...

http://www.mekshat.com/vb/showthread.php?t=397097
محب التطعيس
08/04/2011, 05:21 AM
اخواني جزاكم الله خير على الشور والنصيحه
وهل فيه ورشه ثانيه ممكن تركبهن وهل بالونات 2005 باثفندر يجي معها قاعده ربل ولا لاء
شاكر للجميع
do7my
08/04/2011, 02:52 PM
اخوي محب التطعيس هل انت تريد بالونات أو عندك بالونات بس تبي تركبها

اذا كنت تبي بالونات ففيه نوعين فيه firestone وفيه air lift
النوع الأخير متوفر عند مركز الدفع الرباعي في صناعية أم الحمام

أما الفايرستون فأنا اوفرها وأطبلها من برا
وكان لي موضوع عنها هنا عرض للي يبيها بالطلب من أمريكا لكن حذف من الأداره
وأنا احترم قرارهم


اذا تبي الفايرستون عندي طقمين الأن وهي نفس اللي تركب على الأف جي والبرادو نفس مقاس الياي
عرضها 12.5 سم وأرتفاعها 19سم تقريباً
تجي بدون قاعده ربل

الأير لفت الحمراء كل الأنواع تجي بدون قاعده ربل
الفايرستون الزرقاء بعض السيارات تجي لها قاعدة ربل وبعضها لأ

التركيب افضل واحد يركبها وأرخص واحد يركبها هو مركز الدفع الرباعي في صناعية أم الحمام
وتركيبها اصلن مهوب ذيك الصعوبه أصعب مافيها فكة الياي
سعر البالونات الأيرلفت الحمراء عنده مركز الدفع الرباعي مع التركيب بـ 900 ريال ويعطيك ضمان 6 شهور

سعر البالونات الزرقاء الفايرستون عندي بدون تركيب 750 ريال وعليها ضمان سنتين من الشركة المصنعه

اتمنى اني افدتك واي استفسارات اخرى انا حاضر
محب التطعيس
08/04/2011, 04:16 PM
اخوي : do7my (http://www.mekshat.com/vb/member.php?u=101392) جزاك الله خير على مداخلتك وتوضيحك .. اخوي انا طبعا اشتريت الايرلفت الحمراء وهي جتني بدون قاعدة ربل وماهي طويله قصيره .. ودخلت موقعهم في امريكا حصلت انواع حتى البعض منهن اطول من اللي عندي.. وانا ماادري اللي انا اشتريت هل هي تركب على الباثفندر2005 علما ان ارتفاعها 16 سم بدون البلف ولاجاء معها قاعده ربل هل هي تركب على 2005 باثفندر؟؟ ياليت تفيدني
وهل انت تقدر توفر لسيارات مثل الاندكروزر والباترول ؟؟ لو احد من الشباب يبي منهن
شاكر لك
والله يحفظ الجميع
do7my
08/04/2011, 08:15 PM
حياك الله يالغالي

زي ماذكرت لك قبل يالغالي
الأيرلفت الحمراء كلها تجي بدون الكعكه الربل

الفايرستون الزرقاء الغالبيه يجي معها كعكه ربل

تقريباً من الأنواع اللي طلبتهم بالونات الأف جي واللاند الجديد 2008 والسكويا تجي بدون الكعكه الربل

وزي ماقلت انت تجي انواع واشكال ومقاسات على حسب السياره يعني موب مقاس واحد البالونات

وأرتفاع 16 بدون البلف اشوفها قصيره نوعاً ما، لاكن تركب بس ماراح ترفع واجد
لأني قست ياي موتر واحد من الربع باثفايندر 2004 وموتره والله نازل من ورا
وحصلت ارتفاعه تقريبن 20 سم
الأرتفاع لاتشيل همه تقدر تسوي لك كعكه تيفلون عند المخارط وتعالج مشكلة قصرها
بس اهم شي العرض عرض البالونه عندك كم ؟
اذا كان 12سم ماعندك مشكله ركبها وماعليها

الفايرستون اللي عندي ارتفاعها 19 بالبلف لأن البلف في الفايرستون يجي مسح مع البالونه موب بارز كثير زي الأيرلفت


وأوفرها لكل السيارات بأذن الله حسب نوع السياره
واللي موب موجود لها رقم في الكاتلوج احاول اشوف اقرب مقاس يركب عليها حسب مقاسات الياي
الاندكروزر والباترول معروف مقاسها وموجوده في الكاتلوج لاتشيل هم
وتجي بعد لسيارات السست
شف هالتقرير
http://www.mekshat.com/vb/showthread.php?t=394846
محب التطعيس
09/04/2011, 12:42 AM
جزاك الله خير اخوي على التوضيح والله يرزقك من رزقه الحلال
ابشوف عن الشباب اللي يبي
شاكر لك