قريباً افتتاح سوق الطيور بالرياض تقرير مصور

[الشنه]

واخيراً اصبح سوق الطيور قاب قوسين او ادنى
واقترب الأفتتاح
حسب كلام المهندس المشرف
متوقع ان يكون خلال شهر الى 3 شهور
يفترض ان السوق انهاه المقاول ( شركة رغدان) من سنه على الأقل
لكن هذا هو الحال


ما نطول عليكم
خذت جوله في السوق برفق المهندس عبد الرحمن( سعودي )
وعطاني معلومات قيمه عن السوق تصميم السوق واضح انه على شكل جناح طير
ومن قام بتصميم الجناح شركه ايطاليه وتم تنفيد التصاميم هنا والتصميم رائع بكل المعنى وفريد من نوعه وتكمن البراعه في كيفية تصميم هذا الهيكل وحمله على اقواس حديده من دون اعمده
السوق يحتوي على 7 محلات فقط تحت الجناح وخمس محلات خلفيه( مساحتها صغيره جداً ) و يحتوي على مكتب اداره السوق وعياده بيطريه ودورات مياه اعز الله الجميع


كذلك روعي في التصميم ان تكون هناك مساحات خارجيه واسعه للحراج والبيع وممرات للمشاه ارضيتها من الحجر الطبيعي تم جلبه من ضرما وحريملا ليعطي لونين مختلفين هالممرات تحيط مواقع البيع والحراج والعرض وهي مساحات من الرمل


السوق محاط بالمواقف من جميع الجهات


التصميم رائع واعتقد الأضائه اذا روعي فيها الحداثه والألوان ستزيد المكان روعه


كذلك يوجد بوفيه او كفي شوب


اصحاب المحلات يحتاجون ان يعرضو طيورهم داخل محلاتهم ومساحتها لا تكفي


فالسوق مصمم للحراج فقط ( من صممه لم يجري اي دراسه ميدانيه حول احتياج من وضع السوق لهم وليست لديه اي خلفيه عن الطيور واهلها وطباعها وطريقة التعامل معها )


اترككم مع الصور




http://www14.0zz0.com/2011/04/07/16/185975159.jpg (http://www.0zz0.com)


هذا جزء من السوق والمحلات والفتحه بين المحلات ( واضحه ) تؤدي للمحلات الخلفيه
وقدامها ممشى ومساحات رمليه للعرض والمزايده ( البيع والشراء)


http://www12.0zz0.com/2011/04/07/18/796080573.jpg (http://www.0zz0.com)



هذي جزء من المواقف اللي على شارع المدينه
الجهه الشماليه للسوق



http://www10.0zz0.com/2011/04/07/18/457650650.jpg (http://www.0zz0.com)



لقطه للسوق وطبعاً السوق يفتح شمال شوفو النخل والحجر هذي هي الممرات والمساحات الرمليه
كامل المنطقه اما السوق راح تكون بهذي الطريقه



http://www2.0zz0.com/2011/04/07/18/654349028.jpg (http://www.0zz0.com)




http://www6.0zz0.com/2011/04/07/18/283211025.jpg (http://www.0zz0.com)


هذي محلات خلف السوق صغيره مره ولا تنفع للعرض مدري وش الغرض منها








http://www6.0zz0.com/2011/04/07/18/496832313.jpg (http://www.0zz0.com)


ادارة السوق والعياده البيطريه




http://www2.0zz0.com/2011/04/07/18/307240253.jpg (http://www.0zz0.com)
الجهه الجنوبيه من السوق وايظاً يوجد بها مواقف







http://www3.0zz0.com/2011/04/07/18/194787380.jpg (http://www.0zz0.com)
دورات مياه خلف السوق






http://www7.0zz0.com/2011/04/07/19/888030996.jpg (http://www.0zz0.com)


الكفتيريا او البوفيه


http://www13.0zz0.com/2011/04/07/18/802762453.jpg (http://www.0zz0.com)


الممرات راح تكون بهذا الشكل والجزء هذا امام الكفتيريا ( اسقل البرج الظاهر في الصوره) راح يكون طاولات وجاسات كفي اما الكفتيريا





http://www6.0zz0.com/2011/04/07/18/770021804.jpg (http://www.0zz0.com)





http://www7.0zz0.com/2011/04/07/19/690358904.jpg (http://www.0zz0.com)








http://www6.0zz0.com/2011/04/07/19/809973602.jpg (http://www.0zz0.com)


صوره تجمع المهندسين في الموقع
واقول لهم الف شكر على حسن تعاملكم
واخص بالشكر المهندس السعودي عبد الرحمن الذي لقيت منه كل ترحيب
والجميع حرص على طرح الموضوع ورغبو في معرفة رأي الجميع في السوق وما يحملة من سلبيات وايجابيات

[قناص الحاير]

شي جميل ويليت يوفر فيه ادوات تخص الصقارين

ومشكوووور

[بن سليم]

ماشاء الله تبارك الله .

كل الشكر والتقدير لمجهوداتك التي تثري المنتدى بكل ماهو جديد ومميز

الله يعطيك العافية .

الف مبروك مقدما لكل عشاق الصقور عامه .

[رامى السيد]

مشكور يا اخى وانشاء الله تتم على خير

[أبو رداد]

تقرير طيب وتغطيه أطيب
سلمت أيدك أخوي

[7ابو نواف7]

الله يعطيك العافية
لكن اظن ان اللي صمم السوق مهندس سعودي مبدع وهو عبدالإله المهنا لأني مار على السوق من فترة وأعجبني تصميمه ودورت اسم المصمم لقيت لوحة كبيرة على السوق من جهة شارع المدينة مكتوب عليها تصميم مكتب المهنا

[skeet]

الله يعطيك العافيه علي النقل

[دعاس]

الله يعطيك العافيه وماقصرت
وسبق وتناقشت مع خويانا اهل المحلات بالر ياض
حيث هناك مشكله بسعر الايجار’’لانه مايتناسب
مع مساحة المحلات حيث انها صغيره.
وعدم قناعتهم بها وسمعت انهم رافضين النقل لها مستقبلا
ولو حصل ان السوق اشتغل لابد من وضع مكتب مخصص ومسئول عن المبايعات
ويكون لديه عقد مبايعه موثق رسميا بموجب شهود وختم المحل
وفي حال حدوث مشكله بالبيع والشراء يتحملها المكتب.
والله الموفق

[عسااااف]

الله يعطيك العافيه

[صقرالحروب]

الله يعطيك العافيه

[راعي طلاع]

سوق فاشل بمعنى الكلمه مساحات صغيره تفكير عقيم

رؤيا فاشله تكلفه باهظه على ايش ما ادري عدم اخذ راي اصحاب

الخبره والعرف بالعربي سرقه عيني عينك وسلامتك..........

[saqr34]

ماشاء الله تبارك الله الله يوفقهم ان شاء الله .. لكن لدي اقتراح بسيط

هو تجميع محلات بيع الصقور مع ضم محلات الخاصه التي تبيع ادوات الصقور والصقار

حيث ان المشتري يجد كل مايحتاجه اذا قام بشراء صقر .. والله يوفق المهندس وباقي القائمين

على هذا المشروع .. والله يعطيك العافيه اخوي الشنه على المجهود الذي قدمته ..

تحياتي لشخصكم الكريمة

[مجاكر]

ألف مبروك تستاهلون كل خير يا هل السعوديه

[السومر]

التصميم والمساحات ما تنفع

[الشنه]

الله يعطيك العافية




لكن اظن ان اللي صمم السوق مهندس سعودي مبدع وهو عبدالإله المهنا لأني مار على السوق من فترة وأعجبني تصميمه ودورت اسم المصمم لقيت لوحة كبيرة على السوق من جهة شارع المدينة مكتوب عليها تصميم مكتب المهنا


احترم رأيك
لكن اعتقد انه سيتغير بعد ان تزوره وتشاهد المحلات على الطبيعه
التصميم رائع شكلاً لكنه لا يستوفي احتياجات الصقارين من باعه ومشترين

لكن لو تم تصميم وانشاء صاله مزاد في الجهه الغربيه من السوق ويتسع ل100 شخص مجهزه بشاشات عرض يمكن عرض مقاطع من قنص الطير وعرض مشاهد وصور للطير لكان الوضع افضل بكثير من طريقة العرض الحاليه

[الشنه]

سوق فاشل بمعنى الكلمه مساحات صغيره تفكير عقيم

رؤيا فاشله تكلفه باهظه على ايش ما ادري عدم اخذ راي اصحاب

الخبره والعرف بالعربي سرقه عيني عينك وسلامتك..........


على طاري التكلفه
المهندس ذكر انها حوالي 5 مليون ريال فقط وهو مبلغ بسيط جداً على الأقل يكلف 15 مليون( بأسعار السوق وليس المناقصات) لكن هذي مؤسسة رغدان وصاحبها له علاقات قويه وصدقني بعوض خسارته اضعاف مضاعفه عن طريق مشاريع اخرى للبلديه وكذا يكون شغل الكبار يضحي بالبسيط مقابل اضعاف مضاعه

[القرناس المهاجر]

نأمل ان يرى النور قريباً
وان نرى وننقل عبر مكشات
احداث ومفاجئات هذه السوق

شكراً ولاهنت

[البدائع000]

مشكور على التغطية

[الوزير 111]

شيء جميل ما شاء الله...
شغل سنع...
بس يليتك تعلمنا وين مكانه بالضبط...
تقبل مرووووري الوزير 111
أبو خالد...

[فيصل التميمي]

بيض الله وجهك على التقرير الرائع عن هذاء السوق

[wwmfs]

تقرير طيب وتغطيه أطيب

[عنيد]

تمنيت ان يكون سوقنا مثل سوق ند الشبا او سوق واقف


:good2:
صاله مغلقه ومحلات ومسجد وجلسات ومحلات عرض ودورات مياه وموقع مخصص للحراج تحيط به المحلات من كل جانب :( ليس كما نرى في حراجاتنا يتلقف البائع :mad: في الممرات وهذا منهي عنه في الدين

[جـرح الشمـال]

الله يعطيك العافيه على مجهودك وتقريرك الرائع والف شكر لك

[الشنه]

شيء جميل ما شاء الله...

شغل سنع...
بس يليتك تعلمنا وين مكانه بالضبط...
تقبل مرووووري الوزير 111

أبو خالد...




الرياض
تقاطع طريق المدينه مع طريق الملك فهد بأتجاه الشرق
جنوب امارة الرياض
غرب المحكمه الكبرى

والمكان معروف يكفي ان تسأل اي شخص عن امارة الرياض

[المغرز]

يعطييييييييك العاااااافيه

ومع السلاااااااااامه

[بو غازي]

مشكور على التقرير الوافي
الله يعطيك العافية

[قرناس شماالي]

موفقين ان شاءالله

لاكن المحلات يالغالي ماهي واجد!

[الشنه]

السوق لا يزال مفلق
ليش الله اعلم

لنا 11 شهر من نزلت هالتقرير

[وزاري]

يالشنه يابعد حـــى
أنشهد ان تقرير رائع ومتعوب

لكن هقوتك مواقف السيارات تتسع مستقبل سيارات أكثر

وعافاك الله

[أهم 1]

http://www6.0zz0.com/2011/04/07/18/283211025.jpg (http://www.0zz0.com)

بالله وش ياخذ ذا المحل من طير اتوقع ثلاث طيور
وين بحط الطيور ووين بيحط ادوات الصقاره من اوكار ومسابيق وخلافه (لعن ابو بليسهم عميان )
فااااااااااااشل

[محنك]

شكرا للتغطية .....
والله يا إخــوان مكان غيـر موفـق عند محاكم جزائية ستفتح قريباً ومحكمة كبرى ومراجعين وطريق مزدحم بالعمالــــة والـسيارت والضجيج .
وتصميم غريب وعجيب .. لايلبي أحتياجات الباعــــة ولا الــــزوار .
مكشــوف جــدا للبـرد والحــر والسمــوم والغـــبـار .... ولا يوجد به خصوصية .
وكنا نطمح لأفضل من ذلك ...

[(هزاع)]

(لاباس شي ازن من شي)
المحلات الخلفيه خدمات
والاماميه للبيع
والسوق فجر الخميس مابه دوام ولاش زحمه