* وترجل الطير الطـــــــيب *

[الفيتو]

بسم الله الرحمن الرحيم
السلام عليكم ورحمة الله وبركاته

مساء الخير يا جماعه
عودناكم تقرون علوم زينه هالموسم ولكن اليوم عندي لكم علم مايسر ( نجلا ) وما ادراكم
عن نجلا طيره عراقيه سجلت حضور طيب من يوم هي فرخ عدد صيدها في الكراوين
تعدى 200كروان من اعجب ما سوت هالطيره في جول واحد صادت 12كروان
وتاخذ فوق وهي بيتيه ثنو لكن كل شي له نهايه وتمنيت ما تكون
هذي نهايتها ..ياجماعه قبل سنه وشوي ضاعة (شلفا )
عراقيه ما تنقص عن فعل نجلا وأنا بحاله ما يعلمها الا الله تمنيت انها ماتت
ولاضاعت وتذكر هنا والا هنا لكن بعد موت ( نجلا ) بها الشكل قلت ليتها راحت مثل (شلفا)
ولا ماتت ..لكن مقدر ..
عزالله اني عقب نجلا خلاوي .. اشيل طير وكني أقنص بلا طير

هذي صورتها
http://www.mekshat.com/pix/upload/images12/mk8575_naj.jpg

وشلون ماتت ؟ بعد ماصادت الكراوين ذي تركناها تعشى وجا واحد من الربع
ودعسها ما شافها
http://www.mekshat.com/pix/upload/images12/mk8575_naj (1).jpg

لاحول ولا قوة الا بالله
http://www.mekshat.com/pix/upload/images12/mk8575_naj (2).jpg

من ذكرياتها اللي بقت
http://www.mekshat.com/pix/upload/images12/mk8575_naj (3).jpg

ايام مرت كنها حلم ليل
http://www.mekshat.com/pix/upload/images12/mk8575_naj (4).jpg

كم نصيبها من الكراوين ذي
http://www.mekshat.com/pix/upload/images12/mk8575_naj (5).jpg

أخر مره هدها سلطان
http://www.mekshat.com/pix/upload/images12/mk8575_naj (6).jpg

والسلام
الفيتو
الحجاز
28/10/1426هـ

[حيدرة]

السلام عليكم

يا هلا بيك اخي

ربي يجيب الي خير منها ان شاء الله

ويرزقك والاخوه كل خير

[مشوت الحصى]

الله يعوضك اخير منها





احسن الله عزاك







































في موتى المسلمين

[الدكتور00]

وعليكم السلام ورحمة الله وبركاته..

مساك الله بالخير يا الغالي ،،
في الحقيقة مريت الخيمة أول الليل ..وبسرعة تصفحت المواضيع الجديدة علي ..وعند رجوعي للصفحة قبل شوي ..استوقفني هذا الخبر اللي قلب علي راسي ..كني راعي الطيرة ..مهوب من شي لكن من غلا راعيها في نفسي ..ومن غلاها عليه ..

لكن الطير مخلوف يا بو صالح ..وأبشر بالعوض يا الغالي ..

وهذا شي مكتوب ومقدر..مثل ما قلت ما ينرد لكن الحمدلله على كل حال ..



وسلامتك ،،،،



أخـــــــــــوك ومـحـبــــــــــــك (( الــــدكـــتـــــــــــــــــور )) ،،،،،،،،،،،،

[صقر]

الله يعوض عليك يالفيتو ... ويبدو انه كانت علاقة حميمة بينك وبينها .

ومثل ماقلت : مقدّر ... والمقدّر ماعنه مهرب.

وعسى البقا براسك يالغالي.

لاحول ولا قوة الا بالله.

[الحضري]

معوّض خير يابو سلطان


وتقنا اللي أطيب منها ان شاء الله تعالى



في حفظ الله

[*القبطان*]

أخي الغالي الفيتو.
السلام عليكم ورحمة الله وبركاته

الله يعوض عليك ..ويخلفلك خير منها
ومثل ماقلت : مقدّر ... والمقدّر ماعنه مهرب.

[عبدالله الصالح]

أخي الغالي الفيتو.
السلام عليكم ورحمة الله وبركاته

الله يعوض عليك ..ويخلفلك خير منها
ومثل ماقلت : مقدّر ... والمقدّر ماعنه مهرب


اخوك القصمنجي .....

[صقر قطر]

السلام عليكم ورحمة الله وبركاته

ابشر بالعوض يالفيتو

وهذا شي مكتوب

انا امس ضيعت لي قرناس شاهين بكر ولا حد ذكره

الله يعوضنا خير وياك

وياخوي عن الموتر كان بغيت موتر راسلني على الخاص و مايسير خاطرك الى طيب

[تواق]

افاااااا نجلا


يعلم الله اني مستانس بهدادها اكثر من الفيتو نفسه

لكن مقدر وابشر بلعوض يابوصالح

[خشكاري]

بسم الله الرحمن الرحيم

السلام عليكم ورحمة الله وبركاته

لاحول ولاقوة الا بالله . .؟!

انترنت اكسبلورر . . المفضلة . . مكشات . . الصيد البري . . الصيد البحري . . الى هنا كان الوضع سلامات . .؟!

لاكن يوم دخلت خيمة الصقور وقريت ماقريت عز الله اني تكدرت بكدرك يابو صالح . . ولو انك علمتنا العلم بدون صور سلمك الله كان هانت علينا يالغالي . . لاكن الصور فعلت الأفاعيل . .

عسى الله يعوضك خير منها ياخوي الفيتو وأبشر بالعوض . .

وللأخ العزيز صقر قطر أيضا نقول الله يعوضك أخير منها . .

[سرهيد1]

السلام عليكم ورحمة الله وبركاته

أبشر بالعوض يابو صالح

ولو أنه ...........

ما كل طير يعاض بطير .... ولا كل الشياهين مملوحه
طيرً يهولـك وطيرً غير .... وطيرً يكفيـك مـنـضــوحه

بس ترى ياخوي أحمد الطيور ما تساوي شي من غير صقاقيرها وطيرتك هذي لو أنها ما طاحت بيدين صقار خبير ما كان جالها العلوم الطيبة الى تنومسك .....

فلا تهتم ولا يصيبك الغم يا خوك ......

لا سلم راسك من الهفايا والاسباب .... تشهر كما الشيهان طير الهدادي
وتجيب فرخ تـو مـا يبزغ الـنــــاب .... وتعلمه صيد الكراوين اللبادي


الرجال هي اللى تصقر الطيور ........ وربك يقدر لكل شيء قدر ولا مرد لقضاء الله

على كل حال تبي الصحيح ........ ذكرتني سالفة دعستها بسالفه جرتلي من قبلك وتسببت في مقتل طير والله كنت أعزه
وعلى قدر ما حزنت لحزنك .... إنما مع تذكر حادثة طيري خالجني بعض الضحك لما حدث في ذلك اليوم .

فنرجوا منك يابو صالح أن لا تبخل علينا بسرد سالفة دعسة الطير .......... وتكون صادق وتبلغنا بردة فعلك بالتفصيل الممل ههههههههههه

والله حينما تذكرت ردة فعلي يوم أندعس طير الأن ضحكت على نفسي كثيراً

فأرجوا منك أن لا تبخل علينا بسرد تفاصيل الحادث بالتفصيل الممل

ولك مني التحية

وتراني أقولها وأنا صادق يابو صالح ( عوض طيرك جاهز ياخوك بس يبيله من يجي ياخذه )

[البحارى]

لا حول ولاقوه الا بالله ربنا يعوضك خير منها

[خالد الهشال]

كفو والله يا الدكتور
وكفو يتواق
وكفو ياسرهيد
قول وفعل

ويالفيتو الله يعوضك بخير من نجلا والطير مايسوى زعلك( :( ) يالغالي

وأقولك
عساك ما تفقد عزيز(ن) مخاوي * * * والطير مهما كان ياصاحبي طير
نجلا وشلفـا وغيـرهـن ماتسـاوي * * * أنك تضيـق خاطـرك دامـك بخـيـر
و(سرهيد)و(الدكتور)الي يداوي * * * و(تواق)كلن بشرك بالعوض طير

والله يرزقك بخير منها

تحياتي
خالد الهشال

[نهر العطاء]

الله يعوضك بطير ازين منها
وهذا شي مكتوب وانا اخووك

[المري]

الله يعوضك بطير اطيب منها..

وترى العوض جااااهز وجايك في الطريق...

اخوك / المري

[راعي شوق]

اخوي الفيتو
السلام عليكم ورحمة الله وبركاته
والله خبر ما كان على البال وانها صدق فجيعة
ولكن ما نقدر نقول غير ابشر بالعوض يابو صالح ودامكك بخير يفداك الف طير

[فرخ الشياهين]

وعليكم السلام ورحمة الله وبركاته
ان لله وان اليه لاراجعون...........
ابشر بالعوض يابوصالح، والله يوم قريت الخبر دمعت عيني وانا ماعرفك يابوصالح
بس الخبر فجيع بلحيل يابو صالح...........
وكتبت هذه القصيده وتراني منيب شاعر واول مره اكتب قصيده ............(ولاتلوموني ياشعار ).....

قريت ان يا ناس بعلوم نجـــــــــلا **** شيهانتن تعجب ترى كل صقــــــار

تبغا السمينه لا تدور لهــــــــــزلا **** بالفعل هذا تبهر اصغار واكبــــــار

ما شفتها بفعل الكروين فعــــــــــلا **** ولا الحبارى علقتها بمطيـــــــــــار

يحض منهو شاف هدك يانجـــــــــلا **** على الطبيعه يوم لفيت الانظـــــــار

وسلامتكم...........

[الشـ صقرـــام]

اللهم لاحول ولا قوة الا بالله

الله يعوض عليك بالاحسن اخي الفيتو

[سلطان الوايلي]

(( الله يعوضك الي أحسن منها اخوي الفيتو ))

و لايضيق صدرك يالغالي وزي ما قال الاخ سرهيد الصقر من صقاره وأنت ماشاءالله عليك تقدر تخلي اي طير يفعل فعل نجلا

,,,,,,,,,,,,,,,, والله يعوضك باللي أحسن منها إن شاءالله ,,,,,,,,,,,,,,,,,,

[ابو عايد]

السلام عليكم ورحمة الله وبركاته

ابشر بالعوض يابو صالح

وانشاءالله تجيك اطيب منها ولا يضيق صدرك

وملاحظتي ها العام في مجيرمه او الشعيبه لا هديت طيرك على كراوين يمشي الواحد ولا ينتبه للهدد كنه ما يشوف

وكان بيدهس لنا طير حر في مجيرمه ولكن الله يعين اخواني الصقارين في ذيك المنطقه

ابو صالح اكثر من مره اكلمك بالمجال ولكنه مغلق

[نازح البعد]

معوض خير الفيتو وأبشر بالعوض وعاشق الهضب يسلم عليك ويقول عوضها من هضاب الربدكل طيرا وان طالت سلامته يوم على آلة حدباء محمول

[الفيتو]

بسم الله الرحمن الرحيم
السلام عليكم ورحمة الله وبركاته

مساء الخير يا جماعه
الأخ العزيز / حيدره
تسلم امين

الأخ العزيز / مشوت الحصى
جزاك الله خير تسلم

الأخ العزيز / الدكتور
تسلم يا غالي وسلامة راسك ..تعوض وتسلم.لاسلم لي راسك هو العوض

الأ خ العزيز / صقر
تسلم وتعيش

الأخ العزيز / الحضري
جزاك الله خير عشت

الأخ العزيز / القبطان
سلمت وعشت يا غالي

الأخ العزيز / القصمنجي
آمين سلمت

الأخ العزيز / صقر قطر
الله يعوض عليك بخير سلمت وعشت

الأخ العزيز / تواق
شفت وشلون ...........ماتت نجلا .تعوض وتسلم .

الأخ العزيز / خشكاري
سامحني يا خوك امس فرحتك بطرح الفرخ واليوم فجعتك بموت نجلا سامحني
تعوض وتسلم والعوض شوفك سالم

الأخ العزيز / سرهيد
من وين ابدا ..لكن مشكور يا غالي على شعورك .تعوض وتسلم .
الحقيقه بعد ما هديت عقب طيرين نجلا وأخذت الكروان الأخير فوق
ذبحت حمامه فرشتها وقفنا نتحرى الربع يتجمعون بنصلي
المغرب واقفين حول نجلا اقبل واحد من الربع وبعد ماوقف
مشى في اتجاه الطير وكاننا غيب علينا لين داسها ولا تكلمنا الا
بعد ما تعداها وحنا نشوفها قد ولت . وتعالت الأصوات يااااااااااالله
والله يا خوك اني ما شفتها اكتفيت بصوت بناخي يقول ماتت يا خالي وفكيت
سبوق قرناس بيتي وقلت ودنا ندعي قبل الظلام من يفك الطير علي ولا أحد فك
الطيرإضطريت أحطه على الأرض وبديت انسره وأحطه على الأرض وابتعد لين
ابعدت عنهم وأنا اقول من يبشرني انها حيه لكن ماش ورجعت واقمنا الصلاه وتفرقنا .

الأخ العزيز / البحاري
امين وتسلم وتعيش

الأخ العزيز / خالد الهشال2
والله انك .. جبرتني .بهالبيوت تسلم وانت والربع

الأخ العزيز / نهر العطا
آمين تعيش وتسلم

الأخ العزيز / المري
تسلم وان عاش راسك هو العوض
تعوض وتسلم

الأخ العزيز / راعي شوق
تعوض وتسلم .. مقدر ما عنه مجناب ..تسلم

الأخ العزيز / فرخ الشاهين
جعلك ما تسمع خبر شين .وتسلم .وتعيش . صح لسانك

الأخ العزيز / صقر الشام
تسلم يا غالي وما تسمع خبر شين

الأخ العزيز / سلطان الوايلي
سلمت وعشت . ما تشوف ضيق

الأخ العزيز / ابو عايد
مرحبا مرحبا وينك يا خوي طولت الغيبه جوالي اغلب الأوقات على الهو ا بس كنت
الأيام اللي راحت في المقناص يوم هنا ويوم هنا ..وبكلمك اليوم

الأخ العزيز / نازح البعد
يسلم ويسلم عاشق الهضب . ليا عشتوا هذا عوضي

والسلام
الفيتو
الحجاز
30/10/1426هـ

[((( الحر)))]

عزالله اني عقب نجلا خلاوي .. اشيل طير وكني أقنص بلا طير

حزنا يابو صالح من حزنك..اسأل الله ان يعوض عليك باخير واطيب منها.

وكل شي مقدر ومكتوب يالغالي..

ماشاء الله عليك كلامك اعجبتني...يقولك ((ولكن لكل شي نهاية))...!!!

[طيرحوران]

أبشر بالعوض ابشر بالعوض
السلام عليكم ورحمة الله وبركاته
والله يابو صالح مادريت إلا من الربع قالو الفيتو مات له طير يوم والله كنه مات طير لي لكن يابو صالح ابشر بالعوض وانت خابرها تسخر شراد الكراوين .
تستاهلها يابو صالح وترى طيوري هي طيورك .
والحمدلله شيء اهون من شيء والحمدلله صارت بالطير .ولا تجزع يابو صالح فكل شيء مكتوب ومقدر
والسلام

[حر الجنوب]

لا حول ولا قوه الا بالله
الله يعوضك بأحسن منها وتراه مقدر ومكتوب

[صاروخ]

الحمد لله على كل حال
من اصيب بمصيبه فقال اللهم اجبرني فى مصيبتي وأخلفلي خير منها
خلف الله له خير منها
الله يجبر عزاك بنجلا ويخلف عليك ابرك منها
وعساك سالم

[نايف الخالدي]

السلام عليكم ورحمة الله وبركاته

ابشر بالعوض يابو صالح
وبيعوضك الله احسن منها ان شاء الله

[سلطان السعد]

عز الله إني بعد نجلا خــلاوي
.............. اشيل طير وكني اقنص بلا طير
اعوذ بالله من عظيم البــــلاوي
.............. والله يقدر كل شي بتقــــــــــــــدير
نجلا ترى ماني على البعد قاوي
.............. لكن انا وياك نمشــي بتــــــــدبير
صبرت في فرقاك صبر الشقاوي
................ والصبر موعوده من الله بالخيـــر
الطيره اللي لوتفيد المنـــــاوي
............... مابا اتمنى غير نجلا ولاطيــــــــر


اسمحلي يابو صالح بما عبرت به تكمله لما قلت
والعذر والسموحه ان كانك ماهي على المستوى المطلوب ( عليمي )


الله يعوضك خير . وهذه الأقدار لابد فيه من الرضى والتسليم
من لم يمت بالمرض مات بكفر سيارة ..... تعددت الأسباب والموت واحد

[هاوي مقناص]

السلام عليكم ورحمة الله وبركاته؟..............


احسن الله عزاك اخي الفيتو ،، ومعوض خير .



اخوك:الخشف

[abu saud]

أسأل الله العلي القدير أنه يعوضك خيرا منها

[aziz2727]

سلامتك وسلامت عيالك من الشر
والله يعوضك خير منها

[صقر ليبيا]

ربى يعطيك خير منها وشكرا

[أبو رداد]

السلام عليكم ورحمة الله وبركاته


ابشر بالعوض يابو صالح
والطير ليا صار عندك ياحظه ...
لان مو كل صقار يعطي الطير حقه ... والكتاب يبان من عنوانه
ويقولون الاولين .... يالصقارالطير لو ماضاع مات
ولو ضاع قلنا ليته مات .... ولو مات قلنا ليته ضاع
وهو في الحالتين مفارق ومايبقى غير ذكراه
الله يعينك ...

[الفيتو]

بسم الله الرحمن الرحيم
السلام عليكم ورحمة الله وبركاته
مساء الخير يا جماعه
*
الأخ العزيز /نازح البعد
تسلم ويسلم عاشق الهضب
*
الأخ العزيز /ابو عايد
تسلم يا بو عايد ...هههه مجيرمه زينه في كل حال
*
الأخ العزيز /سلطان الوايلي
عشت يا سلطان مشكور على الرد الزين

*
والسلام
الفيتو
الحجاز
12/7/1428هـ

[صقر20]

كفو والله يا الدكتور
وكفو يتواق
وكفو ياسرهيد
قول وفعل

ويالفيتو الله يعوضك بخير من نجلا والطير مايسوى زعلك( :( ) يالغالي

وأقولك
عساك ما تفقد عزيز(ن) مخاوي * * * والطير مهما كان ياصاحبي طير
نجلا وشلفـا وغيـرهـن ماتسـاوي * * * أنك تضيـق خاطـرك دامـك بخـيـر
و(سرهيد)و(الدكتور)الي يداوي * * * و(تواق)كلن بشرك بالعوض طير

والله يرزقك بخير منها

تحياتي
خالد الهشال
أوجعت قلبي يبوصالح
والله يعوضكم باللي أطيب منها إن شاء الله
وكل شيئ مقدر بها الدنيا ومكتوب

[راعي الناوي]

راحو رجال مايتعوضون دون الطيور لكن (الحمدلله)على كل شي ، وإنشالله تدفع البلى ومعوض باللي احسن منها

[ابو سمحه]

نجلا راحت ونا ضايق البال111111111111111 حسيت من بعدها بضيق وترحال

[قرناس خلوي]

يالله يعوضك باللي أخير منها إنشاء الله ،،،،،

[المزروعي]

افا افا افا افا افا يذا العلم .. اخوي الفيتو .. الله يعوض به خير انشالله وفالك طيب .. طيورنا كلها تحت امرك . وسع صدرك . هذي امور اتصير واهم شي ان الطير ترك بصمه في حياتك . ماراح وهوا علا الشده . اللا مات بعدد ما فعل فعول طيبه .. وابشر بالعوض وانا اخوك

[فنجون]

الله يعيضك خير في نجلاء وهذي الاطيور ام ضياع ولا موت وهذي الدنيا الله يكيفينا شرها

[الفارس3]

الله يعوضك بطير اطيب منه

[حطاب 123]

:( الله يعوضك اخير منها

[الفيتو]

بسم الله الرحمن الرحيم
السلام عليكم ورحمة الله وبركاته
مساء الخير يا جماعه
*
الأخ العزيز/ صقر20
سلامة قلبك يا غالي كلامك في محله سلمت وعشت
*
الأخ العزيز/ راعي الناوي
صدقت وسلمت وسلم غاليك
*
الأخ العزيز/ ابو سمحه
ممممششششششششكور على الرد الجميل
*
الأخ العزيز/ قرناس خلوي
سلمت وعشت
*
الأخ العزيز/ المزروعي
هالكلام طيب ما يجي الا من طيب لاخلا ولاعدم
*
الأخ العزيز/ فنجون
كلامك هو الصحيح حياك الله
*
الأخ العزيز/ الفارس3
تسلم وتعيش

*
الأخ العزيز/ حطاب 123
حياك الله وسلمت على الرد

والسلام
الفيتو
الحجاز
23/7/1428هـ