بدينا بالقيض وبدنا نسولف ونكتب حياكم الله وهذا اول موضوع لي بالموسم هذا

[طير الهقاوي]

السلام عليكم ورحمة الله وبركاته

اخواني مرتادي هذا المندى نسمع عن الحرص الزائد من الصقاقير في كافت مايحتاجه الطير الربيب (البيتي)
مثل تطهير الوكر وغيره من الامور مثل لاتعلفه حمامه وعزله من الحمامه وعطه سمانه مثلجه اصحله ومثل تنضيف كف الطير ومثل تعقيم الوكر بشكل دائم وامور كثيره ذكرت منهاا ماهو دارج
وهذه الاشياء يفعلونهاا الناس اثناء الهدد يعني في الموسم
طيب يا الحبيب انت بهذه الطرق تدري وش تسوي تقتل مناعت الطير عنده ما اتكلم من علم وطب ومدراسه لا اتكلم عن ناتج تجربه مع طول السنين
نشوف راي الله ثم رايكم الحين بهذه الامور وكلن ووجة نظره
حياكم الله اخوكم طير الهقاوي

[ربع خالي]

وعليك السلام ورحمة الله وبركاته : اولا مرحباً ومسهلا بطير الهقاوي : الطير وناخوك آليا كان وحش وفي البريه تكون كفوفه اغلب الوقت جافه لأنه مايلقى عشاه الا بعد يومين او ثلاثه ، واليا صار على كف صقاره ! تلقى كفوفه كل يوم رطبه بسبب عشاه كل ليله واغلب عشاه سمان ومليان دسومه ، ولهذا يستحب التنظيف بعد كل يومين أو ثلاثه . والمشكله بأن الدسومه بعد يوم تتغير ريحتها وتجذب البكتيريا . عني أنا يجب ان أنظف كف الطير والوكر . تحياتي

[ذراع الذيب]

السلام عليكم ورحمة الله وبركاته,,
مسيت بالخير ياطير الهقاوي,,

يالله حيه وصراحه كل اللي ذكرته ياخوي اشوفها من صالح الطير من شان صحته,,
وعندك بالاخص الدس لابد يكون نضيف لانه سبب رئيسي في انتقال المرض للطير لان بقايا العلف فيه,,
ينتهي الى بكتريا ولازم الدس كل يوم يتعرض لحراره الشمس بعد تنظيفه بواسطه فرشه لقتل هالبكتريا وعندك الحمام,,
هو دمار الطيور والمفروض على الصقار مايعلف طيره من الحمامه الا ثناديها وبس,,
ويستغني عن باقي اعضاء الحمامه ومنك نستفيد يالنشمي تحياتي لك,,

[جير دبي]

حي باخونا بو عبدالله علومك ؟؟؟
يالحبيب انا في وجهت نظري ان مناعه الطير ,,ليس سببها التنظيف او ماشبه بلعكس النظافه تكسب الطير مناعه وصحه ويقل الامراض ,,
والطير لما يكون وحش طليق تكون مناعته من الطبيعه ,,
واذا كان الطير في ملك الصقار ,,,فعليه هنا مرقبته والعنايه به .
وعلف الطير هو السبب الرئيسي كان في صحته اومرضه :good2:
تحياتي لك
جير

[دعاس]

حياك الله يابو عبدالله وموضعك مهم جدا’’وانا اقول كلها توافيق من عند ربك’’في صقار انا اعرفه100% وملاحظه ان طيره له عنده حوالي
6 سنوات وقعد 4 سنوات ماطب حلقه الشناذره ولا راح للمستشفى
ولا يهتم بمظافة الطير والوكر’’وتصدقون ان طيره احسن من طيورنا
يقول الطير او غيره ياهتميت فيه يخرب,
وهذي وجهة نظره
وممكن تكون صحيحه