المساعد الشخصي الرقمي

مشاهدة النسخة كاملة : مطلوب عدسه 70 - 200 CANON


مصورجي
07/04/2011, 12:46 PM
السلام عليكم


مثل ماهو واضح بلعنوان مطلوب عدسه لكام كانون 70 - 200


وجاد ..
حسام العبداللطيف
07/04/2011, 03:34 PM
من وين انت
omar salman
07/04/2011, 07:11 PM
وعليكم السلام ورحمة الله
أي نوع حدد رقم الفتحة ووجود المانع من عدمه ؟
مصورجي
08/04/2011, 03:55 PM
^^

هلا فيكم هاذي

Canon EF 70-200mm f/4L

وانا برياض

ومره وحده بسئلكم عنها ل اخر مره لاني سئلت كثير وقالوا لي عليها وبسئلكم

انا كل تصويري رياضه يعني تغطيات مبارايات واهم شي عندي الزوم ومعاه الجوده وبس

تنفع ؟
حسام العبداللطيف
08/04/2011, 05:12 PM
اخوي اذا كان تصوير الرياضة بالليل ماراح تنفع ، التصوير بالنهار ممتازة
شوف نفس العدسة بس فتحة 2.8 هي الي تنفع للرياضة طبعا مع رفع الايزو
وصعب تلاقي واحدة مستعملة فتحة 2 لانها مرغوبه بشدة
وسعرها جديدة 4700 ريال

الزوم لك عليه يعني اذا كنت تصور مباريات كرة قدم ما راح تطلع بصور قريبة
الا اذا كان اللاعبين قريبين عندك

الجودة ممتازة جدا
مصورجي
08/04/2011, 06:11 PM
طيب انا ابي زوم ؟
وش الحل ؟
واكيد بليل كل المبارايات بليل خخخ
والمشكله بنفس الوقت الميزانيه وسط :(
يعني وش الحل ووش العدسه الي تنفع ابي زوم زوم < مقهور من الزوم وهو بلملعب خخ
طارق البيضاني
08/04/2011, 07:09 PM
اخوي عندي لك عدسه 70-300 سقما للكانون نظييفه .

+هود+شنطه+فلتر بلوو
مسيومه 550 موقعي الرياض
مصورجي
08/04/2011, 07:47 PM
^

اخوي طارق عطني صور مصورها من العدسه
طارق البيضاني
08/04/2011, 07:51 PM
ابشر

http://www10.0zz0.com/2011/04/08/16/247530812.jpg
مصورجي
08/04/2011, 07:53 PM
والله ماعليها ..
بس عشان أكون معاك صريح ..
انا جديد في التصوير الاحترافي ..
لذلك مالي خبره بلعدسات ..
اهم شي انت قريب كلامي انو تصويري كله مبارايات + تمارين بنوادي واكيد يكون بليييل
فهمت قصدي ؟

واذا فهمت تحسها تناسب للأمانه ؟
طارق البيضاني
08/04/2011, 07:57 PM
للامانه تصويرها يعتمد عليك الاعدادات والادوات طبعا كل ملعب فيه اضاه يعني ان شاء الله تنفعك واذا كان الاضاه قليل ارفع الايزو واستخدم الفلاش واعداد اولويه الفتحه واستخدم حامل ثلاثي وامورك زينه باذن الله انت جربها ما عجبتك ردها مافي مانع .
مصورجي
11/04/2011, 06:04 PM
وبعدين يعني !
دورت العدسه بكل المحلات برياض الحارثي كام فور سيل وكل الاماكن مافيه !؟
طارق البيضاني
11/04/2011, 06:08 PM
عرضت عليك عدستي ورفضت بعتها اليوم الله يعينك تدور عدسه
mr.muhmmed
11/04/2011, 09:20 PM
انا عندي بعد عدسه 70-300

السراحه انا ما جربتها للتصوير الرياضي

حاولت اصور فيها طيور لاكن صعبه شوي اعتقد انه تصلح للتصوير بالملعب بحكم الزوم الكبير

واساال عنها انت

هي تنفع ولا لا

عموما هذه العدسه الجديده مهب غاليه شاريها من 23-1-2011 << يعن اعتقد مالها 3اشهر <<< تراي م
اعرف بالتاريخ الميلادي الا القليل جدا

وللامانه العدسه نظيفه جدا جدا لان استعمالي لها خفيف وقليل

انا ابي اسوي مووضع عشان بيعت العدسه
حسام العبداللطيف
12/04/2011, 02:05 AM
للامانه تصويرها يعتمد عليك الاعدادات والادوات طبعا كل ملعب فيه اضاه يعني ان شاء الله تنفعك واذا كان الاضاه قليل ارفع الايزو واستخدم الفلاش واعداد اولويه الفتحه واستخدم حامل ثلاثي وامورك زينه باذن الله انت جربها ما عجبتك ردها مافي مانع .

70-300 ما تنفع للتصوير الرياضي بالليل مطلقا حتى مع رفع الآيزو ،
طبعا نحن نقصد التصوير الرياضي الي هو تجميد الحركة ، واضاءة المعلب ما تكفي
يعني لازم تكون الفتحة 2.8 او اكبر لـ300mm وتحت، مع رفع الآيزو مع انه يزيد التحبيب والنويز ، لكن تكون مضطر له

استخدام الفلاش نادر جدا في التصوير الرياضي، خاصة اذا كانت كرة قدم لان اللاعب بعيد
عنك ستين وثمانين متر وافضل فلاش يعطيك اضاءة تقريبا 15 متر بالكثير الى 20 متر فقط
الحامل الثلاثي لا يستخدم في التصوير الرياضي لانك ما تحتاجه اذا كنت تجمد الحركة
ربما تقصد حامل العدسة ذو الساق الواحدة
والافضل في التصوير الرياضي هو اولوية سرعة الغالق والايزو اوتوماتك
خل السرعة اكثر من 300 اذا كان البعد البؤري 300 او السرعة اكثر من 400 اذا كان
البعد 400 وهكذا رقم السرعة يكون اكبر من رقم البعد البؤري اذا كنت تريد تجميد الصورة من دون تأثير اهتزاز اليد

بالنسبة للتصوير الرياضي هو اكثر مجالات التصوير تكلفة
يكفي انه العدسة الواحدة تصل الى 50 الف ريال واكثر
مصورجي
13/04/2011, 05:19 AM
فيه واحد يقول خذ هاذي اذا تبي تصوير رياضي وماجاك علي
Canon EF 70-200mm f/2.8 L

توافقونه ؟
معني تعبت وانا اسال عنها يقولون مافيه
أبو نآصر
13/04/2011, 07:09 AM
^^^
أغلب آلمصورين آلريآضين يستخدمونهآ ,
حسام العبداللطيف
13/04/2011, 12:52 PM
فيه واحد يقول خذ هاذي اذا تبي تصوير رياضي وماجاك علي
Canon EF 70-200mm f/2.8 L

توافقونه ؟
معني تعبت وانا اسال عنها يقولون مافيه


بالتأكيد وهذا الي قلنا عليه افضل خيار
لكن خذ في بالك ان الزوم ما يساعدك على تصوير اللاعبين وهم بعيدين عنك
لذلك تجد بعض المصورين تكون معه كاميراتين وحدة مركبه عليها العدسة الي نقول عليها
والكام الثانية مركبه عليها عدسة تيليفوتو طويلة جدا مثل 400mm او 500mm او 600mm واسعارهم بعشرات الآلاف

الشاهد
انه فيه عدسات افضل منها لكن هل تدفع 30 الف او 60 الف عشان عدسة
التصوير الرياضي مكلف جدا جدا جدا وهو اكثر مجالات التصوير كلفة
و90 بالمائة من المصورين في الملاعب الي معهم عدسات باهظة الثمن عدساتهم للشركات (مجلات ، جرايد ..الخ) وليست للمصورين المصورين شغالين للشركة

والي قالك ان عدسة 70-200 فتحة 2.8 هي انسب لك اوافقك مائة بالمائة وكل المصورين في الملاعب الي يصورون لحسابهم الخاص لازم تكون معه هذي العدسة
سواء مع شركة كانون او نيكون
سعرها في الكانون 4700 ريال
ملاحظة اذا ما قدرت عليها فيه عدسة سقما 70-200 فتحة 2.8 ممتازة عن تجربة
لكن الكانون افضل
سعرها تقريبا 3000 ريال ممكن تجربها عند الحارثي

التوفيق
مصورجي
13/04/2011, 06:54 PM
اوكي حطيتها براسي ولا راح اخذ غيرها
بس لعل وعيسى الاقيها الكل مافيه !