سحابه سوداء على جنوب الرياض فجر اليوم وكل يوم

[هبوب]

جنوب الرياض ياتي في المقدمه مصنع الاسمنت وانت ذاهب ترى غمامه سوداء مع صفراء تخنق الرياض وتلوث عينك عينك وياليت يقومون بابعاد هذا المصنع عن الرياض ولو بقليل ولكن لاحيات لمن تنادي تحياااااا تي

[جلوبلستار]

الرياح الي تهب على الرياض اغلبها جنوب .... يعني يتوزع الدخان على أحياء الرياض ... والكسبان المستوصفات والمستشفيات الخاصه .

لو قلنا لهم ينقلونه لشمال الرياض تتوقع بيوافقون ... كثر منها .

[هبوب]

iiiiiiiiiiiiiiiiiiههههههههههههههههههههه

[الشوكيss]

السلام عليكم ورحمة الله وبركاته

الله يكون بعونكم يا سكان الرياض

يا زين القرى والمدن الصغيره

.

[عالي الشان]

امس الاربعاء صراحه اللي حدث فيه كان شئ غريب !!!

بعد ما طلعت من دوامي ( وسط الرياض ) الساعه 3 العصر لآحظت انه جهة الشمال السماء متكدرهـ وتوقعته غبار جاي وانا في الطريق اتحول لجهة الشمال الشرقي !!
وحتى كثير من اللي اعرفهم لآحظوا هالشئ فما ادري وش تفسير اللي صار ؟

[هبوب]

التفسير مصانع ودخنه سيارات الديزل وتلوث على كيف كيفك

[عالي الشان]

^
^
لا مستحيل
لو انه هذا السبب كان شفناه كل يوم !!
واللي شفته انا شمال الرياض وبعدين تحرك للشرق !!

[عروق لزام]

صحيح أخوي عالي الشان ..

أنا شفته أيضا .. وشافوه ناس غيري ..

شي غريب بصراحة .. أنا ظننته عج مقبل ..

..

[المستشار 2400]

السلام عليكم ورحمة الله وبركاته

حسب خبرتي التعليميه بماده الكيمياء فإن هذه السحب مكونه من مواد كربونيه وأخرى سامه متطاير في الغلاف الجوي للأرض ، وتلاحظون ياأعزائي بأنها لا ترى إلا في ساعات الصباح الاولى أو قبل مغيب الشمس لإنخفاض
الأشعة الفوق بنفسجيه الصادره من الشمس وسهولة رؤية خلايا الدخان بوضوح ، وهذا دليل تام على تلوث الجو في الرياض .. والله يعين الي عنده أمراض صدريه ، ودليل آخر وهو إنعدام الحياة لنباتات الأشنات لكثر الأدخنه والمواد الضاره بالجو .. لذا نأمل إبعاد المصانع عن المناطق السكنية وكذلك الأطراف المؤثره للصحه العامه مثل السيارات الخرده والحرائق وغيرها ...

محبكم (( المستشار 2400))

[فتى الدهناء]

نعم أخوي عالي الشان

فعلا أنا لاحظتها .......... وظننت أنه غبار مقبل من الشمال ........!!

[altheeeb79]

اخوي المستشار وكلامك على متمه 0وانا مع الاخوان يوم الاربعاء الساعه 12 ظهرا انا شفته من ناحية الشمال وشكله غبار ولونه اصفر انا حقيقه استغربت وفكرت انه عج جاي 0المهم اني ركبت السياره وانا رايح لام رقيبه (اتمشى وليس علشان المزايين) ولكني ماصادفت عج ولا غبار0 وفعلا كنت مستغرب من الوضع 0 اللي عنده تفسير يعجل علينا ترى فينا حب استطلاع 00000000000000

[شاهد عيان]

نفس الحركة في مدينة بريدة وقربها لم مصنع السميت

[hamad_alsaad]

مصنع الاسمنت مصنع الجبس مصفاة الرياض ومصانع اخرى كل واحد فيها يكفي لتلوث مدينه الرياض لانها تستخدم مواد كيمائيه في مصانعها. والسيارات. مع اني ساكن في شمال الرياض لكن فلتر المكيف دائم اسود. كثرة الامراض تكلف الدوله طاقه بشريه وماديه. بس وين اللي يقدر يحسبها صح؟؟؟ ;) .

[راعي الروضة]

أبنائي كلهم الآن يعانون من الكحة والحساسية الشديدة وقد لاحظت ذلك في الكثير من الناس والسبب الثلوث 000 ولا بد من حل سريع

[هاوي الخرج]

أغلب حالات الربو والحساسية في الرياض والدليل أن ماأدخل مستشفى أو مستوصف الا
لازم ألقى عند طبيب الصدرية زحمة والكسجين معلق في وجههم
وشكرا,,,

[عالي الشان]

يا اخوان ارجع واقول لكم
لو المسأله من مصنع كان كل يوم نشوفها
او على الاقل كل فتره وفتره
لكن الغريب هنا انها جت مره وحده بس وبشكل غريب
وشفتها شمال الرياض وهناك مافي اي مصنع !!

[الكونترولCONTROL]

اعتقد وصفك بعيد عن الواقع ...................
=======================
تقول : (( ترى غمامه سوداء مع صفراء ))

و انا أقول : ترى غمامة سوداء مع صفراء مع خضراء مع بنية مع رصاصية مع ... مع .. مع
مع كل الألوان و عددها 12000 بالكومبيوتر ما عدا لون واحد و هو السماوي ))

==============
و لك كامل احترامي و تقديري .... و الله يكون بعون اهل العزيزية و الشفا و العريجا و شقراء و الدوادمي !!!!!!!!

[عاشق المزون]

مشكور اخوي فعلا وانا شفتها بعد يوم الاربعاء الظهر تقول عجة مقبلى على الرياض فعلا امر غريب بس اخوي الكنترول وش قصدك في :
و الله يكون بعون اهل العزيزية و الشفا و العريجا و شقراء و الدوادمي !!!!!!!! الشفا والعريجا احياء من الرياض اما شقراء والدوادمي محافظات تبعد عن الرياض :)

[الكونترولCONTROL]

لأني مسكت خط رايح غرب !!!!!!!!!!!!!!!! و قلت يالله ...... يدخلون بالبركة مع الرياض !!!!!!!!

[nahham]

وهذه الغمامه تتكرر في مثل هذه الايام ولا علاقة لها بالتلوث

بقي ان نعرف رأي اخونا خالد العوض

شكرا لكم